Ano Ayhan ang Matabo sa Palaabuton?
Ang aton bala sitwasyon . . .
-
amo man gihapon?
-
magalain pa gid?
-
mangin mas maayo?
ANG GINASILING SANG BIBLIA
“Pahiran [sang Dios] ang tagsa ka luha sa ila mga mata, kag wala na sing kamatayon, ukon paglalaw ukon paghibi ukon kasakit pa. Ang mga butang sang una nagtaliwan na.”—Bugna 21:3, 4, Bag-ong Kalibutan nga Badbad.
ANO ANG MABULIG SINI SA IMO?
Makatigayon ka sing makalilipay nga obra.—Isaias 65:21-23.
Indi ka na magmasakit ukon mag-antos.—Isaias 25:8; 33:24.
Makalilipay kag wala sing katapusan nga kabuhi upod sa imo pamilya kag mga abyan.—Salmo 37:11, 29.
MAPATIHAN GID BALA NATON ANG GINASILING SANG BIBLIA?
Huo, ari ang duha ka rason:
-
Makasarang gid ang Dios sa pagtuman sang iya saad. Suno sa Biblia, si Jehova nga Dios lamang ang ginatawag nga “Labing Gamhanan,” kay wala sing limitasyon ang iya gahom. (Bugna 15:3) Gani matuman gid niya ang iya saad nga bag-uhon ang aton kahimtangan. Ang Biblia nagasiling, “sa Dios ang tanan nga butang posible.”—Mateo 19:26.
-
Gusto gid sang Dios nga tumanon ang iya saad. Ginahandum gid ni Jehova nga banhawon ang napatay nga mga tawo.—Job 14:14, 15.
Mabasa man sa Biblia nga gin-ayo sang Anak sang Dios, nga si Jesus, ang nagamasakit. Ngaa? Bangod luyag gid niya ini himuon. (Marcos 1:40, 41) Pareho sang iya Amay, ginahandum ni Jesus nga buligan ang mga nagakinahanglan.—Juan 14:9.
Gani makasalig kita nga gusto gid kita buligan ni Jehova kag ni Jesus nga mangin malipayon sa palaabuton!—Salmo 72:12-14; 145:16; 2 Pedro 3:9.
BINAGBINAGA
Ano ang himuon sang Dios agod mangin mas maayo ang aton sitwasyon?
Ginasabat ini sang Biblia sa MATEO 6:9, 10 kag DANIEL 2:44.
Basi Manamian Ka Man
ANG LALANTAWAN
Ang Kamatuoran Parte sa Palaabuton
Pabakura ang imo paglaum sa ginasiling sang Dios parte sa palaabuton sang duta kag sang mga tawo nga magaistar sa sini.
IBAN PA NGA TOPIKO
Makalaum Kita nga Mangin Maayo ang Aton Sitwasyon sa Palaabuton
Ngaa ang mga promisa sa Biblia lain gid sa mga promisa kag mga prediksion sang mga tawo?
IMPORTANTE NGA MGA PANUDLO SANG BIBLIA
Ano ang Ginharian sang Dios?
Sang diri sia duta, pirme ginatudlo ni Jesus ang parte sa Ginharian sang Dios. Madugay na nga ginapangamuyo sang iya mga sumulunod nga magkari ang Ginharian.
ANG LALANTAWAN
Ano ang Himuon sang Ginharian sang Dios?
Kabalo si Jesus nga ang Ginharian sang Dios amo lamang ang gobierno nga makasolbar sang mga problema sa duta. Ano na ang nahimo sang Ginharian nga nangin rason para saligan naton ini?
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
