Yeeb Yaj Kiab Txog Tej Phau Ntawv Vajlugkub
Cov yeeb yaj kiab luv luv no qhia txog tej phau ntawv Vajlugkub. Yuav qhia seb cov ntawv no yog sau txog dabtsi, sau rau qhovtwg lossis rau thaum twg. Yog koj saib tej zaj no yuav pab koj yimhuab totaub phau Vajlugkub.
Phau Chivkeeb Zoo Li Cas?
Phau Chivkeeb qhia seb tibneeg lub neej pib li cas thiab vim li cas thiaj muaj kev txomnyem thiab kev tuag.
Phau Khiav Dim Zoo Li Cas?
Phau Khiav Dim qhia seb Yehauvas cawm cov Yixalayees ntawm kev ua cev qhev hauv Iziv thiab coj lawv los ua ib haivneeg tseem ceeb li cas.
Phau Levis Kevcai Zoo Li Cas?
Thaum nej saib phau Levis Kevcai, nej yuav pom tias Vajtswv dawb huv thiab vim li cas tseem ceeb rau peb ua neeg dawb huv.
Phau Teev Npe Zoo Li Cas?
Zaj yeeb yaj kiab no nthuav tawm los qhia tias vim li cas tseem ceeb rau peb mloog Yehauvas lus rau txhua txoj hau kev thiab yuav tau hwm cov nws tsa los sawv cev rau nws.
Phau 2 Kevcai Zoo Li Cas?
Kawm seb tej kevcai uas Yehauvas muab rau nws haiv neeg qhia li cas txog nws txojkev hlub rau lawv.
Phau Yausuas Zoo Li Cas?
Kawm seb cov Yixalayees mus txeeb lub tebchaws uas Vajtswv cog tseg rau lawv li cas thiab seb lawv muab lub tebchaws ntawd faib li cas.
Phau Cov Thawjtswj Zoo Li Cas?
Phau no qhia txog cov thawj tswj uas muaj lub siab loj siab tuab. Vajtswv tau siv lawv los cawm nws haiv neeg ntawm lawv tej yeeb ncuab txhais tes.
Phau Luv Zoo Li Cas?
Phau Luv qhia txog ib tug nyab uas hlub nws niam pog thiab qhov uas Yehauvas foom koob hmoov rau nkawv.
Phau 1 Xamuyees Zoo Li Cas?
Kawm seb tau muaj li cas thaum cov thawj tswj pib dua zuj zus thiab cov vaj ntxwv sawv kav cov Ixayees.
Phau 2 Xamuyees Zoo Li Cas?
Kawm seb Daviv txoj kev ntseeg thiab kev txo hwj chim ua rau nws tseg tau ib tug qauv zoo li cas hauv phau Vajlugkub.
Phau 1 Vajntxwv Zoo Li Cas
Kawm seb thaum Xalaumoos kav cov Ixayees muaj kev vam meej li cas, thiab vim li cas nws lub tseem fwv ho tawg mus ua ob lub lawm.
Phau 2 Vajntxwv Zoo Li Cas?
Kaum xeem Ixayees ntxeev siab mus pe dab pe mlom tiam sis tseem tshuav tej tug uas muaj lub siab npuab rawv rau Yehauvas thiab nws yeej foom koob hmoov rau lawv.
Phau 1 Xwmtxheej Vajntxwv Zoo Li Cas?
Kawm txog cov Ixayees caj ces thiab txog Vajntxwv Daviv lub neej, txij thaum nws ua vajntxwv kav teb chaws Ixayees mus txog thaum nws tas sim neej.
Phau 2 Xwmtxheej Vajntxwv Zoo Li Cas?
Saib seb cov vaj ntxwv hauv teb chaws Yudas qhia tias tseem ceeb npaum li cas uas peb npuab siab rau Vajtswv.
Phau Exala Zoo Li Cas?
Yehauvas tau tso nws haiv neeg dim cev qhev tim Npanpiloo li nws tau cog tseg thiab nws tau rov tsim tsa kev pe hawm tseeb.
Phau Nehemi Zoo Li Cas?
Phau Nehemi muaj tej ntsiab lus uas muaj nqes heev rau Vajtswv cov tubqhe niaj hnub no.
Phau Exathaw Zoo Li Cas?
Tej xwm uas muaj tshwmsim hauv phau ntawv Exathaw yuav txhawb tau koj txojkev ntseeg rau Vajtswv Yehauvas thiab nws txojkev cawm dim.
Phau Yauj Zoo Li Cas?
Txhua tus uas hlub Yehauvas yeej yuav raug sim. Phau Yauj pab peb pom tias peb yeej tuav tau kev ntseeg ruaj nreeg thiab txhawb nqa Yehauvas txojkev kav.
Phau Ntawv Nkauj Zoo Li Cas?
Phau Ntawv Nkauj txhawb Yehauvas lub hwjchim kav li cas, nplig cov uas npuab siab rau nws, thiab qhia tias tus Mexiyas lub Nceeg Vaj yuav kho lub ntiajteb kom ua ib lub vaj kaj siab li cas.
Phau Paj Lug Zoo Li Cas?
Phau Paj Lug cob qhia peb txhua fab tsis hais kev lag kev luam, cob qhia metub menyuam.
Phau Laj Lim Tswvyim Zoo Li Cas?
Vajntxwv Xalaumoo muab tej yam tseem ceeb hauv lub neej thiab tej yam qhuav qhawv uas tsis muaj Vajtswv lub tswvyim los sib piv.
Phau Xalaumoo Zaj Nkauj Zoo Li Cas?
Tau muab tus hluas nkauj Sulee txojkev hlub rau tus tub yug yaj hu ua Yehauvas tej nplaim taws. Vim li cas?
Phau Yaxaya Zoo Li Cas?
Phau Yaxaya muaj lus faj lem uas txhawb peb txojkev ntseeg tias Yehauvas yog tus Vajtswv uas yuav cawm tau peb thiab yeej yuav ua kom nws cov lus cog tseg muaj tiav.
Phau Yelemi Zoo Li Cas?
Txawm tias nyuaj npaum li cas los Yelemi tuav rawv nws tes haujlwm cev Vajtswv lus. Niaj hnub no, cov Khixatia yuav xyaum nws li cas?
Phau Zaj Nkauj Ntsuag Zoo Li Cas?
Tus cev Vajtswv lus Yelemi yog tus sau phau Zaj Nkauj Ntsuag. Nws sau txog tej kev quag ntsuag thaum Yeluxalees raug puam tsuaj thiab txog cov uas ntxeev dua siab tshiab uas Vajtswv yuav khuvleej.
Phau Exekhee Zoo Li Cas?
Txawm yuav nyuaj npaum li cas los, Exekhee txo hwjchim thiab ua siab tuab ua tes haujlwm uas Vajtswv txib nws mus ua. Nws tso tau ib tug qauv zoo heev rau peb niaj hnub no.
Phau Daniyee Zoo Li Cas?
Daniyee thiab nws cov kwvluag muab siab npuab Yehauvas ruaj nreeg thaum raug sim. Lawv tus qauv thiab tej uas muaj tshwm sim raws li tau faj lem pab tau peb heev rau lub sijhawm kawg no.
Phau Hauxeya Zoo Li Cas?
Tej lus faj lem hauv phau Hauxeya yuav pab peb paub txog Yehauvas txojkev khuvleej rau cov uas ntxeev dua siab tshiab thiab nws txais yuav txojkev pe hawm zoo li cas.
Phau Yau-ee Zoo Li Cas?
Yau-ee ua lus faj lem txog “hnub uas [Yehauvas] teem cia” thiab yuav ua li cas thiaj dim hnub ntawd. Nws tej lus faj lem tseem ceeb rau peb niaj hnub nimno.
Phau Amau Zoo Li Cas?
Txawm Amau yog ib tug neeg uas tsis muaj meej muaj mom los Yehauvas tsa nws ua ib tes haujlwm tshwj xeeb heev. Peb yuav xyaum Amau tus qauv li cas?
Phau Aunpadiya Zoo Li Cas?
Phau Aunpadiya yog phau uas luv tshaj hauv Cov Nqe Lus Henplais. Aunpadiya faj lem txog kev cia siab rau yav tom hauv ntej thiab cog tseg tias Yehauvas txojkev kav yuav nyob mus ib txhis.
Phau Yauna Zoo Li Cas?
Yauna sau txog thaum nws raug ntuas thiab ua tiav nws txoj haujlwm, thiab thaum Vajtswv qhia Yauna txog Nws txojkev hlub thiab kev khuvleej.
Phau Mikha Zoo Li Cas?
Phau no yuav pab peb pom tias Yehauvas tsuas xav kom peb ua qhov zoo qhov yog xwb.
Phau Nahu Zoo Li Cas?
Zaj lus faj lem no pab peb tso siab tias Yehauvas yeej ua tiav raws li nws tau hais tseg. Tsis tas li ntawd xwb, Yehauvas nplig cov uas nrhiav kev thaj yeeb thiab kev cawm dim ntawm lub Nceeg Vaj.
Phau Hanpaku Zoo Li Cas?
Peb yeej tso siab tau rau Yehauvas tias nws paub lub caij lub nyoog uas nws yuav cawm nws cov tibneeg dim.
Phau Xefaniya Zoo Li Cas?
Vim li cas peb yuav tsum tsis txhob xav tias Yehauvas hnub tseem ceeb yuav tsis los?
Phau Hakai Zoo Li Cas?
Phau Hakai qhia tias peb yuav tsum tso tej yam ntawm sab kev ntseeg ua ntej hauv peb lub neej.
Phau Xekhaliya Zoo Li Cas?
Puag thaum ub, Vajtswv siv tej yog toog thiab tej lus faj lem los txhawb nws cov tibneeg. Niaj hnub no, cov faj lem tseem txhawb tau peb lub zog tias Yehauvas kuj nrog nraim peb thiab.
Phau Malakhi Zoo Li Cas?
Phau Malakhi muaj lus faj lem uas txhawb nqa Yehauvas tej hauv paus ntsiab lus, nws txojkev khuvleej, thiab txojkev hlub. Niaj hnub no, peb kawm ntau yam los ntawm tej lus faj lem ntawd.
Phau Mathai Zoo Li Cas?
Kawm seb phau Mathai zoo li cas. Mathai yog thawj phau xov zoo uas sau ntsig txog Yexus lub neej.
Phau Malakau Zoo Li Cas?
Phau Malakau yog ib phau uas luv tshaj txog Yexus lub neej. Phau Malakau yuav pab peb pom tias thaum Yexus kav Vajtswv lub Nceeg Vaj nws yuav kav zoo li cas.
Phau Luka zoo li cas?
Phau Luka txawv ntawm phau Mathai, Malakau, thiab Yauhas li cas?
Phau Yauhas Zoo Li Cas?
Phau Yauhas qhia txog Yexus txojkev hlub rau noob neej, qhov uas Yexus txo hwjchim, thiab tej pov thawj qhia tias nws yog tus Mexiyas uas yuav ua Vajntxwv kav Vajtswv lub Nceeg Vaj.
Phau Tubtxib Tes Haujlwm Zoo Li Cas?
Cov Khixatia thaum ub tau kub siab lug mus pab ntau haiv neeg los ua thwjtim. Thaum koj nyeem phau Tubtxib Tes Haujlwm, yuav txhawb tau koj kub siab lug mus tshaj tawm.
Phau Loos Zoo Li Cas?
Povlauj qhia cov Khixatia txog qhov uas Vajtswv tsis xaiv ntsej muag thiab qhov uas lawv yuav tsum muaj kev ntseeg rau Yexus.
Phau 1 Khaulee Zoo Li Cas?
Povlauj qhia txog kev sib koom siab, ua lub neej dawb huv, txojkev hlub, thiab txojkev ntseeg tias yuav sawv tau hauv qhov tuag rov qab los.
Phau 2 Khaulee Zoo Li Cas?
Yehauvas yog tus Vajtswv uas “txhawb siab txhua yam.” Nws yeej yuav pab thiab txhawb kom nws cov tub qhe nyob ruaj khov.
Phau Kalatias Zoo Li Cas?
Paulus tsab ntawv rau cov Kalatias pab tau peb niaj hnub nimno kom peb muaj kev ntseeg ruaj nreeg.
Phau Efexus Zoo Li Cas?
Phau Efexus hais txog tes haujlwm uas Yehauvas hom tseg kom txhua tus uas yuav mus nyob saum ntuj thiab cov uas yuav nyob hauv ntiajteb los koom ua ib lub siab los ua ib tse neeg.
Phau Filipis Zoo Li Cas?
Yog peb ntseeg ruaj nreeg, yuav txhawb tau lwm tus lub zog.
Phau Kaulauxais Zoo Li Cas?
Peb ua rau Yehauvas zoo siab thaum peb coj raws li peb tau kawm, ib leeg zam txim rau ib leeg, thiab paub tias Yexus tes haujlwm yog dabtsi.
Phau 1 Thexalaunikes Zoo Li Cas?
Peb yuav tsum tsis txhob cia ib yam dabtsi txo tau peb txojkev ntseeg, “ua tib zoo saib txhua yam huv tibsi,” “thov Vajtswv tsis tseg tsis tu,” thiab ib leeg txhawb ib leeg lub zog.
Phau 2 Thexalaunikes Zoo Li Cas?
Lub koom txoos tau txais tej ntawv uas qhia txog lub sijhawm Yehauvas yuav los. Paulus thiaj sau mus pab kom cov ntseeg tsis txog nkag siab yuam kev thiab txhawb kom lawv npuab siab rau Yehauvas.
Phau 1 Timautes Zoo Li Cas?
Paulus sau phau 1 Timautes los qhia lub koom txoos seb yuav tsum dhia haujlwm zoo li cas. Nws kuj ceeb toom lawv txog tej lus cuav thiab kom tsis txhob ntshaw nyiaj txiag.
Phau 2 Timautes Zoo Li Cas?
Paulus txhawb Timautes kom nws ua txhua yam haujlwm uas Vajtswv muab rau nws kom tiav.
Phau Titus Zoo Li Cas?
Paulus tsab ntawv rau Titus qhia txog tej teeb meem hauv Kaletes thiab qhia seb ib tug kwvtij yuav tsum coj zoo li cas, nws thiaj ua tau ib tug txwj laus.
Phau Filemoos Zoo Li Cas?
Txawm phau Filemoos tsis muaj ntau tshooj los pab tau kom peb txo hwjchim, ua siab zoo, thiab zam lwm tus lub txim.
Phau Henplais Zoo Li Cas?
Cov Khixatia txojkev pe hawm zoo tshaj tej tuam tsev hauv ntiajteb lossis tej tsiaj tua rau Vajtswv.
Phau Yakaunpaus Zoo Li Cas?
Yakaunpaus siv ob peb yam los qhia tej yam tseem ceeb cov ntseeg yuav tau coj rau hauv lawv lub neej.
Phau 1 Petus Zoo Li Cas?
Petus thawj tsab ntawv txhawb kom cov ntseeg qhia lawv tej kev nyuaj siab huv tibsi rau Vajtswv.
Phau 2 Petus Zoo Li Cas?
Phau 2 Petus txhawb kom peb ua siab ntev tos lub ntuj tshiab thiab lub ntiajteb tshiab.
Phau 1 Yauhas Zoo Li Cas?
Yauhas tsab ntawv ceeb toom txog cov uas ua yeeb ncuab rau Yexus Khetos thiab pab kom peb paub seb yam twg peb yuav tsum nyiam thiab tsis txhob nyiam.
Phau 2 Yauhas Zoo Li Cas?
Yauhas tsab ntawv 2 Yauhas txhawb kom peb nco ntsoov ua peb lub neej raws li Vajtswv hais thiab tawm tsam cov neeg dag ntxias.
Phau 3 Yauhas Zoo Li Cas?
Yauhas tsab ntawv 3 Yauhas qhia kom cov ntseeg txawj tos txais qhua.
Phau Yudas Zoo Li Cas?
Yudas piav txog cov uas nrhiav kev los dag ntxias cov ntseeg.
Phau Tshwmsim Zoo Li Cas?
Muaj tej yog toog uas nyob hauv phau Tshwmsim qhia seb Vajtswv yuav siv lub Nceeg Vaj los ua tiav raws li nws lub siab nyiam rau noob neej thiab lub ntiajteb li cas.
Tej Yam No Yuav Pab Tau Koj Thiab
NTAUB NTAWV LOJ THIAB ME
Phau Vajlugkub—Txoj Xov Yog Dabtsi?
Txoj xov hauv phau Vajlugkub yog dabtsi?