Aayi. Baabule la pa’alɛ ti la nari ti to dɔla Yezu yu’urɛ poan zusa Naayinɛ ma’a. Yezu yuun yele a podɔleba la yeti: “Ya wan zusa se’em n wana: To Sɔ n boi saazuo sa, basɛ ti ho yu’urɛ ana zilam.” (Matu 6:9, New American Bible) Yezu yuun ka makɛ pa’alɛ a podɔleba la ti ba zusa saints, malesi bii nɛresɛka me san daɣena Naayinɛ.

 Yezu yuun yele a podɔleba la yeti: “Mam n de sore la yelemɛŋɛrɛ la vom la. Nɛra kan ta’an paɛ Sɔ la, a san ka doose mam poan.” (Yon 14:6, NAB) Yezu ma’a n tari paŋa ti a belum Naayinɛ bo to.​—Hebru 7:25.

Ge n san zusa saints ge me le zusa Naayinɛ fa?

 Nɔya Pia la poan, Naayinɛ yuun yeti: “Mam, DAANA la n de ya Yinɛ la dela nyuure Naayinɛ.” (Yɛhega 20:5, NAB) Sore dene poan ti Naayinɛ dɛna “nyuure”? New American Bible tiŋanɔɔrɛ yelesum la yeti Naayinɛ “boti la to pu’usa eŋa ma’a.” Naayinɛ boti la to pu’usa ge zusa eŋa ma’a.​—Isaiah 48:11.

 To san zusa saints, malesi bii nɛresɛka woo Naayinɛ sunsɔa wan nyie mɛ. Tuuntuna Yon n yuun boti a na’asɛ maleka ayima la, maleka la yuun gu en mɛ ge yeti: “Da eŋɛ bala! Mam me laɣum dɛna la yameŋa wuu hon la ho mabiisi la n diti sɛɛra bɔ’ɔra Yezu la. Pu’usa Naayinɛ.”​—Liligere 19:10, NAB.