Etẹwẹ Biblu Plọn Mí?
Be Biblu sọgan gọalọna we nado duto magbọjẹ ji ya?
Etẹ mì na dọ?
Mọwẹ
Lala
N’ma yọnẹn
Nuhe Biblu dọ
‘Mì bẹ magbọjẹ mìtọn lẹpo dlan Jiwheyẹwhe ji, na e to mìtọn hòpọn wutu.’ (1 Pita 5:7) Biblu namẹ jide dọ Jiwheyẹwhe sọgan gọalọna we nado vò sọn magbọjẹ towe lẹ si.
Nudevo tẹwẹ mí sọgan plọn sọn Biblu mẹ?
Eyin a nọ hodẹ̀, a sọgan mọ “jijọho Jiwheyẹwhe tọn” yí, ehe na de magbọjẹ towe lẹ pò.—Filipinu lẹ 4:6, 7.
Humọ, Ohó Jiwheyẹwhe tọn hihia sọgan gọalọna we nado duto flumẹjijẹ ji.—Matiu 11:28-30.
Be magbọjẹ na wá busẹ gbede ya?
Mẹdelẹ yise . . . dọ jọwamọnu wẹ magbọjẹ po flumẹjijẹ po yin, podọ mẹdevo lẹ yise dọ okú godo janwẹ mí sọgan vò sọn magbọjẹ si. Etẹ mì lẹn?
Nuhe Biblu dọ
Jiwheyẹwhe na de nuhe nọ hẹn magbọjẹ wá lẹ sẹ̀. “Okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba.”—Osọhia 21:4.
Nudevo tẹwẹ mí sọgan plọn sọn Biblu mẹ?
To Ahọluduta Jiwheyẹwhe tọn glọ, gbẹtọ lẹ na nọgbẹ̀ to jijọho mẹ bo na vò.—Isaia 32:18.
Mí ma na flin magbọjẹ po flumẹjijẹ he ma yin dandan tọn lẹ po.—Isaia 65:17.
A Gán Sọ Pọ́n Hosọ Ehelẹ
HOSỌ DEVO LẸ
Nuhe Nọ Do Lẹnpọn Na Sunnu lẹ—Lehe Biblu Gán Gọalọ Do
Nuhiha yin nuhahun he fọ́n bo to agayi to ojlẹ awusinyẹn tọn he vẹawu nado pehẹ ehelẹ mẹ. Eyin nude to lẹnpọn do na we, be Biblu gán gọalọna we ya?
OWE WIWE LẸ—LẸDOGBEDEVOMẸ AIHỌN YỌYỌ TỌN
Nawẹ Hiẹ Sọgan Duto Magbọjẹ ji Gbọn?
Eyin apọṣimẹ wá sù, Biblu sọgan gọalọ.
