“Fɔnsɔnku . . . ɖé ná tíin.”—Owalɔ lɛ 24:15, Lɛdogbeɖevomɛ Ayihɔ́n Yɔ́yɔ́ Tɔn.

É ná miɔnxomɛna we to hwenue mɛyiwǎnna towe ɖé kú.—2 Kɔlintinu lɛ 1:3, 4.

É ná hɛn we vò sɔ́n obu okú tɔn si.—Heblu lɛ 2:15.

É ná hɛn we tindó toɖiɖo nǔjɔnǔ tɔn nadó gɔ̀ mɛyiwǎnna towe xe ko kú lɛ mɔ.—Johanu 5:28, 29.

Mɔ̌wɛ, é hwè gbau ná hwɛhwinhwɛ́n atɔ̀n exelɛ wutu:

• Jixwéyɛxwe wɛ Dowatɔ́ ogbɛ̀ tɔn. Biblu ɖɔ ɖɔ Jehovah Jixwéyɛxwe wɛ “asisa ogbɛ̀ tɔn.” (Salmu lɛ 36:9; Owalɔ lɛ 17:24, 25) Ewɔ wɛ nagbɛ̀ nudida lɛkpó, kpóɖɔ é hɔnwun ɖɔ é kpénǔgo nadó hɛn mɛxe ko kú ɖé gɔwá ogbɛ̀.

• Jixwéyɛxwe ko fɔ́n mɛɖélɛ sɔnku wayi. Biblu ɖɔxó gandó fɔnsɔnku omɛ cyanatɔ̀n ɖélɛ tɔn go—yèɖɔ yɔkpɔvu kpó mɛxo kpó, sunnu kpó yɔnnu kpó—xe nyí hinhɛn gɔwá ogbɛ̀ to ayigba jí. Ðélɛ to yé mɛ nyí finfɔn to ojlɛ̌ kleun ɖé godo, cigbǎ mɛɖokpo ko nɔ yɔdò mɛ ná azán ɛnɛ! —Johanu 11:39-44.

• Jixwéyɛxwe tíin to jejeji nadó wàmɔ hwlaɖokpo dógɔ́. Jehovah gbɛwǎnna okú; é nɔ kpɔ́n ɛn hlán ɖi kɛntɔ́. (1 Kɔlintinu lɛ 15:26) Ewɔ tindó ojlǒ vɛ́kúvɛ́kú nadó gbahwàn kɛntɔ́ enɛ tɔn bo ɖé okú sɛ̀ gbɔn fɔnsɔnku dali. Ojlǒ etɔn wɛ nadó hɛn mɛxe tíin to oflin etɔn mɛ lɛ gɔwá ogbɛ̀ bo mɔ yé to ayigba jí hwlaɖokpo dógɔ́. —Jobu 14:14, 15.