Etẹwẹ Yin Linlẹn Towe Gando Sọgodo Go?
Be aihọn ehe . . .
-
ma na diọ wẹ ya?
-
na ylan dogọ wẹ ya?
-
kavi e na pọnte dogọ?
NUHE BIBLU DỌ
“Jiwheyẹwhe . . . nasọ súnsún dasin lẹpo sẹ̀ sọn nukun yetọn mẹ, okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba. Onú hoho lẹ ko juwayi.”—Osọhia 21:3, 4, Lẹdogbedevomẹ Aihọn Yọyọ Tọn.
ALE HE ENẸ SỌGAN HẸNWA NA WE
Hiẹ na tindo azọ́n dagbe he na hẹn pekọ wá na we.—Isaia 65:21-23.
Azọ̀n kavi yajiji depope ma na tin ba.—Isaia 25:8; 33:24.
Hiẹ na duvivi gbẹzan ayajẹ tọn hẹ whẹndo towe po họntọn lẹ po kakadoi.—Psalm 37:11, 29.
BE MÍ SỌGAN YÍ NUHE BIBLU DỌ SÈ NUGBONUGBO YA?
Mọwẹ, e whè gbau na whẹwhinwhẹ́n awe ehelẹ wutu:
-
Jiwheyẹwhe penugo nado hẹn opagbe enẹ di. To Biblu mẹ, Jehovah Jiwheyẹwhe kẹdẹ wẹ yin yiylọdọ “Ganhunupotọ,” na huhlọn etọn madodogbó wutu. (Osọhia 15:3) Enẹwutu, ewọ penugo nado hẹn aihọn ehe pọnte, dile e ko dopagbe etọn do. Biblu dọ dọ “onú lẹpo wẹ yọnbasi na Jiwheyẹwhe.”—Matiu 19:26.
-
Jiwheyẹwhe tindo ojlo nado hẹn opagbe enẹ di. Di apajlẹ, Jehovah tindo “ojlo” vẹkuvẹku nado hẹn mẹhe ko kú lẹ gọwá ogbẹ̀.—Job 14:14, 15.
Biblu sọ dohia dọ Visunnu Jiwheyẹwhe tọn, yèdọ Jesu, hẹnazọ̀ngbọnamẹ. Naegbọn e do wàmọ? Na e tindo ojlo wutu wẹ. (Malku 1:40, 41) Kẹdẹdi Otọ́ etọn, Jesu tindo ojlo nado gọalọna mẹhe tin to nuhudo mẹ lẹ.—Johanu 14:9.
Enẹwutu, mí sọgan deji dọ Jehovah po Jesu po tindo ojlo nado gọalọna mí, na mí nido duvivi sọgodo ayajẹnọ de tọn!—Psalm 72:12-14; 145:16; 2 Pita 3:9.
DINDONANU
Etẹwẹ Jiwheyẹwhe na wà nado hẹn aihọn ehe pọnte dogọ?
Biblu na gblọndo kanbiọ ehe tọn to MATIU 6:9, 10 po DANIẸLI 2:44 po mẹ.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Nugbo lọ Gando Sọgodo Go
Hẹn todido towe to nuhe Jiwheyẹwhe dọ gando sọgodo aigba tọn po mẹhe na nọ e ji lẹ po go mẹ lodo.
HOSỌ DEVO LẸ
Todido Tin Dọ Osọ Na Yọ́n
Naegbọn opagbe he to Biblu mẹ lẹ gbọnvo taun na opà he gbẹtọvi lẹ nọ do gọna nue yé nọ dọ dọ e na wá jọ lẹ?
NUPLỌNMẸ TANGAN BIBLU TỌN LẸ
Etẹwẹ Ahọluduta Jiwheyẹwhe Tọn Yin?
Ahọluduta Jiwheyẹwhe tọn ji wẹ Jesu dọhodo hugan to lizọnyizọn etọn whenu. Na owhe susu lẹ, hodotọ etọn lẹ nọ hodẹ̀ dọ Ahọluduta enẹ ni wá.
ATỌ̀HỌ̀-NUHIHỌ́ LỌ TỌN
Dagbe Tẹwẹ Ahọluduta Jiwheyẹwhe Tọn Na Wà?
Jesu yọnẹn dọ Ahọluduta Jiwheyẹwhe tọn kẹdẹ wẹ gán didẹ nuhahun gbẹtọvi lẹ tọn. Etẹwẹ Ahọluduta lọ ko wà nado hẹn mí deji dọ e na jla nulẹ do?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
