He mea maikaʻi ia e noi i nā nīnau e like me, “no ke aha ko kākou ʻohana i make ai?” ʻŌlelo ka Paipala: “Eia ka huelo ʻawa o ka make, ʻo ka hewa...”​—1 Korineto 15:56.

No ke aha e lawehala ai a e make ai ka poʻe?

Ua kūʻē ʻo ʻAdamu lāua ʻo ʻEva i ke Akua no laila, ua make lāua. (Kinohi 3:​17-19) Ua lawe ʻia ko lāua ola no ke kūʻē ʻana i ke Akua. ʻO ka make wale ʻana nō ka hopena, no ka mea, ʻo ke Akua “ke kumu wai o ke ola”.​—Halelū 36:9; Kinohi 2:17.

Ua kau aku ʻo ʻAdamu i ka make ma luna o kāna poʻe mamo. ʻŌlelo ka Paipala: “No ia mea, me ka puka ʻana mai o ka hewa i loko o ke ao nei ma ke kanaka hoʻokahi, a ma ka hewa mai ka make; a pēlā i kau mai ai ka make ma luna o nā kānaka a pau, no ka mea, ua pau lākou i ka hana hewa.” (Roma 5:12) Ua lawehala lākou a pau, no laila make nā poʻe a pau.​—Roma 3:23.

Pehea e pau ana ka make?

ʻŌlelo paʻa ke Akua, “E hoʻopau nō hoʻi ʻo ia i ka make no ka manawa pau ʻole...” (ʻIsaia 25:8) ʻO ka lawehala ke kumu o ka make ʻana no laila, pono ʻo ia e hoʻopau i ka make. E hana ana ke Akua ma o Iesū, ka mea “e lawe aku ka hala o ke ao nei!”.​—Ioane 1:29; 1 Ioane 1:7.