Petara udah lama netapka atur pasal tikah sebedau perintah mensia netapka sebarang ukum bekaul enggau utai tu. Bup keterubah dalam Bup Kudus madahka, “Nya kebuah lelaki ninggalka apai indai iya, lalu begulai enggau bini iya, lalu seduai iya nyadi siku.” (Pemungkal 2:24) Nitihka Vine’s Expository Dictionary of Biblical Words, leka jaku “bini” mai reti “seiku mensia ke dikumbai indu.” Jesus mega enggau terang madahka, semina “lelaki enggau indu” ulih kawin.—Matthew 19:4.

 Nambahka, Petara dekaka tikah ba entara seiku lelaki enggau seiku indu tan belama iya. Lelaki enggau indu digaga ngambika seduai iya ulih betulung pangan diri, lalu ulih ngemuaska pangan diri ba seks, asai ati, sereta beranak betelesak.