“A na ke Akua nō e holoi i nā waimaka a pau, mai ko lākou maka aku; ʻaʻole he make hou aku, ʻaʻole kaumaha, ʻaʻole uwē, ʻaʻole hoʻi he mea e ʻeha ai; no ka mea, ua pau nā mea kahiko i ka lilo aku.”​—Hōʻike ʻAna 21:4, Ka Baibala Hemolele.

Ka maopopo ʻana, ʻaʻole ke Akua ke kumu o ko kākou mau pilikia.​—Iakobo 1:13.

Ka manaʻo ʻoluʻolu ma muli o ka ʻike ʻana, kaumaha loa ke Akua no ka ʻeha ʻana o kākou.​—Zekaria 2:8.

Ka manaʻolana no ka pau ʻana o ka ʻeha.​—Halelū 37:9-11.

ʻAe, no kekahi mau kumu:

• Inaina ʻo Iēhova i ka ʻeha ʻana a me ke kaulike ʻole ʻana. E noʻonoʻo paha ʻoe i ka ʻike ʻana o Iēhova ke Akua i ka hana ʻino ʻia ʻana o kona poʻe i ka wā Paipala. ʻŌlelo mai ka Paipala, ua minamina ʻo Iēhova ma muli o “ka pilikia ʻia, a me ka hoʻokaumaha ʻia mai” o kona poʻe.​—Luna Kānāwai 2:18, Ka Baibala Hemolele.

  He manaʻo ikaika ko ke Akua no ka poʻe hana ʻino iā haʻi. I mea hoʻohālike, ʻōlelo mai ka Paipala, he mea hoʻopailua iā ia “nā lima hoʻokahe koko hala ʻole.”​—Solomona 6:16, 17.

• Mālama ke Akua iā kākou pākahi. ʻAʻole ʻike ke kanaka pākahi wale nō i “kona ʻeha a me kona kaumaha,” akā ʻike nō hoʻi ʻo Iēhova!​—2 ʻOihana Aliʻi 6:29, 30.

  Ma o kona Aupuni, e hoʻopau koke ana ʻo Iēhova i ka ʻeha o nā kānaka a pau. (Mataio 6:9, 10) I kēia manawa, hōʻoluʻolu mālie mai ʻo ia i ka poʻe e ʻimi iā ia me ka ʻo iaʻiʻo.​—ʻOihana 17:27; 2 Korineto 1:3, 4.