Nama Reti Penatai Kristus?
Saut ari Bup Kudus
Bup Kudus nyebut mayuh pasal utai ke deka nyadi jemah ila, maya Jesus datai ngakim mensia ba dunya. a Ngambika chunto, Matthew 25:31-33 nerangka:
‘Lebuh Anak Mensia datai dalam mulia Iya, lalu semua melikat datai enggau iya, nya baru iya deka duduk ba kerusi diraja iya ti bemulia. Semua bansa deka digempuruka di mua iya, lalu iya deka nyeraraka sida ari pangan diri, baka pengibun bedus ke nyeraraka bedus ari kambin, lalu iya deka ngengkahka orang ke lurus muak ari kanan iya, lalu sida ti bukai, muak ari kiba iya.’
Ba hari ngakim tu, sebagi ari “penusah ti besai” nya enda kala nyadi sepemanjai sejarah mensia. Udah nya, baru meh Armagedon datai. (Matthew 24:21; Pemandang 16:16) Bala munsuh Kristus ke disempamaka baka kambing, “deka diukum lalu dirusak belama-lama iya.” (2 Tesalonika 1:9; Pemandang 19:11, 15) Tang, murid Jesus ke tetap ati disempamaka baka raban bedus ti bisi pengadang “idup belama iya.”—Matthew 25:46.
Kemaya Kristus Datai?
Jesus madah: “Tang nadai orang nemu hari tauka jam utai tu deka nyadi.” (Matthew 24:36, 42; 25:13) Taja pia, Jesus kala madahka bala murid iya tanda-tanda ke deka nyadi sebedau iya datai.—Matthew 24:3, 7-14; Luke 21:10, 11.
Kati maya Jesus datai, iya betubuh mensia tauka roh?
Maya Jesus diangkatka idup baru, iya betubuh roh. Nya alai, maya iya datai ila, iya mega deka betubuh roh, ukai betubuh mensia. (1 Korint 15:45; 1 Peter 3:18) Nya meh kebuah iya nyebut jaku tu ngagai bala rasul iya sebedau pemati iya: ‘Enda lama da agi, dunya nadai agi meda aku.’—John 14:19.
Runding ti salah pasal penatai Kristus
Runding ti salah: Bup Kudus madahka, orang deka meda Jesus “pegari di langit.” Reti iya, kitai pan ulih meda Jesus maya iya datai.—Matthew 24:30.
Fakta: Dalam Bup Kudus, kesuah iya, langit selalu dikena, kena belalaika sesiti utai ti enda ulih dipeda. (Adat Lewi 16:2; Penyampau 11:25; Ulang Adat 33:26) Ngambika chunto, Petara bejaku ngagai Moses: “Aku deka datai ngagai kita dalam mua hari ti tebal.” (Pemansut 19:9) Tang, ukai reti iya Moses ngengerang meda Petara. Pia mega, maya Jesus “pegari di langit,” orang nemu iya udah datai, tang sida tentu enda ulih meda iya enggau ngengerang.
Runding ti salah: Pasal penatai Kristus, ba Pemandang 1:7 madahka, ‘semua orang deka meda iya’. Tu reti iya, orang deka meda penatai Kristus.
Fakta: Dalam jaku Gerika, ‘meda’ ke disebut dalam Bup Kudus mai reti, nemu pasal sesiti pekara, tang ukai reti iya ngengerang meda. b (Matthew 13:15; Luke 19:42; Rome 15:21; Epesus 1:18) Bup Kudus madahka, Jesus ke udah diangkatka idup baru “diau dalam penampak ti enda ulih digagai mensia, ke nadai kala dipeda, tauka ulih dipeda mensia.” (1 Timoti 6:16) Nya kebuah, leka jaku ke madah, ‘semua orang deka meda iya’ mai reti, semua orang nemu Jesus udah dianjung Petara kena ngakim mensia.—Matthew 24:30.
Runding ti salah: Nitihka 2 John 7, nunjukka Jesus deka datai enggau betubuh mensia.
Fakta: Ba sekeda salin Bup Kudus, ngambika chunto Bup Kudus Berita Manah, ba ayat dia nerangka, “Mayuh orang ke penipu udah pansut ngagai dunya. Sida nya orang ke enda ngaku Jesus Kristus udah datai nyadi mensia.”
Maya jeman rasul John, bisi orang enda arap Jesus kala datai ke dunya nyadi mensia. Sida dikumbai raban Gnostik. Iya ke bendar, 2 John 7 ditulis kena nerangka jaku petenah sida ti pelesu nya.
Nuan Engka Rindu Meda Tu
SAUT NGAGAI TANYA PASAL BUP KUDUS
Nama Reti Perang Armagedon?
Leka jaku Armagedon semina ayan sekali aja dalam Bup Kudus, tang mayuh ayat Bup Kudus madahka pasal utai ke deka nyadi maya perang nya.
AJAR TI BEGUNA
Perintah Petara Berengkah Merintah ba Taun 1914
Lebih ari 2,600 taun suba, Petara madahka mimpi ti bisi jaku benabi ngagai seiku raja ke amat bekuasa, lalu jaku benabi nya udah dikeamatka kemayaharitu.
