Ang mga Tagna Bala Parte sa Mesias Nagapamatuod nga si Jesus ang Mesias?
Ang sabat sang Biblia
Huo. Sang diri si Jesus sa duta, natuman sa iya ang madamo nga tagna parte sa “Mesias nga Lider,” ang isa nga mangin “manluluwas sang kalibutan.” (Daniel 9:25; 1 Juan 4:14) Kag bisan pagkatapos sang iya kamatayon, padayon gihapon nga nagakatuman kay Jesus ang mga tagna parte sa Mesias.—Salmo 110:1; Binuhatan 2:34-36.
Ano ang buot silingon sang “Mesias”?
Ang Hebreo nga termino nga Ma·shiʹach (Mesias) kag ang Griego nga tinaga sini nga Khri·stos (Cristo) pareho nga nagakahulugan sing “Isa nga Hinaplas.” Gani, ang ngalan nga “Jesucristo” nagakahulugan sing “si Jesus ang Isa nga Hinaplas” ukon “si Jesus nga Mesias.”
Sang panahon sang Biblia, kon ang isa tangduan sing pinasahi nga posisyon ukon awtoridad, sa masami ginabubuan sia sing lana sa iya ulo. (Levitico 8:12; 1 Samuel 16:13) Si Jesus gintangdo sang Dios nga mangin Mesias—isa ka posisyon nga may daku nga awtoridad. (Binuhatan 2:36) Pero imbes nga haplasan si Jesus sing lana, ginhaplasan sia sang Dios sing balaan nga espiritu.—Mateo 3:16.
Puede bala nga indi lang sa isa ka tawo matuman ang mga tagna parte sa Mesias?
Indi. Pareho sa marka sa mga tudlo nga nagapakilala sa isa ka tawo, ang katumanan sang mga tagna sa Biblia nagapakilala sa isa lang ka Mesias, ukon Cristo. Pero ang Biblia nagapaandam nga “magagua ang butig nga mga Cristo kag butig nga mga manalagna kag magahimo sila sing dalagku nga mga tanda kag mga kalatingalahan agod patalangon, kon mahimo, bisan ang mga pinili.”—Mateo 24:24.
Sa palaabuton pa bala makilala ang Mesias?
Indi. Ang Biblia nagtagna nga ang Mesias mangin kaliwat ni Hari David sang Israel. (Salmo 89:3, 4) Pero nadula ang mga rekord sang mga Judiyo parte sa kaliwatan ni David, kay posible nasunog ini sang ginsakop sang mga Romano ang Jerusalem sang 70 C.E. a Halin sadto, mabudlay pamatud-an sang isa nga kaliwat sia ni Hari David. Pero sang panahon ni Jesus ara pa ini nga mga rekord sang kaliwatan, kag indi mapanghiwala sang iya mga kaaway nga kaliwat sia ni David.—Mateo 22:41-46.
Daw ano kadamo ang mga tagna sa Biblia parte sa Mesias?
Indi mahibaluan kon pila gid ang kadamuon sang tagna parte sa Mesias. Halimbawa, sarisari ang pag-isip sa kadamuon sang tagna bisan sa mga bersikulo nga maathag nga nagapatuhoy sa Mesias. Ang Isaias 53:2-7 nagasambit sang pila ka tagna parte sa Mesias. Para sa iban, isa lang ini ka tagna, samtang ang iban nagasiling nga lainlain ini nga tagna.
Ang pila ka tagna parte sa Mesias nga natuman kay Jesus
Tagna |
Mabasa sa |
Katumanan |
|---|---|---|
Kaliwat ni Abraham |
||
Kaliwat sang anak ni Abraham nga si Isaac |
||
Halin sa Israelinhon nga tribo ni Juda |
||
Halin sa pamilya ni Hari David |
||
Anak sang isa ka birhen |
||
Matawo sa Betlehem |
||
Pagatawgon sia sa ngalan nga Emmanuel b |
||
Kubos ang ginhalinan |
||
Ginpamatay ang kabataan pagkatapos nga natawo sia |
||
Gintawag halin sa Egipto |
||
Gintawag nga Nazaretnon c |
||
May magauna nga mensahero |
||
Ginhaplasan bilang Mesias sang 29 C.E. d |
||
Ginkilala sang Dios nga Iya Anak |
||
Makugi sa balay sang Dios |
||
Manugpahayag sang maayong balita |
||
Ang pagministeryo sa Galilea nagresulta sa daku nga kasanag |
||
Nagahimo sing milagro pareho kay Moises |
||
Pareho kay Moises, nagsugid sia parte sa Dios |
||
Ginpang-ayo niya ang madamo nga masakiton |
||
Wala sia nagapadayawdayaw |
||
Naluoy sia sa mga napiutan |
||
Ginpakita niya ang katarungan sang Dios |
||
Maalam nga Manuglaygay |
||
Ginpahayag ang ngalan ni Jehova |
||
Naggamit sang mga ilustrasyon |
||
Isa ka Lider |
||
Madamo ang wala nagpati sa iya |
||
Bato nga nagapasandad |
||
Ginsikway sang mga tawo |
||
Dumtan nga wala sing kabangdanan |
||
Malipayon nga masulod sa Jerusalem nga nagasakay sa asno |
||
Dayawon sang mga bata |
||
Magakari sa ngalan ni Jehova |
||
Luiban sang suod nga abyan |
||
Luiban kabaylo sang 30 ka bilog nga pilak e |
||
Biyaan sia sang iya mga abyan |
||
Butig nga mga saksi ang magapanaksi sa iya |
||
Naghipos lang sia sa atubangan sang mga nagasumbong sa iya |
||
Ginduplaan |
||
Ginhanot sia sa ulo |
||
Ginbunal |
||
Wala sia nagbalos sa mga naghanot sa iya |
||
Ang mga hari sang duta naghimbon batok sa iya |
||
Ginlansang ang iya mga kamot kag tiil sa usok |
||
Ginpagabutgabutan ang iya bayo |
||
Ginkabig nga makasasala |
||
Gin-uligyat, ginyaguta |
||
Nag-antos para sa mga makasasala |
||
Daw ginpatumbayaan sang Dios |
||
Ginhatagan sing maaslom nga alak nga may simbog nga mapait |
||
Uhawon antes napatay |
||
Gintugyan sa Dios ang iya espiritu |
||
Ginhatag ang iya kabuhi |
||
Nangin gawad para madula ang sala |
||
Wala sing tul-an nga nabali |
||
Ginbuno |
||
Ginlubong upod sa mga manggaranon |
||
Ginbanhaw |
||
Ginbuslan ang nagluib sa iya |
||
Nagpungko sa tuo sang Dios |
a Ang McClintock and Strong’s Cyclopedia nagasiling: “Indi maduhaduhaan nga ang rekord sang mga kaliwatan sang Judiyo nga mga tribo kag mga pamilya nadula sang malaglag ang Jerusalem, kag indi antes sini.”
b Ang Hebreo nga ngalan nga Emmanuel, nga nagakahulugan “Kaupod Namon ang Dios,” nagakabagay gid sa papel ni Jesus bilang Mesias. Ang iya presensia sa duta kag ang iya mga binuhatan nagapamatuod nga ang Dios kaupod sang Iya mga sumilimba.—Lucas 2:27-32; 7:12-16.
c Ang termino nga “Nazaretnon” naghalin sa Hebreo nga tinaga nga neʹtser, nga buot silingon “salingsing.”
d Para sa dugang nga impormasyon parte sa kronolohiya sang Biblia nga ang 29 C.E. amo ang tuig sang pag-abot sang Mesias, tan-awa ang artikulo nga “Paano Gintagna ni Daniel ang Pag-abot sang Mesias?”
e Ini nga tagna ara sa libro sang Zacarias, pero ang manunulat sang Biblia nga si Mateo nagsiling nga “ginsiling [ini] paagi kay Jeremias nga manalagna.” (Mateo 27:9) Daw ginapakita sini nga kon kaisa ang libro sang Jeremias ginabutang nga una sa seksion sang Kasulatan nga ginatawag “mga Manalagna.” (Lucas 24:44) Gani posible nga gingamit ni Mateo ang “Jeremias” para patuhuyan ang bug-os nga koleksion sang libro, nga nalakip ang libro sang Zacarias.
Basi Manamian Ka Man
MAGMATA!
Ang Ginasiling sang Biblia Tuhoy sa Mesias
Nakahibalo ka bala nga gintagna sang Biblia nga mapatay ang Mesias antes niya matapos ang iya hilikuton?
ANG LALANTAWAN
Si Jesus—Ngaa Napatay Sia?
MAGMATA!
Ginpaathag sang Judiyo nga Babayi Kon Ngaa Ginbag-o Niya ang Iya Pagpati
Ano ang nagkumbinsi kay Racquel Hall nga si Jesus amo ang Mesias nga iya ginahulat?
PANUDLO SANG BIBLIA
Testingi ang Amon Pagtuon sa Biblia
Testingi ang libre nga interactive nga pagtuon sa Biblia upod sa isa ka instruktor.