Huo. Ang mga demonyo “mga anghel nga nakasala,” mga espiritu nga tinuga nga nagrebelde sa Dios. (2 Pedro 2:4) Ang una nga anghel nga naghimo sang iya kaugalingon nga demonyo amo si Satanas nga Yawa, nga ginatawag sa Biblia nga “manuggahom sang mga demonyo.”—Mateo 12:24, 26.

Pagrebelde sang adlaw ni Noe

 Ginrekord sa Biblia ang pagrebelde sang mga anghel antes sang Anaw sang adlaw ni Noe: “Ang lalaki nga mga anak sang Dios nakakita sang babayi nga mga anak sang mga tawo nga maayoayo sila; kag nagpangasawa sila sang tanan nga ila napilian.” (Genesis 6:2) Ining malain, ukon makasasala nga mga anghel “nagbiya sang ila nagakaigo nga puluy-an” sa langit kag nagmateryalisar subong tawo agod makigsekso sa mga babayi.—Judas 6.

 Sang nag-abot ang Anaw, ginbiyaan sining rebelyuso nga mga anghel ang ila tawhanon nga lawas kag nagbalik sa langit. Pero, wala na sila ginbaton sang Dios nga bahin sang iya pamilya. Bilang bahin sang ila silot, indi na sila puede magmateryalisar subong tawo.—Efeso 6:11, 12.