Nabal-an ni Jesus ang balatyagon sang mga nagaantos bangod sang krimen kag inhustisya. Gin-akusahan sia sang sala nga wala niya ginhimo, ginbunal, indi makatarunganon nga ginbista, ginsentensiahan, kag ginpaantos sang masakit nga kamatayon. Bisan pa inosente sia, handa sia nga ihatag “ang iya kabuhi nga gawad kabaylo sang madamo.” (Mateo 20:28; Juan 15:13) Bilang Hari sang Ginharian sang Dios, malapit na lang niya dulaon ang inhustisya kag krimen sing permanente sa bilog nga duta.—Isaias 42:3.

 Ginasugid sang Biblia ang mangin kahimtangan sang duta kon himuon na ini ni Jesus:

•   “Madula na ang mga malauton; pangitaon mo sila sa ila nahamtangan, kag wala na sila didto. Apang ang mga mahagop magapanubli sang duta, kag mangin malipayon gid sila sa bugana nga paghidait.”—Salmo 37:10, 11.

 Paano naton mapakita nga nagapasalamat kita sa tanan nga ginhimo ni Jesus kag sa mga himuon pa niya para sa aton? Base sa Lucas 22:19, ginsugo ni Jesus ang iya mga sumulunod nga dumdumon ang iya kamatayon. Gani kada tuig, sa anibersaryo sang iya kamatayon, ang mga Saksi ni Jehova nagatipon para iselebrar ini. Ginaagda ka namon nga selebrahon ang Memoryal sang kamatayon ni Jesus sa Domingo, Marso 24, 2024.

Mangita sing Memoryal