Hapo Ovahongonone va Jehova kave yandjere ozomuvi, omambo poo omaimburiro tjiva?
Kako. Otjira tja Jehova katji tu raere kutja ozongemuvi, omambo, poo omaimburiro eṱe ngu matu sokunakaura. Omena raye?
Ombeibela i tunduuza omundu auhe okuungurisa ‘ozondunge’ ze okupangura pokati kouwa nouvi.—Ovaheberi 5:14.
Ombeibela i tu vatera okutoorora omuhunga omusemba ohunga nomanyando. a Mozongaro azehe zehupo, ondando yetu oyokuripurira ku “imbi mbi tjata ku Muhona.”—Ovaefese 5:10.
Ombeibela i honga kutja oviuru vyomaṱunḓu vi nousemba wokutya kutja omanyando yeṋe omaṱunḓu wawo ngu mave sokunakaura. (1 Ovakorinte 11:3; Ovaefese 6:1-4) Nungwari pendje notjiuru tjeṱunḓu, kape nomundu ngu nousemba okuraera varwe oviṋa mbi ve sokunakaura okutarera poo okupuratena.—Ovagalate 6:5.
a Otjotjihorera, Ombeibela i nakaura oviṋa avihe mbi tjama noundjai, oruvakiro, noutwe.—Deuteronomium 18:10-13; Ovaefese 5:3; Ovakolose 3:8.
Mo yenene okutara ku imbi wina
OZOVIDIO OZOPERENDWA
Omanyando wozovidio: Hapo tjiri ye ku vatera?
Omanyando wozovidio maye yenene okurira omawa, posi ya wina maye tu twa moumba. Omomuano uṋe mu mo ritjaere koumba mbu etwa i yomanyando wozovidio nokurira omutaare wakatjootjiri?
OMAHONGERO WOMBEIBELA
Rora omerihongero wetu wOmbeibela
Muna omerihongero wOmbeibela wotjari pu nomundu ngu me ku hongo.