Lagani ta ta ai, tanobada hegegemadai Iehova ena Witnes taudia bona idia invait henia taunimanima milioni momo ese Iesu ena mase laloatao hebouna idia karaia. Iesu ese ia gwauraia hegeregerena. (Luka 22:19) Unai hebou ese ita ia durua, unai amo ita laloparara Iesu ena mauri be taunimanima ibounai totona ia henia karana be mai anina bada. Danu, ita dekenai iena boubou gauna ena namo hari bona vaira nega totona ia hahedinaraia.​—Ioane 3:16.

 Ena be inai lagani ai Memorial hebouna do oi lao eiava lasi, to edena bamona Iesu ena mauri ia bouboulaia karana amo namo oi abia diba? Iesu ese ita ia hadibaia inai mai anina bada gaudia rua ita karaia totona:

1.  1. Dirava bona Iesu ita dibaia namonamo. Iesu be iena guba Tamana ia guriguri henia neganai, ia gwau: “Mauri hanaihanai abia totona, namona be oi, Dirava momokanina tamona, bona oi ese oi siaia tauna, Iesu Keriso, do idia dibaia.”​—Ioane 17:3.

2.  2. Oi dibaia gaudia oi badinaia. Iesu ia gwau iena hahediba herevadia be iseda mauri ai ita badinaia be namo. Hegeregere, iena Ororo Harorona ia hadokoa neganai, ‘iena hereva idia kamonai bona idia badinaia taudia’ dekenai hanamoa herevadia ia gwauraia. (Luka 6:46-48) Danu nega ma ta ai, ia gwau: “Unai gaudia umui diba bona umui karaia neganai, do umui moale.”​—Ioane 13:17.

 Oi ura Dirava bona Iesu dibaia karana oi habadaia, a? Oi dibaia gaudia oi badinaia totona, hakaua hereva ma haida oi ura abia, a? Oi ia durua diba gaudia ma haida be inai.

 Taunimanima momo ida ai karaia davana lasi Baibel stadi kosi ese idia ia durua, Baibel ai idia stadilaia bona dibaia gaudia be edia mauri ai idia badinaia totona.

•   Unai program oi dibaia totona, oi lao inai kahana, Ta Ida Baibel Stadi Kosi Karaia, oi itaia.

•   Inai vidio, Emu Baibel Stadi Totona Oi Ai Welkam Henia oi itaia, unai amo Iehova ena Witnes taudia ida Baibel stadi karaia dalana do oi dibaia.

 Wiki ta lalonai, Iehova ena Witnes taudia be nega rua edia tomadiho gabuna, idia gwauraia Kingdom Hall dekenai idia hebou. Unai heboudia ai, Baibel ai herevalaia bona emai mauri lalonai do ai badinaia daladia ai herevalaia danu.

 Pablik be unai heboudia dekenai idia mai diba; ena be oi be Witnes tauna ta lasi. Emu gabu ena noho dalana hegeregerena, Kingdom Hall dekenai oi lao diba eiava vidio konferens amo unai oi karaia diba.

•   Inai vidio, Kingdom Hall ai Dahaka Idia Karaia? oi itaia, unai amo do oi diba hebou ai dahaka gaudia idia karaia.

•   Inai kahana Iehova Ena Witnes Taudia Edia Kongrigeisen Heboudia oi lao, kahirakahira gabudia tahua totona.

 Inai websait ai idia noho atikol bona vidio ese oi do ia durua Iesu ena hahediba herevadia bona iena mauri ia bouboulaia karana dekenai emu diba oi habadaia totona.

 Hegeregere, edena dala ai tau tamona ena mase ese taunimanima milioni dekenai namo ia havaraia oi diba totona, inai atikol “Iesu ese Ita Ia Hamauria—Edena Dala Ai?” bona “Dahaka Dainai Iesu Ia Hisihisi Bona Mase?” eiava inai vidio Dahaka Dainai Iesu Ia Mase? itaia.