“Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.” (Apocalipsis 21:4, Tumpa Iñee).

Renoita mbaravɨkɨ ikavi vae jare ndemboyerovia vae (Isaías 65:21-23).

Mbaetɨtama ndembaerasɨ ani reiporara (Isaías 25:8; 33:24).

Reiko aveita yerovia reve nderëtara jare vɨa-irü reta ndive (Salmo 37:11, 29).

Kuaepe yaechata mokoï mbaere:

• YandeYa güɨnoi mbaepuere ombopo vaerä oñererökuavee vae. Biblia pe, Jehováño oyeenɨi “Imbaepuere yae ete vae”, güɨnoi mbaepuere iyapɨmbae vae ramo (Apocalipsis 15:3). Jaeramo jae oyapotako jeima vae, ombokaviyeta kuae mundo. Jökorai jei Biblia, “Tumpa pe yavaiä etei ko” (Mateo 19:26).

• YandeYa oipota yae oyapo oñererökuavee vae. Jehová oipota yaema omoingoveye omano vae reta (Job 14:14, 15).

  Biblia pe jei vi Jesús, yandeYa raɨ, omonguera imbaerasɨ vae. ¿Maerapa oyapo jókuae? Oipota yae ramo (Marcos 1:40, 41). Tu rami, Jesús oipota yae ete oporomborɨ (Juan 5:19).

  Jaeramo yandepuere yarovia katu Jehová jare Jesús oyapota oata vae yandepuere vaerä yaiko yerovia reve ɨvɨpe (Salmo 72:12-14; 145:16; 2 Pedro 3:9).