“A na ke Akua nō e holoi i nā waimaka a pau, mai ko lākou maka aku; ʻaʻole he make hou aku, ʻaʻole kaumaha, ʻaʻole uwē, ʻaʻole hoʻi he mea e ʻeha ai; no ka mea, ua pau nā mea kahiko i ka lilo aku.”​—Hōʻike ʻAna 21:4, Ka Baibala Hemolele.

Maikaʻi a hōʻoluʻolu ka hana.​—ʻIsaia 65:21-23.

ʻAʻole ʻōmaʻimaʻi, ʻaʻole ʻeha.​—ʻIsaia 25:8; 33:24.

Ke ola mau loa me ka ʻohana.​—Halelū 37:11, 29.

ʻAe, no kekahi mau kumu:

• Hiki iā Iēhova ke hoʻokō i ka ʻōlelo hoʻohiki. ʻO Iēhova ka mea hoʻokahi wale nō i kapa ʻia ke Akua “Mana loa” no ka mea ʻaʻohe palena o kona mana. (Hōʻike ʻAna 15:3) E hoʻokō ana ʻo Iēhova i kāna ʻōlelo hoʻohiki e hoʻololi i ke ao nei. ʻŌlelo mai ka Paipala, “E hiki ʻiʻo nō nā mea a pau i ke Akua.”​—Mataio 19:26.

• He ʻiʻini ko ke Akua e hoʻokō i kāna ʻōlelo hoʻohiki. ʻO ia hoʻi, he ʻiʻini nui ko Iēhova e hoʻāla hou i ka poʻe i hala ai.​—Ioba 14:14, 15.

  Ma ka Paipala, ua hōʻola ʻia ka poʻe maʻi e Iesū, ke Keiki a ke Akua. No ke aha? No ka mea, ua ʻiʻini ʻo ia. (Mareko 1:40, 41) He ʻiʻini ko Iesū e like me ka ʻiʻini o kona Makua e kōkua i ka poʻe ʻilihune.​—Ioane 14:9.

  ʻIʻini nō ʻo Iēhova lāua o Iesū iā kākou e nānea i ke ola maikaʻi i ka wā e hiki mai ana.​—Halelū 72:12-14; 145:16; 2 Petero 3:9.