“Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ.” (Apocalipsis 21:4, Tumpa Iñee).

Ndepɨagüiveta reikuaa yave mbaetɨko yandeRu ombou ndeve mbaemboavai reta (Santiago 1: 13).

Ndembopɨakatuta reecha yave yandeRu ipɨatɨtɨ yande yaiporara ramo (Zacarías 2:8).

Renoita moroäro ɨmambaema ngaraa ye kia oiporara (Salmo 37:9-11).

Kuaepe yaechata mokoï mbaere:

• YandeRu omotareɨ mbaeporara jare jupimbae. ¿Këraipa oñemosiente Jehová oecha arakae yave oyererekoasɨ katu ipueblo pe? YandeRu Iñee pe jei jasɨ ipɨa pe oecha yave “jovaicho reta oiporarauka chupe vae jare ombopɨatɨtɨ vae” (Jueces 2:18).

  YandeRu güɨröɨro jókuae reta omborekoasɨ japicha reta pe. Echa yandeRu iñee pe jei pɨchɨi yae ete jesa rovai “jekombae oyukaiño vae” (Proverbios 6:16, 17).

• YandeRu oñemoambeko yanderéño. Yepeteï ndepuere remopiensa ndeiño reikuaa ndembɨatɨtɨ jare nde “susere jasɨ katu”, Jehová oikuaakovi ndepɨa jare ndeyemongeta reta (2 Crónicas 6:29, 30).

  Igobierno rupi yandeRu omokañɨta opaete mbaeporara (Mateo 6:9, 10). Añave ombopɨakatu mboraɨu reve opaete añete oeka oï chupe vae reta (Hechos 17:27; 2 Corintios 1:3, 4).