Otjikeṋa tji tji eta ouṋingandu meṱunḓu?
Ove u muna kutja . . .
-
orusuvero?
-
ovimariva?
-
poo oviṋa vyarwe?
OMBEIBELA MAI TJA
“Ovaṋingandu komeho imba mbe zuva embo raNdjambi nave ṱakamisa ro!”—Lukas 11:28.
ONDJIVIRO NDJI MAI KU VATERE VI?
Mo kara norusuvero rwatjiri.—Ovaefese 5:28, 29.
Nondengero yatjiri.—Ovaefese 5:33.
Nondjeverero yatjiri.—Markus 10:6-9.
MATU YENENE OKUKAMBURA MOMBEIBELA TJIRI?
Ii tjinene, mena romapu yevari nga:
-
Mukuru ongwa uta omaṱunḓu. Ombeibela mai tja Jehova ongwa waneka omurumendu nomukazendu omutenga. (Genesis 2:18-24) Pu mape hee kutja omaṱunḓu ya utwa i Jehova. Ongwaye epu ndi tji ri ri enanḓengu?
Ripurira ku imbi: Tji mo ri ovikurya oviwa nu mo vanga okutjiwa kutja vya zikwa vi, mo pura ku uṋe? Otjiperi kutja mo pura komutereke.
Momuano tjingewo, tji mo vanga okutjiwa kutja otjikeṋa tji tji eta ouṋingandu meṱunḓu, ma rire nawa tji wa paha omuhunga ku Jehova, ngu ri Omuute womaṱunḓu.
-
Mukuru u rikendera kove. Omaṱunḓu maye sokupaha ombatero Jehova ndje yandja okupitira mEmbo re. Omena ratjike? “Eye tjinga e mu pa imbi mbi mwa hepa.” (1 Petrus 5:6, 7) Jehova aruhe u vanga okukuhonga imbi mbi ri ovisemba kove nu omaronga we aruhe ye vatera!—Omiano 3:5, 6; Jesaja 48:17, 18.
RIPURIRA KU IMBI
Otjikeṋa tji matji ku vatere okurira omurumendu poo omukazendu poo omunene omusemba?
Ombeibela mai ziri epuriro ndo mOVAEFESE 5:1, 2 nOVAKOLOSE 3:18-21.
Mo yenene okutara ku imbi wina
PENDUKA!
Eṱunḓu Eṋingandu—Okuungura kumwe
omundu ngu mwa kupasana uri tjimuna omundu ngu mu hanasana etuwo rimwe?
OHUNGA NA EṰE
Ongwaye tji mo sokurihonga Ombeibela?
Ombeibela i vatera ovandu omangete omengi mouye auhe okumuna omaziriro komapuriro omananḓengu mehupo. Ove wina mo vanga okumuna omaziriro komapuriro omananḓengu mehupo poo indee?
OHUNGA NA EṰE
Ningira omahongero wOmbeibela wotjari
Hungirira kepuriro rOmbeibela, poo rihonga ovingi ohunga nOvahongonone va Jehova.
