Sabat sa mga Pamangkot sa Biblia
Paano matun-an sang kabataan nga higugmaon ang Dios?
Itudlo sa imo kabataan ang leksion halin sa mga tinuga para mabuligan sila nga makilala kag higugmaon ang Dios
Matun-an lang sang imo kabataan nga higugmaon ang Dios kon kumbinsido sila nga nagaluntad sia kag ginahigugma niya sila. Para higugmaon ang Dios dapat nila sia makilala. (1 Juan 4:8) Halimbawa, dapat nila mahibaluan: Ano ang katuyuan sang Dios sa pagtuga sang tawo? Ngaa gintugutan sang Dios ang pag-antos? Ano ang himuon sang Dios sa katawhan sa palaabuton?
Para mabuligan ang kabataan nga higugmaon ang Dios, dapat ipakita mo nga ginahigugma mo man sia. Kon makita nila ini, pat-od gid nga sundon nila ang imo halimbawa.
Paano mo malab-ot ang tagipusuon sang imo kabataan?
Gamhanan ang Pulong sang Dios. (Hebreo 4:12) Gani buligi ang imo kabataan nga matun-an ang sadsaran nga panudlo sini. Para malab-ot ang tagipusuon sang mga tawo, si Jesus nagpamangkot, nagpamati, kag nagpaathag halin sa Kasulatan. Para malab-ot ang tagipusuon sang imo kabataan, mahimo mo ilugon ang pamaagi sang pagtudlo ni Jesus.
Ang mga rekord sang Biblia parte sa pagpakig-angot sang Dios sa mga tawo makabulig sa kabataan nga kilalahon kag higugmaon sia. Ang mga publikasyon nga gindesinyo para sa sini makita sa www.pr418.com/hil.
Basi Manamian Ka Man
KABATAAN
Mangin Abyan ni Jehova
Ining mga animated video, mga kanta, kag mga halampangan nga puede ma-print, makabulig sa kabataan nga matun-an ang importante nga mga leksion parte sa pagpahalipay sa Dios.
ANG AKON LIBRO SANG MGA SUGILANON SA BIBLIA
Ang Akon Libro sang mga Sugilanon sa Biblia—Introduksion
Matuod nga mga sugilanon halin sa pinakabantog nga libro sa kalibutan, ang Biblia. Nagasugid ini sang kasaysayan sang kalibutan halin sa pagtuga sini tubtob subong.
LIBRO KAG BROSYUR
