He Aha ke Aupuni o ke Akua?
I kou manaʻo . . .
-
he mea i loko o kou naʻau?
-
he ʻōlelo wale nō?
-
he mea ʻē aʻe?
ʻŌLELO MAI KA PAIPALA
“E kūkulu mai [ana] ke Akua o ka lani i aupuni mau loa.”—Daniʻela 2:44, Ka Baibala Hemolele.
“No kākou i hāʻawi ʻia mai ai, he keiki kāne, ma luna o kona poʻohiwi ke aupuni.”—ʻIsaia 9:6.
PEHEA E PILI AI KĒIA IĀ ʻOE?
-
He aupuni maikaʻi e pono ai.—ʻIsaia 48:17, 18.
-
Ke olakino hemolele a me ka hauʻoli i ka wā e hiki mai ana.—Hōʻike ʻana 21:3, 4.
HIKI NŌ IĀ KĀKOU KE HILINAʻI I KA PAIPALA?
ʻAe, eia kekahi mau kumu:
-
Ua hoʻohana ke Akua iā Iesū e hōʻike, e kōkua ana ʻo ia i ka poʻe. Makemake ke Akua iā kākou e pule no ka hiki ʻana mai o kona aupuni, a me ka hoʻokō ʻia ʻana o kona makemake ma ka honua. (Mataio 6:9, 10) E hoʻoponopono ana kēia aupuni i nā pilikia a pau o kānaka.
I kona wā ma ka honua, ua hānai ʻo Iesū i ka poʻe pōloli, hoʻōla i ka poʻe ʻōmaʻimaʻi, a hoʻāla hou i ka poʻe make! (Mataio 15:29-38; Ioane 11:38-44) I kona kūlana, ʻo ia ke Aliʻi wae ʻia, a i ʻole koho ʻia e ke Akua, ua hōʻike nani ʻo Iesū i nā mea a ke Akua e hana ai no kona poʻe.—Hōʻike ʻana 11:15.
-
Hōʻike mai ke kūlana o kēia ao, kokoke loa ke Aupuni o ke Akua. Pehea kākou e ʻike ai i kēia? Ua wānana ʻo Iesū ma mua o ka hiki ʻana mai o ke Aupuni o ke Akua, e nui ana nā kaua, nā wī, a me nā ōlaʻi.—Mataio 24:3, 7.
ʻIke kākou i kēia i kēia mau lā. No laila, hiki iā kākou ke hilinaʻi, e hoʻopau koke ana ke Aupuni o ke Akua i kēlā mau pilikia a pau.
HE MEA E NOʻONOʻO AI
Pehea ana ke ola ma lalo o ke Aupuni o ke Akua?
Pane ka Paipala i kēia nīnau ma HALELŪ 37:29 a me ʻISAIA 65:21-23.
You May Also Like
ESSENTIAL BIBLE TEACHINGS
He Aha ke Aupuni o ke Akua?
I kona haʻi ʻeuanelio ma ka honua, ua aʻo aku ʻo Iesū no ke Aupuni o ke Akua ma mua o kekahi kumuhana ʻē aʻe. No nā kenekulia he nui, ua pule ka poʻe no ka hiki ʻana mai o kēlā Aupuni.
NO MĀKOU
E Hoʻopaʻa Paipala
Ke pane nei ka Paipala i nā nīnau nui o ke ola no nā miliona a puni ka honua. Makemake paha ʻoe e helu ʻia ma waena o lākou?
