Homẹbibiọ Owe Biblu Tọn lẹ Tọn
Video kleunkleun ehelẹ bẹ nudọnamẹ họakuẹ lẹ hẹn gando ninọmẹ he mẹ owe Biblu tọn lẹ yin kinkan te po nuhe ji yé dọhodo lẹ po go. Yí video ehelẹ zan nado mọnukunnujẹ Biblu hihia po Biblu pinplọn towe po mẹ dogọ.
Homẹbibiọ Jenẹsisi Tọn
Owe Jenẹsisi tọn na mí nudọnamẹ titengbe lẹ gando lehe gbẹtọvi lẹ yin didá do gọna lehe awufiẹsa po okú po wá aimẹ do.
Homẹbibiọ Eksọdusi Tọn
Jiwheyẹwhe whlẹn Islaelivi lẹ sọn kanlinmọgbenu to Egipti bo hẹn yé zun akọta he yin kinklandowiwe de.
Homẹbibiọ Levitiku Tọn
Pọ́n lehe owe Levitiku tọn bayi zẹẹmẹ wiwe-yinyin Jiwheyẹwhe tọn do tọn gọna nuhewutu e do yin nujọnu taun dọ mílọsu ni yin wiwe.
Homẹbibiọ Sọha lẹ Tọn
Pọ́n lehe e yin nujọnu sọ dọ mí ni nọ setonuna Jehovah bo nọ na sisi mẹhe to anadenanu to ṣẹnṣẹn mítọn lẹ.
Homẹbibiọ Deutelonomi Tọn
Pọ́n lehe Osẹ́n he Jehovah na Islaelivi lẹ do obá he mẹ e yiwanna omẹ etọn lẹ jẹ do hia.
Homẹbibiọ Jọṣua Tọn
Pọ́n lehe Islaelivi lẹ yí aigba he Jiwheyẹwhe na yé do gọna lehe yé má ẹn do.
Homẹbibiọ Whẹdatọ lẹ Tọn
Yè do yinkọ whẹdatọ lẹ tọn na owe lọ, na e dọho gando whẹdatọ adọgbotọ he Jiwheyẹwhe yizan nado whlẹn Islaelivi lẹ sọn alọ kọgbidinamẹtọ yetọn lẹ tọn mẹ go.
Homẹbibiọ 1 Ahọlu lẹ Tọn
Pọ́n lehe akọta Islaeli tọn diyin bọ onú yọ́n na ẹn to whenue Ahọlu Sọlomọni to gandu do, gọna hunyanhunyan he wá aimẹ to ahọluduta Islaeli po Juda po tọn ṣẹnṣẹn.
Homẹbibiọ 2 Ahọlu lẹ Tọn
Pọ́n lehe atẹṣiṣi bẹpla Islaeli he yin ahọluduta agewaji tọn do, gọna lehe Jehovah dona omẹ ṣinṣinyan he yí ahun pipé de do sẹ̀n ẹn lẹ do.
Homẹbibiọ 1 Otànnugbo lẹ Tọn
Pọ́n kúnkan he mẹ Ahọlu Davidi wá sọn, gọna gbẹzan dagbedagbe he ahọlu Islaeli tọn he dibusi Jiwheyẹwhe ehe zan, sọn whenue e hẹ ofìn ji kakajẹ whenue e kú.
Homẹbibiọ 2 Otànnugbo lẹ Tọn
Pọ́n lehe otàn ahọlu Juda tọn lẹ tọn ehe dohia do dọ nujọnu wẹ e yin nado nọ yin nugbonọ na Jiwheyẹwhe.
Homẹbibiọ Ẹzla Tọn
Jehovah hẹn opagbe etọn di bo tún omẹ etọn lẹ dote sọn kanlinmọgbenu Babilọni tọn bosọ hẹn sinsẹ̀n-bibasi nugbo gọwá Jelusalẹm.
Homẹbibiọ Nẹhemia Tọn
Owe Nẹhemia tọn to Biblu mẹ bẹ nuplọnmẹ họakuẹ lẹ hẹn na sinsẹ̀n-basitọ nugbo lẹpo to egbehe.
Homẹbibiọ Ẹsteli Tọn
Nujijọ ayidego tọn he wá aimẹ to azán Ẹsteli tọn gbè lẹ na hẹn we kudeji dọ Jehovah Jiwheyẹwhe tindo nugopipe nado whlẹn omẹ etọn lẹ sọn whlepọn mẹ to egbehe.
Homẹbibiọ Jobu Tọn
Mẹhe yiwanna Jehovah lẹpo na pehẹ whlepọn. Kandai Jobu tọn hẹn mí deji dọ mí sọgan hẹn tenọgli mítọn go bo nọgodona nupojipetọ-yinyin Jehovah tọn.
Homẹbibiọ Salmu lẹ Tọn
Salmu lẹ nọgodona nupojipetọ-yinyin Jehovah tọn, bo dohia dọ Ewọ nọ gọalọ bo nọ miọnhomẹna mẹhe yiwanna ẹn lẹ, bosọ do lehe Ahọluduta etọn na diọ aihọn ehe do hia.
Homẹbibiọ Howhinwhẹn lẹ Tọn
Mọ anademẹ yí sọn Jiwheyẹwhe dè gando adà gbẹzan tọn lẹpo go, yèdọ sọn ajọwiwa ji kaka wá whẹndo ji
Homẹbibiọ Yẹwhehodọtọ Tọn
Ahọlu Sọlomọni zinnudo nuhe yin nujọnu to gbẹ̀mẹ lẹ ji bo yí yé jlẹdo nuhe jẹagọdo nuyọnẹn Jiwheyẹwhe tọn lẹ go
Homẹbibiọ Ohàn Sọlomọni Tọn
Owanyi nugbo he awhli Ṣulaminu lọ tindo na lẹngbọhọtọ lọ yin yiylọdọ “miyọn Jah tọn.” Etẹwutu?
Homẹbibiọ Isaia Tọn
Dọdai he owe Isaia tọn bẹhẹn lẹ yin nugbo bo sọgan hẹn jidide towe lodo to Jehovah mẹ taidi Mẹhe nọ hẹn opagbe lẹ di podọ taidi Jiwheyẹwhe whlẹngántọ mítọn.
Homẹbibiọ Jelemia Tọn
Jelemia yí nugbonọ-yinyin do tẹdo azọ́ndenamẹ etọn go taidi yẹwhegán mahopọnna nuhahun lẹ. Lẹnnupọndo nuhe apajlẹ etọn plọn Klistiani lẹ to egbehe ji.
Homẹbibiọ Avigbè Jelemia Tọn
Avigbè Jelemia tọn he yẹwhegán Jelemia kàn do aluẹmẹninọ do vasudo Jelusalẹm tọn ji hia bo do lehe lẹnvọjọ dekọtọn do lẹblanu Jiwheyẹwhe tọn mẹ do hia.
Homẹbibiọ Ezekiẹli Tọn
Ezekiẹli yí whiwhẹ po adọgbigbo po do hẹn azọ́ndenamẹ he Jiwheyẹwhe dena ẹn lẹpo di, mahopọnna lehe yé vẹawu sọ. Apajlẹ etọn họakuẹ na mí taun to egbehe.
Homẹbibiọ Daniẹli Tọn
Daniẹli po hagbẹ etọn lẹ po yin nugbonọ na Jehovah to ninọmẹ lẹpo mẹ. Apajlẹ yetọn po hẹndi dọdai lọ tọn po sọgan hẹn ale wá na mí todin to ojlẹ opodo tọn lọ mẹ.
Homẹbibiọ Hosea Tọn
Dọdai Hosea tọn bẹ nuplọnmẹ titengbe lẹ hẹn na mí to egbé gando lehe Jehovah nọ do lẹblanu hia ylanwatọ he lẹnvọjọ lẹ do po sinsẹ̀n-bibasi wunmẹ he e nọ kẹalọyi po go.
Homẹbibiọ Joẹli Tọn
Joẹli dọ dọdai gando “azán Jehovah tọn” he to dindọnsẹpọ lọ go bo do lehe yè sọgan luntọ́n do hia. Dọdai etọn do niyaniya-yinyin ojlẹ mítọn tọn hia.
Homẹbibiọ Amọsi Tọn
Jehovah yí dawe whiwhẹnọ ehe zan na azọ́n titengbe de. Onú titengbe tẹlẹ wẹ mí sọgan plọn sọn apajlẹ Amọsi tọn mẹ?
Homẹbibiọ Obadia Tọn
E yin owe he whègli hugan to Owe-wiwe Heblu tọn lẹ mẹ. Dọdai lọ namẹ todido bo dopagbe dọ Jehovah na yin whẹsuna di ahọlu.
Homẹbibiọ Jona Tọn
Yẹwhegán lọ kẹalọyi wọhẹ, hẹn azọ́ndenamẹ etọn di, bọ Jiwheyẹwhe plọn ẹn onú titengbe de gando owanyi nugbo po lẹblanu po go. A sọgan plọnnu sọn numimọ etọn lẹ mẹ.
Homẹbibiọ Mika Tọn
Dọdai he yin gbigbọdo gbọn Jiwheyẹwhe dali ehe sọgan hẹn jidide mítọn lodo dọ nuhe sọgbe hẹ lẹnpọn dagbe bo sọgan hẹn ale wá na mí lẹ kẹdẹ wẹ Jehovah nọ biọ to mí si.
Homẹbibiọ Nahumi Tọn
Dọdai lọ hẹn mí deji dọ Jehovah nọ hẹn ohó etọn di to whepoponu bosọ nọ miọnhomẹna mẹhe to jijọho po whlẹngán po dín to Ahọluduta etọn glọ lẹpo.
Homẹbibiọ Habakuku Tọn
Mí sọgan deji dọ Jehovah nọ yọ́n ojlẹ he sọgbe nado whlẹn omẹ etọn lẹ podọ lehe e na wàmọ do to whelẹponu.
Homẹbibiọ Zefania Tọn
Naegbọn mí dona to aṣeji ma nado lẹndọ azán whẹdida tọn Jehovah tọn ma na wá?
Homẹbibiọ Hagai Tọn
Dọdai lọ dohia dọ nujọnu wẹ e yin nado nọ ze sinsẹ̀n-bibasi hlan Jiwheyẹwhe do otẹn tintan mẹ kakati nido yin ojlo mẹdetiti tọn lẹ.
Homẹbibiọ Zekalia Tọn
Numimọ po dọdai gbọdo susu lẹ po hẹn omẹ Jiwheyẹwhe tọn lẹ lodo to hohowhenu. Dọdai dopolọ lẹ gbẹ́ to jide na mí dọ Jehovah to godona mí to egbé.
Homẹbibiọ Malaki Tọn
Owe ehe yin dọdai de he dohia dọ nunọwhinnusẹ́n, lẹblanu po owanyi Jehovah tọn po ma nọ diọ. Dọdai lọ sọ bẹ ayinamẹ titengbe lẹ hẹn gando ninọmẹ he mí nọ pehẹ to egbehe lẹ go.
Homẹbibiọ Matiu Tọn
Mọ nudọnamẹ tangan delẹ gando owe Biblu tọn ehe go, enẹ wẹ owe tintan to owe Wẹndagbe tọn ẹnẹ lẹ mẹ.
Homẹbibiọ Malku Tọn
Kandai Malku tọn he yin owe Wẹndagbe tọn he whè hugan lọ do nuhe na jọ to whenue Jesu na lẹzun Ahọlu Ahọluduta Jiwheyẹwhe tọn hia to kleun mẹ.
Homẹbibiọ Luku Tọn
Nudọnamẹ vonọtaun tẹlẹ wẹ Wẹndagbe Luku tọn bẹhẹn?
Homẹbibiọ Johanu Tọn
Kandai Johanu tọn zinnudo owanyi Jesu tọn na gbẹtọvi lẹ ji, apajlẹ whiwhẹ etọn tọn, podọ kunnudenu lẹ he do e hia di Mẹsia—yèdọ Ahọlu sọgodo tọn na Ahọluduta Jiwheyẹwhe tọn.
Homẹbibiọ Owalọ Apọsteli lẹ Tọn
Klistiani dowhenu tọn lẹ wazọ́n sinsinyẹn nado hẹn gbẹtọ lẹ sọn akọta lẹpo mẹ zun devi. Owe Owalọ lẹ tọn he to Biblu mẹ gán yidogọna zohunhun towe to lizọnyizọn lọ mẹ.
Homẹbibiọ Lomunu lẹ Tọn
Anademẹ gbọdo lẹ he dohia dọ Jehovah ma nọ homẹnukuntapọn bosọ do lehe yise to Jesu Klisti mẹ yin nujọnu sọ hia.
Homẹbibiọ 1 Kọlintinu lẹ Tọn
Wekanhlanmẹ Paulu tọn bẹ ayinamẹ gbọdo lẹ hẹn gando pọninọ, walọ dagbe, owanyi po yise to fọnsọnku mẹ po go.
Homẹbibiọ 2 Kọlintinu lẹ Tọn
Jehovah, “Jiwheyẹwhe homẹmimiọn lẹpo tọn,” nọ hẹn devizọnwatọ etọn lẹ lodo bo nọ gọalọna yé.
Homẹbibiọ Galatianu lẹ Tọn
Wekanhlanmẹ Paulu tọn hlan Galatianu lẹ yọ́n-na-yizan na mí to egbé taidi whenue e yin kinkan. E gán gọalọna Klistiani nugbo lẹpo nado hẹn nugbonọ-yinyin go.
Homẹbibiọ Efesunu lẹ Tọn
Wekanhlanmẹ gbọdo ehe zinnudo lẹndai Jiwheyẹwhe tọn ji nado hẹn jijọho po pọninọ po wá gbọn Jesu Klisti gblamẹ.
Homẹbibiọ Owe Filipinu lẹ Tọn
Eyin mí doakọnnanu to homẹkẹn glọ, mí gán na tuli mẹdevo lẹ nado hẹn tenọgligo.
Homẹbibiọ Kolosinu lẹ Tọn
Mí gán hẹn homẹ Jehovah tọn hùn, eyin mí nọ yí nuhe mí plọn lẹ do yizan mẹ, nọ jona ode awetọ, bo kẹalọyi otẹn po aṣẹpipa Jesu tọn po.
Homẹbibiọ 1 Tẹsalonikanu lẹ Tọn
Mí dona nọ nọ̀ nukle to gbigbọ-liho, “nọ dindona nulẹpo,” “nọ hodẹ̀ to whepoponu,” bo nọ na tuli ode awetọ.
Homẹbibiọ 2 Tẹsalonikanu lẹ Tọn
Paulu jla pọndohlan mẹmẹsunnu he to finẹ lẹ tọn he ma sọgbe do gando wiwá azán Jehovah tọn go bo na yé tuli nado nọte gligli to yise mẹ.
Homẹbibiọ 1 Timoti Tọn
Paulu kàn owe 1 Timoti tọn nado basi zẹẹmẹ lehe nulẹ dona nọ yì do to titobasinanu lọ mẹ tọn podọ nado na avase sọta nuplọnmẹ lalo lẹ gọna wanyina akuẹ.
Homẹbibiọ 2 Timoti Tọn
Paulu na tuli Timoti nado nọ hẹn lizọnyizọn etọn di to gigọ́ mẹ.
Homẹbibiọ Titu Tọn
Paulu kanwehlan Titu nado dọhodo nuhahun susu he to agun Klete tọn lẹ mẹ ji bo slẹ nubiọtomẹsi lẹ nado yin mẹho agun tọn.
Homẹbibiọ Filemọni Tọn
Dile etlẹ yindọ wekanhlanmẹ ehe ma dite, e dohuhlọn taun bo bẹ nuplọnmẹ yọ́n-na-yizan lẹ hẹn gando whiwhẹ, homẹdagbe po jonamẹ po go.
Homẹbibiọ Heblu lẹ Tọn
Nuhe ji sinsẹ̀n Klistiani tọn sinai do yiaga taun hú tẹmpli po avọ́sinsan kanlin tọn yinukundomọ lẹ po.
Homẹbibiọ Jakọbu Tọn
Jakọbu yí apajlẹ he họnwun lẹ zan nado plọnmẹ nunọwhinnusẹ́n Klistiani tọn titengbe delẹ.
Homẹbibiọ 1 Pita Tọn
Wekanhlanmẹ Pita tintan tọn dotuhomẹna mí nado yin zohunhunnọ bo bẹ magbọjẹ mítọn lẹpo dlan Jiwheyẹwhe ji.
Homẹbibiọ 2 Pita Tọn
Wekanhlanmẹ awetọ Pita tọn na mí tuli nado yin nugbonọ dile mí to tenọpọn olọn yọyọ lẹ po aigba yọyọ de po.
Homẹbibiọ 1 Johanu Tọn
Wekanhlanmẹ Johanu tọn na mí avase sọta agọjẹdoklistitọ lọ bo gọalọna mí nado yọ́n nuhe mí dona yiwanna po nuhe mí ma dona yiwanna lẹ po.
Homẹbibiọ 2 Johanu Tọn
Johanu awetọ flinnu mí nado nọ zinzọnlin to nugbo mẹ bo nọavùnte sọta mẹklọtọ lẹ.
Homẹbibiọ 3 Johanu Tọn
Wekanhlanmẹ atọ̀ntọ Johanu tọn plọnmẹ onú titengbe de gando johẹmẹ Klistiani tọn go.
Homẹbibiọ Juda Tọn
Juda de aliho ylankan mẹhe nọ klọ mẹmẹsunnu yetọn lẹ bo nọ hẹn yé flu lẹ tọn gbà.
Homẹbibiọ Osọhia Tọn
Numimọ he whànmẹ taun to owe Osọhia tọn mẹ lẹ do lehe Ahọluduta Jiwheyẹwhe tọn na hẹn ojlo etọn di gando gbẹtọvi lẹ po aigba po go do hia.
A Gán Sọ Pọ́n Hosọ Ehelẹ
OWE LẸ PO ALỌNUWE LẸ PO