Biblu bẹ nuyọnẹn dagbe hugan lẹ hẹn gando gbẹninọ go. Eyin a nọ hia ẹ bo nọ lẹnayihamẹpọn deji whẹwhẹ, bosọ nọ yí nuhe a plọn lẹ do yizan mẹ, “hiẹ na yin kọdetọn dagbenọ to gbẹzan towe mẹ.” (Jọṣua 1:8; Salmu lẹ 1:1-3) A nasọ wá yọ́n Jiwheyẹwhe po Visunnu etọn Jesu po, podọ oyọnẹn enẹ gán dekọtọn do whlẹngán mẹ na we.—Johanu 17:3.

Tito tẹwẹ a gán hodo nado hia owe Biblu tọn lẹ? A vò nado de dehe jlo we. Tito Biblu hihia tọn ehe na gọalọna we nado hia owe Biblu tọn lẹ dile yé sọawuhia debọdo-dego do, kavi sọgbe hẹ hosọ he e bẹhẹn lẹ. Di apajlẹ, a gán de adà delẹ bo hia nado mọ aliho he mẹ Jiwheyẹwhe yinuwa hẹ Islaeli hohowhenu tọn te. A gán sọ hia adà devo lẹ nado mọ lehe agun Klistiani owhe kanweko tintan whenu tọn bẹjẹeji bo wá jideji do. Eyin a nọ hia weta he yin dide lọ lẹ egbesọegbesọ, a na hia Biblu blebu to owhe dopo gblamẹ.

Vlavo a to tito Biblu hihia egbesọegbesọ tọn de dín, kavi tito Biblu hihia to owhe dopo gblamẹ tọn, kavi tito Biblu hihia tọn na mẹhe ṣẹṣẹ bẹjẹeji, tito Biblu hihia tọn ehe na gọalọna we. Zín tito Biblu hihia tọn ehe tọ́n bo bẹjẹeji to egbé.