Visunnu towe dọna we dọ yè nọ to nukunvando emi to wehọmẹ. Etẹwẹ a gán wà? Be a na biọ to ogán wehọmẹ lọ tọn si nado domẹplọnlọ whẹhutọ lọ go wẹ ya? Be a na plọn visunnu towe lehe e na yiavùnlọ do wẹ ya? Whẹpo a nado basi nudide, lẹnnupọndo nugbo delẹ ji gando nukunvandomẹ go. a

•  Etẹwẹ n’dona yọnẹn gando nukunvandomẹ go?

•  Nawẹ n’gán gọalọ gbọn?

 Etẹwẹ nukunvandomẹ zẹẹmẹdo? Nukunvandomẹ yin gbemima nado gbleawunamẹ to agbasa-liho kavi to numọtolanmẹ-liho whẹwhẹ. Enẹwutu, mẹzunzun kavi nuyiwa nukundiọsọmẹ tọn lẹpo ma zẹẹmẹdo nukunvandomẹ.

 Nuhewutu ehe yinyọnẹn do yin nujọnu: Mẹdelẹ nọ yí hogbe lọ “nukunvandomẹ” zan nado dlẹnalọdo nuyiwa depope he hẹn homẹgblemẹ, mahopọnna lehe whẹho lọ ma yin nujọnu sọ. Amọ́, eyin mẹjitọ lẹ nọ ylọ whẹho flinflin lẹpo dọ nujọnu, yé sọgan to pinplọn ovi yetọn lẹ to aliho he ma yin tlọlọ tọn mẹ dọ yé ma penugo nado nọ didẹ nuhahun lẹ na yede—yèdọ nugopipe de he yé tindo nuhudo etọn todin podọ to sọgodo.

 Nunọwhinnusẹ́n Biblu tọn: “A yawu nado gblehomẹ blo.”—Yẹwhehodọtọ 7:9.

 Nuagokun lọ die: Dile etlẹ yindọ e sọgan biọ dọ a ni nọ dá do ninọmẹ delẹ mẹ, ninọmẹ devo lẹ gán yin dotẹnmẹ hundote de na ovi towe nado plọn lehe yè nọ duto ninọmẹ sinsinyẹn lẹ ji bo didẹ nuhahun lẹ do.—Kolosinu lẹ 3:13.

 Ṣigba, etẹwẹ a na wà, eyin ovi towe dọna we dọ emi nọ pehẹ nukunvandomẹ whẹwhẹ sọn ojlo mẹ wá?

•   Dotoaina ovi towe po homẹfa po. Tẹnpọn nado yọ́n (1) nuhe to jijọ podọ (2) nuhewutu e do yindọ ewọ wẹ yè to nukunvando. Ma wá tadona kọ̀n kakajẹ whenue a yọ́n nugbo lọ lẹpo blo. Kanse dewe dọ, ‘Be nude gbẹ́ pò bọ n’ma yọnẹn gando whẹho lọ go ya?’ Nado mọnukunnujẹ whẹho lọ mẹ to gigọ́ mẹ, e gán biọ dọ a ni dọho hẹ mẹplọntọ ovi towe tọn kavi hẹ mẹjitọ ovi diẹ lọ tọn lẹ.

   Nunọwhinnusẹ́n Biblu tọn: “Eyin mẹdepope gblọnho gando whẹho de go whẹpo do sè e, be nulunu po winyannu de po wẹ e wà.”—Howhinwhẹn lẹ 18:13.

•   Eyin yè nọ vannukundo ovi towe, gọalọna ẹn nado yọnẹn dọ lehe e yinuwa do gán hẹn nulẹ pọnte kavi hẹn ẹn ylan. Di apajlẹ, Biblu dọmọ: “Gblọndo he yin nina po ogbè dẹẹdẹ po nọ lilẹ́ adi sẹ̀, ṣigba, hogbe kàunkàun nọ fọ́n homẹgble dote.” (Howhinwhẹn lẹ 15:1) Na nugbo tọn, ahọsuyiyi gán hẹn ninọmẹ lọ vantan, ehe na hẹn nukunvandomẹ lọ jideji kakati nido depò.

   Nunọwhinnusẹ́n Biblu tọn: “Mì nọ yí oylan do sú oylan họ́ blo kavi ozun do sú ozun họ́ blo.”—1 Pita 3:9.

•   Basi zẹẹmẹ na ovi towe dọ eyin e gbẹ́ nado yiahọsu enẹ ma dohia dọ e yin madogánnọ. To vogbingbọn mẹ, enẹ na dohia dọ e whèwhín na e ma dike bọ mẹdevo deanana ẹn wutu. To linlẹn de mẹ, e duto nukunvandomẹtọ etọn ji ma tin avùnhiho.

   Nujọnu wẹ e yin dọ ovi towe ni hẹn ehe do ayiha mẹ eyin yè nọ vannukundo e to Intẹnẹt ji. Eyin ewọ lọsu nọ kàn hogbe mẹzunzun tọn lẹ hlan yé, mẹhe nọ vannukundo e lẹ ma na doalọte, podọ mẹdevo gán sawhẹdokọna ovi towe dọ e vannukundo emi! Enẹwutu, to whedelẹnu gblọndo he yọ́n hugan wẹ ma nado dọ nudepope—yèdọ ayiha dagbe de he e yọnbasi dọ ni hù awàkan na nukunvandomẹtọ lọ, bọ ovi towe na duto mẹlọ ji.

   Nunọwhinnusẹ́n Biblu tọn: “Fie nake ma tin te, miyọ́n nọ ṣí.”—Howhinwhẹn lẹ 26:20.

•   To ninọmẹ delẹ mẹ, ovi towe sọgan dapana mẹhe nọ vannukundomẹ lẹ po fihe e sọgan yin nukunvando te lẹ po. Di apajlẹ, eyin e yọ́n fihe omẹ kavi pipli tangan de nọ saba nọ, e gán họ̀nna tukla bo gbọn ali devo.

   Nunọwhinnusẹ́n Biblu tọn: “Zinzintọ nọ mọ owù hlan bo nọ whlá ede, ṣigba, wunvinọ nọ dlí biọ e mẹ bo nọ jiya kọdetọn etọn lẹ tọn.”—Howhinwhẹn lẹ 22:3.

 TẸ́N EHE PỌ́N: Gọalọna ovi towe nado lẹnnupọndo kọdetọn dagbe he nudide etọn na hẹnwa lẹ po kọdetọn ylankan lẹ po ji. Di apajlẹ:

•  Etẹwẹ gán jọ eyin e dovọ́na nukunvandomẹ lọ poun?

•  Eyin e ka yí adọgbigbo do dọna mẹhe to nukunvando e lọ dọ ni doalọte lo?

•  Eyin e jẹwhẹ na ogán wehọmẹ lọ tọn lo?

•  Be e gán hù awàkan na nukunvandomẹtọ lọ gbọn họntọnjiji hẹ ẹ kavi fànfún didọ dali ya?

 Vlavo nukunvandomẹ lọ yin nukun sọ nukun kavi Intẹnẹt ji tọn, ninọmẹ dopodopo nọ gbọnvo. Enẹwutu, wazọ́n dopọ hẹ ovi towe nado mọ pọngbọ dagbe de. Hẹn ẹn deji dọ emi na nọgodona ẹn nado pehẹ nuhahun ehe.

 Nunọwhinnusẹ́n Biblu tọn: “Họntọn nugbo nọ yiwannamẹ to whelẹponu, podọ nọvisunnu he go yè sọgan dejido to ojlẹ ayimajai tọn lẹ mẹ wẹ ewọ.”—Howhinwhẹn lẹ 17:17.