Titobasinanu Kunnudetọ Jehovah tọn lẹ tọn nọ na sisi jlọjẹ mẹdopodopo tọn na nuhe dù nudọnamẹ mẹdetiti tọn lẹ. Nado mọ nudọnamẹ dogọ gando Tito Hihọ́-Bibasina Nudọnamẹ lẹ Tọn he titobasinanu lọ zedai lẹdo aihọn pé go, jaale zín fi.

Adà lọ Tito Hihọ́-Bibasina Nudọnamẹ lẹ Tọn do lehe titobasinanu Kunnudetọ Jehovah tọn lẹ tọn nọ yí nudọnamẹ mẹdetiti tọn lẹ zan do hia. Humọ, anademẹ he gando nọtẹn Intẹnẹt tọn ehe go lẹ ko yin awuwlena bo yin didohia to odò.

Nọtẹn ehe yin nutindo Watchtower Bible and Tract Society of New York, Inc. (“Watchtower”) tọn, yèdọ ogbẹ́ he ma yin ajọwiwa tọn de he yin didoai to New York nado deanana azọ́n Kunnudetọ Jehovah tọn lẹ tọn po tito Biblu pinplọnmẹ tọn yetọn po. Delẹ to nudọnamẹ he sọawuhia to nọtẹn ehe ji lẹ mẹ tin to ọdinatẹẹ lẹ mẹ to États-Unis.

Nudọnamẹ mẹdetiti tọn he a na to nọtẹn ehe ji lẹ nọ yin yiyizan kiki na lẹndai he yin nùdego to ojlẹ he mẹ a to yinkọ zedai.

Mí ma nọ na nudọnamẹ towe lẹ mẹdevo depope adavo e biọ domọ nado hẹn pekọ wá na obiọ towe, bọ zẹẹmẹ gigọ́ ko yin bibasi na we jẹnukọn, kavi eyin jidide mlẹnmlẹn tin dọ nudọnamẹ lọ lẹ hinhẹn zun yinyọnẹn na mẹdevo yin dandannu nado setonuna osẹ́n kavi nunọwhinnusẹ́n he tin-to-aimẹ lẹ kavi nado doayi nuyiwa mẹhodu tọn, kavi onú mọnkọtọn devo lẹ go bo glọnalina yé. Gbọn nọtẹn ehe yiyizan dali, a dohia dọ a kọngbedopọ dọ mí gán na nudọnamẹ towe lẹ mẹdevo lẹ to ninọmẹ he yin nùdego wayi lẹ kẹdẹ mẹ. Nudọnamẹ mẹdetiti tọn depope he yin nina ma na yin sisà, yin didiọ po mẹdevo po kavi yin hihaya namẹ to ninọmẹ depope mẹ.

Azọ́nwatọ Intẹnẹt Ji Tọn Devo Lẹ. To whedelẹnu, nọtẹn ehe gán yìn we hlan nọtẹn azọ́nwatọ Intẹnẹt ji tọn devo tọn ji, yèdọ azọ́nwatọ de he mí ko de nado wazọ́n delẹ do ota mítọn mẹ (di apajlẹ, nado kanwe gọ́ obiọ Intẹnẹt ji tọn delẹ). To ninọmẹ mọnkọtọn mẹ, a na yọnẹn dọ nọtẹn azọ́nwatọ devo tọn ji wẹ a te, na awusọhia nọtẹn lọ tọn na gbọnvo bọ adlẹsi lọ lọsu na diọ to ọdinatẹẹ towe mẹ. Whẹpo mí do nọ de azọ́nwatọ Intẹnẹt ji tọn devo lẹ, podọ sọn ojlẹ de mẹ jẹ devo mẹ, mí nọ dindona osẹ́n nudọnamẹ mẹdetiti tọn yetọn lẹ nado hẹn ẹn diun dọ yé jẹ nubiọtomẹsi mítọn nkọ lẹ kọ̀n. Eyin a tindo kanbiọ depope gando osẹ́n nudọnamẹ mẹdetiti tọn azọ́nwatọ Intẹnẹt ji tọn devo de tọn go, jaale bo hia adà he gandego to nọtẹn yetọn ji.

Mí nọ yí nukun nujọnu tọn do pọ́n hihọ́-bibasina nudọnamẹ mẹdetiti tọn towe lẹ taun. Mí nọ yí aliho nudọnamẹ whiwhla tọn he nọ yin Transport Layer Security (TLS) zan nado basi hihọ́na nudọnamẹ towe lẹ. Mí sọ nọ yí azọ́nwanu ọdinatẹẹ ji tọn he mẹdevo ma gán hùn lẹ zan to fihe tindo hihọ́ taun bosọ nọ yin gbigbejepọn sọn ojlẹ de mẹ jẹ devo mẹ lẹ nado hẹn ẹn diun dọ nudọnamẹ he yin nina mí lẹ yin hihọ́-basina di aṣlinu.

Adlẹsi Intẹnẹt ji tọn (e-mail) he a zejo nado wleawuna adà mẹdetiti tọn de to nọtẹn ehe ji wẹ na yin yiyizan nado kanwehlan we gando adà towe go. Di apajlẹ, eyin a wọn yinkọ kavi hogbe aṣli tọn he a do nọ hùn adà towe bo biọ alọgọ, wekanhlanmẹ de na yin didohlan adlẹsi Intẹnẹt ji tọn he a ko na dai lọ nado gọalọna we.

Eyin a basi nunina akuẹ tọn de to Intẹnẹt ji, mí na yí yinkọ towe po adlẹsi towe po. Na nunina he yin bibasi gbọn kalti akuẹsẹdotẹn tọn yiyizan dali lẹ nido jẹ mí si, mí nọ yí aliho he tindo hihọ́ hugan he yin awuwlena na lẹndai ehe to Intẹnẹt ji lẹ zan. Mí ma nọ sẹ̀ nudọnamẹ depope do gando kalti akuẹsẹdotẹn tọn towe, sọha akuẹsẹdotẹn towe tọn kavi nudevo depope he yin yiyizan nado basi nunina lọ go. Pipli he mọ nunina lọ yí na basi kandai etọn bo sẹ̀ ẹ do, e whè gbau na owhe ao. Kandai ehe na bẹ azán he gbè nunina lọ yin bibasi, akuẹ nẹmu he yin nina po aliho he yin yiyizan nado basi nunina lọ po hẹn. Gbọnmọ dali, mí sọgan jẹ nubiọtomẹsi he ko yin zizedai gando akuẹ-linlẹn go lẹ kọn bosọ penugo nado na we gblọndo eyin a wá kàn nudepope sè gando nunina lọ go to ojlẹ enẹ gblamẹ. Mí ma na kanwe kavi tẹkan hlan we nado biọ dọ a ni basi nunina devo lẹ.

A sọgan na nudọnamẹ mẹdetiti tọn lẹ (taidi yinkọ towe, adlẹsi posu tọn kavi sọha alokan towe tọn) na lẹndai devo lẹ gbọnvona nunina bibasi kavi awuwiwlena adà mẹdetiti tọn (vlavo nado biọ dọ Biblu ni yin pinplọn hẹ we vọnu). Mí nọ sẹ̀ nudọnamẹ enẹlẹ do bo nọ yí yé zan dile nuhudo yetọn gán tin dẹnsọ kiki na lẹndai he wutu a do na yé.

Azọ́nwanu mítọn lẹ nọ yí nudọnamẹ delẹ tlọlọ whedepopenu he a dla nọtẹn mítọn pọ́n. Nudọnamẹ ehelẹ nọ yin yíyí taidi kandai flinflin lẹ (“cookies”) kavi weda flinflin lẹ “balises web”) po azọ́nwanu mọnkọtọn devo lẹ po. Hogbe lọ “kandai flinflin lẹ” yin yiyizan to aliho he gbloada mẹ to osẹ́n nudọnamẹ mẹdetiti tọn ehe mẹ nado dlẹnalọdo azọ́nwanu mọnkọtọn lẹ he nọ sẹ̀ nudọnamẹ do.

Kandai Flinflin Lẹ (Cookies). Eyin a dla nọtẹn ehe pọ́n, nudọnamẹ kleun de he nọ yin yiylọdọ “cookie” sọgan yin sisẹdo do alokan kavi ọdinatẹẹ towe ji, dile e nọ yin do na suhugan nọtẹn Intẹnẹt tọn lẹ tọn. Wunmẹ susu ji wẹ kandai flinflin ehelẹ te podọ azọ́n voovo lẹ wẹ yé nọ wà, amọ́ to paa mẹ lẹndai yetọn wẹ nado hẹn aliho he mẹ a nọ yì Intẹnẹt ji te bọawu. Kandai flinflin ehelẹ sọgan gọalọna mí nado yọnẹn eyin a ko dla nọtẹn lọ pọ́n wayi kavi nado flin nujlomẹ mẹdetiti tọn he a de to whenue a to nọtẹn lọ yizan lẹ. Di apajlẹ, ogbè he a de sọgan yin sisẹdo do kandai flinflin de mẹ, na ogbè enẹ nido hùn hadopo eyin a lẹkọwa nọtẹn lọ ji to whedevonu. Mí ma nọ yí kandai flinflin ehelẹ zan na lẹndai ajọjijla tọn.

Kandai flinflin wunmẹ he nọ yin yiyizan to nọtẹn ehe ji lẹ sọgan yin mimá do ogbẹ́ voovo atọ̀n he bọdego ehelẹ ji:

1. Dehe Yin Dandan Tọn Lẹ—Ehelẹ yin dandan, na a nido sọgan yí azọ́nwanu nọtẹn lọ tọn delẹ zan, taidi nado hùn adà towe titi kavi nado kanwe gọ́ alọdowemẹwe de mẹ to nọtẹn lọ ji. Matin kandai ehelẹ, nudelẹ, taidi nunina bibasi, ma na yọnbasi. Kandai ehelẹ sọ bẹ dehe nọ gọalọna mí nado wà nuhe a biọ to mí si tlọlọ nado wà do ota towe mẹ lẹ hẹn. Kandai ehelẹ ma nọ sẹ̀ nudọnamẹ depope do gando gowe, ehe sọgan yin yiyizan na ajọjijla kavi nado yọ́n nọtẹn Intẹnẹt tọn devo he a ko dlapọn lẹ.

2. Dehe Nọ Hẹn Azọ́n Nọtẹn lọ Tọn Bọawu Lẹ—Ehelẹ nọ yin yiyizan nado flin nujlomẹ he a ko de lẹ (di apajlẹ, yinkọ he a do nọ hùn adà towe, ogbè he a de kavi otò he mẹ a te) podọ yé nọ gọalọ, na nọtẹn lọ yiyizan nido bọawu na we.

3. Dehe Nọ Gọalọna Dodinnanu Lẹ—Ehelẹ nọ yin yiyizan nado yọ́n lehe mẹlẹ nọ yí nọtẹn lọ zan do, di apajlẹ nado yọ́n sọha mẹhe nọ dla nọtẹn lọ pọ́n lẹ tọn kavi ojlẹ nẹmu he mẹde nọ yizan to nọtẹn lọ ji to madozẹnzẹn mẹ. Nudọnamẹ ehelẹ nọ yin yiyizan kiki nado hẹn aliho he mẹ nọtẹn lọ nọ wazọ́n te pọnte dogọ.

Kandai flinflin delẹ tin bọ nọtẹn mítọn lọsu wẹ basi tito yetọn bo nọ yí yé zan, enẹlẹ wẹ nọ yin yiylọdọ “cookies propriétaires.” Devo lẹ tin he nọ yin yiyizan gbọn nọtẹn Intẹnẹt tọn devo lẹ dali bo nọ yin yiylọdọ “cookies tiers.” Dehe mílọsu basi tito yetọn lẹ kẹdẹ wẹ mí nọ yizan, adavo na dehe gando azọ́nwanu Google reCAPTCHA tọn go. Azọ́nwanu Google reCAPTCHA tọn nọ yin yiyizan nado yọ́n gbẹtọ jọnun dovo na ọdinatẹẹ he to nuyiwa na ede poun, podọ ehe nọ gọalọ nado dapana nuyizan ylankan he sọgan yin didohlan gbọn ọdinatẹẹ ji lẹ. Jaale bo pọ́n osẹ́n nudọnamẹ mẹdetiti tọn Google tọn to adlẹsi ehe ji https://www.google.com/intl/fr/policies/privacy/.

Weda Flinflin Lẹ (Balises Web). Nọtẹn Intẹnẹt tọn mítọn sọgan bẹ weda flinflin delẹ hẹn he nọ yin yiylọdọ “balises web,” ehe nọ gọalọna mí nado yọ́n aliho he mẹ nọtẹn lọ to yinyin yiyizan te, di apajlẹ nado yọ́n whenue a hùn weda de to nọtẹn lọ ji. Azọ́nwanu ehelẹ nọ yin yiyizan nado yọ́n lehe nọtẹn lọ to azọ́nwa do podọ nado hẹn azọ́nwiwa etọn pọnte dogọ.

Yizan Adresse IP Tọn. Hogbe lọ adresse IP dlẹnalọdo sọha de he nọ yin yiyizan nado yọ́n ọdinatẹẹ towe dovo na dehe pò lẹ to Intẹnẹt ji. Mí nọ yí nudọnamẹ he gando adresse IP towe po azọ́nwanu wunmẹ he a do nọ yì Intẹnẹt ji po go zan nado dindona lehe mẹlẹ to nọtẹn mítọn yizan do podọ nado didẹ nuhahun depope he sọgan fọ́n to nọtẹn lọ didlapọn whenu.

Nudide Towe. Suhugan azọ́nwanu ọdinatẹẹ ji tọn lẹ tọn wẹ nọ namẹ dotẹnmẹ nado glọnalina kandai flinflin (cookies) lẹ kavi nado biọ dọ avase ni yin nina we jẹnukọn whẹpo kandai mọnkọtọn lẹ nido yin sisẹdo do ọdinatẹẹ towe ji. Jaale bo pọ́n nudọnamẹ he zọnpọ hẹ azọ́nwanu he a do nọ yì Intẹnẹt ji lọ nado yọ́n lehe a sọgan wà ehe gbọn. Ṣigba, hẹn ẹn do ayiha mẹ dọ eyin a glọnalina kandai flinflin lẹ petepete, a sọgan nọma penugo nado yí adà dagbe he nọtẹn mítọn bẹhẹn lẹpo zan to gigọ́ mẹ.

Tito ọdinatẹẹ ji tọn flinflin delẹ nọ yin yiyizan nado hẹn yizan nọtẹn lọ tọn bọawu. Tito mọnkọtọn lẹ wẹ nọ gọalọna nọtẹn lọ nado yawu de nuhe dín a te lẹ tọ́n. Nọtẹn mítọn ma nọ yí tito ehelẹ zan nado ze tito ọdinatẹẹ ji tọn devo lẹ do ọdinatẹẹ mẹde tọn ji kavi nado ṣinyan nudọnamẹ he mẹlọ ma nagbè dọ yè ni yí lẹ sọn e si gbede.

A dona tá tito ọdinatẹẹ tọn flinflin lẹ kavi JavaScript to ọdinatẹẹ towe ji whẹpo adà nọtẹn lọ tọn delẹ nido wazọ́n ganji. To suhugan ọdinatẹẹ lẹ tọn ji, e nọ yọnbasi nado yigbena tito flinflin ehelẹ kavi glọnalina yé na nọtẹn tangan delẹ. Nado yọ́n lehe a sọgan yigbena tito ehelẹ na nọtẹn tangan delẹ do, pọ́n adà he yin awuwlena taidi alọgọ to azọ́nwanu ọdinatẹẹ ji tọn he a do nọ yì Intẹnẹt ji mẹ.

A sọgan yí nọtẹn Intẹnẹt tọn ehe zan bo mọ owe, video kavi hoyidokanji depope he jlo we yí sọn e ji vọnu. E ma yin dandan dọ a ni wleawuna adà mẹdetiti tọn de, basi nunina kavi na nudọnamẹ mẹdetiti tọn depope whẹpo do mọaleyi sọn nuhe nọtẹn lọ bẹhẹn lẹ mẹ. Ṣigba, eyin a desọn ojlo mẹ nado wleawuna adà mẹdetiti tọn de, basi nunina, biọ dọ yè ni plọn Biblu hẹ we vọnu kavi nado ze afọdide depope he na biọ dọ a ni na nudọnamẹ he gando gowe lẹ, be a kọngbedopọ hẹ Osẹ́n Nudọnamẹ Mẹdetiti Tọn po Kandai Flinflin lẹ po Tọn ehe niyẹn; a yigbe dọ nudọnamẹ lọ lẹ ni yin sisẹdo do ọdinatẹẹ lẹ ji to États-Unis; a sọ kẹalọyi dọ nudọnamẹ towe lẹ ni yin sisẹdo bo yin didohlan bosọ yin yiyizan gbọn Watchtower po titobasinanu he Kunnudetọ Jehovah tọn lẹ nọ yizan to otò voovo mẹ lẹ po dali nado hẹn pekọ wá na obiọ towe. Nudọnamẹ he na yin bibẹpli lẹ sọgan gbọnvo sọgbe hẹ adà he yizan a te taun to nọtẹn lọ ji. Di apajlẹ, eyin a basi nunina do pipli mítọn de tamẹ to otò de mẹ, be yinkọ towe po adlẹsi towe po na yin nina pipli enẹ, dile a na ko mọ hia do to nunina lọ bibasi whenu. Apajlẹ devo die: Eyin a biọ dọ yè ni plọn Biblu hẹ we vọnu, to whenẹnu yinkọ towe po adlẹsi towe po na yin didohlan alahọ Kunnudetọ Jehovah tọn lẹ tọn de nado hẹn pekọ wá na obiọ towe.

Eyin a ma na nudọnamẹ he yin bibiọ to asiwe lẹpo to whenue a jlo na wleawuna adà mẹdetiti tọn de, kavi basi nunina de kavi mọaleyi sọn adà nọtẹn lọ tọn he biọ dọ a ni do dewe hia de mẹ, mí ma na penugo nado kẹalọyi obiọ towe.

Eyin e wá biọ dọ Osẹ́n Nudọnamẹ Mẹdetiti Tọn po Kandai Flinflin lẹ po Tọn mítọn ni yin didiọ, diọdo lọ na yin zizedo adà ehe ji na a nido yọ́n nudọnamẹ he mí nọ yí sọn dè we lẹ po lehe mí nọ yí yé zan do po to whelẹponu.

Sọgbe hẹ nubiọtomẹsi osẹ́n tọn lẹ, a sọgan sọ tindo jlọjẹ devo lẹ na nuhe dù nudọnamẹ towe lẹ. E sọgan yin jlọjẹ lọ nado pọ́n nudọnamẹ he a ko na mí gbọn nọtẹn ehe gblamẹ wayi lẹ bo vọ́ yé jlado kavi súnsún yé. Eyin osẹ́n ehe nọ yin hihodo to otò towe mẹ, a na mọ adlẹsi mítọn tofi. Eyin whẹho nunina tọn de wutu wẹ a jlo na kàn nude biọ gando nudọnamẹ mẹdetiti tọn lẹ go, jaale kanwehlan pipli he tamẹ nunina lọ yin bibasi do, dile yinkọ pipli lọ tọn sọawuhia do to whenue a to nunina lọ basi podọ dile a sọgan mọ do to kandai he do nunina towe hia lọ mẹ.