Indi. Ang mga Saksi ni Jehova mga Cristiano, kag indi kami Protestante. Ngaa?

 Ang Protestantismo ginahatagan sing kahulugan subong “isa ka relihioso nga hublag nga nagapamatok sa Katoliko Romano.” Matuod nga ang mga Saksi ni Jehova wala nagaugyon sa panudlo sang Iglesia Katolika, pero indi kami mga Protestante bangod sa masunod nga mga rason:

1.   Madamo nga pagpati sang mga Protestante ang wala ginatudlo sang Biblia. Halimbawa, ginatudlo sang Biblia nga “may isa ka Dios,” nga indi Trinidad. (1 Timoteo 2:5; Juan 14:28) Maathag man nga ginatudlo sang Biblia nga ang silot sang Dios sa mga malaut amo ang kalaglagan, kag indi ang kalayuhon nga impierno.​—Salmo 37:9; 2 Tesalonica 1:9.

2.   Wala kami nagaprotesta batok sa Iglesia Katolika kag wala man kami sing tuyo nga repormahon ini ukon ang iban pa nga relihion. Kundi, ginawali namon ang maayong balita sang Ginharian sang Dios, kag ginabuligan ang iban nga magtuo sa sining maayong balita. (Mateo 24:14; 28:19, 20) Wala kami nagatinguha nga repormahon ang iban nga relihion, kundi ginatudluan namon ang sinsero nga mga tawo sang kamatuoran parte sa Dios kag sa iya Pulong, ang Biblia.​—Colosas 1:​9, 10; 2 Timoteo 2:​24, 25.