Ginatapan sang naga-landscape nga mga sister ang duta, antes ini sab-ugan sang mga binhi sang hilamon. Makita sa likod ang Residence A kag Residence B.

Punong sa likod sang Office Building. Ini nga punong kag ang iban pa nga mga punong diri sa site sa Chelmsford ginhimo kag gin-landscape bilang bahin sang mahapos mentinahon nga drainage system nga ginsunod sa desinyo sang kinaugali. Nagapatinlo ini sang tubig, nagabulig para malikawan ang baha, kag nagapanami sang palibot para sa mga tawo kag mga sapat.

Mag-asawa nga miembro sang carpentry team nga nagaasembol sang mga dibisyon sang isa ka bag-o nga opisina.

Sa bulig sang laser nga nibel, ginatakod sang isa ka miembro sang architectural team ang karatula sa puertahan sang isa ka hairdressing salon.

Ginatakod sang isa ka panday ang karatula sa bulig sang nibel. Ginabutangan sang mga karatula ang mga alagyan para may giya ang mga nagaistar diri pati ang mga bisita kon maglagaw sila sa sining 34 ka ektarya nga site.

Ginainspeksion sang bombero ang kakusog sang tubig sang isa ka hydrant.

Miembro sang Construction Project Committee nga nagadumala sang morning worship sa isa ka live test sang bag-o nga mga branch system. Ini nga programa gin-stream paagi sa Internet sa pamilya Bethel sa London.

Elektrisyan nga nagatakod sang traffic light sa dalan pakadto sa isa ka lugar nga pili lang ang makakadto.

Ginapanitan sang mga boluntaryo ang saway nga kable para magamit liwat.

Ginapaathag sang tour guide sa Visitor Center ang plastada sang site. Sobra sa 95,000 ka bisita ang nagkadto sa site samtang ginatukod ini.

Ginaistorya sang miembro sang Komite sang Sanga sa Britain ang team sang konstruksion sa ila katapusan nga bulanan nga miting, antes sila ginbuslan sang mga departamento sa Bethel sa pag-atipan sa pasilidad. Sobra sa 11,000 ka boluntaryo ang naggamit sang ila tion kag kusog para sa sini nga proyekto.

Ang Regional Video Team kag ang Local Broadcasting Department ginahanas kon paano gamiton ang bag-o nga studio rigging. Ginputos nila ang ila mga sapatos para indi magasgasan ang salog.

Ginakahig sang mga boluntaryo ang balas nga ginpamala sa pugon pakadto sa igutlan sang mga block sa alagyan sang salakyan pasulod sa Office Building.

Ginamentinar sang mekaniko ang minibus sa bag-o nga garahe. Bangod ang pasilidad sang branch ara na subong sa isa na lang ka lugar, indi na kinahanglan sang pamilya Bethel ang madamo nga mga minibus pareho sini para magsugat-dul-ong pakadto sa ila ulubrahan adlaw-adlaw. Gani, ang sobra nga mga salakyan puede na ibaligya. Makita sa likod ang salakyan nga gingamit sang Grounds Maintenance team.

Ginapapanaug ang ginhakot nga mga gamit sang isa ka Bethelite. Isa ka team sang 27 tawo ang nagbulig sa mga Bethelite nga makasaylo sang Enero asta sang Pebrero. Pagka-Marso, ang bilog nga pamilya Bethel sa bag-o nga branch na nagaistar kag nagaobra.

Mga boluntaryo sa kusina nga nagahanda sang salad para sa pamilya Bethel.

Ang temporaryo nga ilistaran ginkuha sang nabaligya na ini. Sang tion sang konstruksion, ini nga mga ilistaran nga ginbutang malapit lang sa bag-o nga branch, gin-istaran sang mga boluntaryo. Bahin ini sang plano para mabuhinan ang ginapagua nga karbon sa palibot. Suno sa BREEAM, nga amo ang nagapanguna nga talaksan sa kalibutan parte sa paggamit sang duna nga manggad pero wala nagahalit sa palibot, ini nga plano isa gid ka bag-o nga ideya. Makita sa likod ang bag-o nga mga residence building.

Mga miembro sang Translation Deparment nga nagaplastar sang sound-proof nga recording studio para sa mga audio recording. Ini nga studio bahin sang kinaandan nga recording setup sa mga opisina sang mga team, kag ginagamit man ini sang mga team sang tumandok nga mga lenguahe nga ginadumalahan sang branch sang Britain, pareho sang Irish kag Scottish Gaelic.

Isa ka brother sa Local Design/Construction Department nga nagaistorya sa field representative sa bagatnan-sidlangan sang England paagi sa videoconference. Ang mga field representative pime nagakontak sa branch parte sa pagtukod kag pagmentinar sang mga Kingdom Hall. Makita ang iban nga miembro sang ila departamento nga nagaistoryahanay parte sa heating kag ventilation sang bag-o kag gin-renovate nga mga Kingdom Hall.

Bag-o nga mga commuter nga ara sa reception antes sang ila welcome meeting kag antes sila dal-on sa ila mga departamento. Sang ginsaylo na ang branch sang Britain sa Chelmsford, mga 500 ka commuter ang bug-os tion nga nagaboluntaryo para suportahan ang pamilya Bethel. Sa likod nayon, makita ang mga teknisyan nga naga-adjust sang mga TV screen nga gamiton para sa mga bisita.