Մենք միշտ Աստվածաշունչը համարել ենք մեր հավատալիքների համար միակ հեղինակությունը։ Աստվածաշնչյան ճշմարտությունների մեր հասկացողության ավելացմանը զուգահեռ վերաճշտվել են մեր հավատալիքները։ a

 Նման փոփոխությունները ներդաշնակ են աստվածաշնչյան այն սկզբունքին, որը գրված է Առակներ 4։18-ում։ Այնտեղ ասվում է. «Արդարների ճանապարհը պայծառ լույսի պես է, որը ավելի ու ավելի է պայծառանում, մինչև որ օրը լրիվ լուսավորվի»։ Ճիշտ ինչպես ծագող արևի ճառագայթներն են աստիճանաբար լուսավորում մեր առջև հառնող տեսարանի յուրաքանչյուր մանրուք, այնպես էլ Աստված է աստիճանաբար բացահայտում աստվածաշնչյան ճշմարտությունները և դա անում է ճիշտ ժամանակին (1 Պետրոս 1:10–12)։ Աստվածաշունչը կանխագուշակել էր, որ Աստված ավելի շատ հասկացողություն էր տալու «վերջի ժամանակում» (Դանիել 12։4)։

 Աստվածաշնչյան ճշմարտությունների հասկացողության վերաբերյալ վերաճշտումները չպետք է զարմացնեն կամ անհանգստացնեն մեզ։ Հնում Աստծուն երկրպագողները նույնպես սխալ գաղափարներ ու ակնկալիքներ են ունեցել և կարիք են ունեցել վերաճշտելու իրենց տեսակետը։

•   Մովսեսը փորձեց լինել Իսրայել ազգի ազատարար, մինչդեռ Աստված նպատակ ուներ 40 տարի հետո միայն նրան այդ հանձնարարությունը տալու (Գործեր 7:23–25, 30, 35)։

•   Առաքյալները չէին հասկանում Մեսիայի մահվան ու հարության վերաբերյալ կանխագուշակված մարգարեությունը (Եսայիա 53:8–12; Մատթեոս 16:21–23)։

•   Առաջին դարի որոշ քրիստոնյաներ սխալ պատկերացում ունեին «Եհովայի օրվա» գալու ժամանակի մասին (2 Թեսաղոնիկեցիներ 2:1, 2)։

 Աստված հետագայում շտկեց նրանց սխալ հասկացողությունը, և մենք աղոթում ենք, որ նա նույնը անի նաև մեր պարագայում (Հակոբոս 1:5)։