Iesu be tanobada ai ia noho neganai, taunimanima ia lalokau henia bada, unai dainai idia totona ena mauri be boubou gauna bamona ia henia. (Mataio 20:28; Ioane 15:13) Kahirakahira, Dirava ena Basileia ia lohiaia karana amo iena King siahuna do ia gaukaralaia “tanobada ibounai lalonai tuari ia haorea” totona, unai amo iena lalokau taunimanima totona do ia hamomokania lou.​—Salamo 46:9.

 Iesu do ia karaia gaudia be Baibel ese ia herevalaia:

•   “Ia ese heduru totona idia noinoi ogogami taudia do ia hamauria, ladana maragi taudia bona heduru idia abia lasi taudia do ia hamauria danu. Ia ese ladana maragi taudia bona ogogami taudia do ia hebogahisi henia, bona ogogami taudia do ia hamauria. Ia ese hisihisi bona dagedage karadia amo idia do ia hamauria.”​—Salamo 72:12-14.

 Edena dala ai Iesu ese ita totona ia karaia vadaeni gaudia bona gabeai do ia karaia gaudia dekenai tanikiu karana ita hahedinaraia diba? Luka 22:19 ai, Iesu ese iena murinai idia raka taudia ia hamaoroa ena mase idia laloatao totona. Unai dainai lagani ta ta ai, Iehova ena Witnes taudia be Iesu ena mase dinana laloatao totona idia hebou. Oi ai invait Sunday March 24 ai, Iesu ena mase laloatao Memorial hebouna oi mai totona.

Memorial Tahua