YEMBOE 03
¿Yandepuere pa yarovia Biblia pe yamongeta vae re?
Biblia pe yamongeta jeta promesa jare yemboarakuaa ikavi vae. Ërei jeta kia reta güɨroviaä jese, ¿nde pa no? ¿Yandepuere ra yarovia Biblia ipromesa reta yepe tëi arakaete ma oyekuatía? ¿Añete ra yarovia Biblia jei yave yandepuereta yaiko yerovia reve añave jare kuri? Romokɨ̈reɨ reeka vaerä respuesta reta kuae regua Biblia pe.
1. ¿Añetete pa oasa Biblia pe oyekuatía oï vae?
Biblia pe ñaväe ñee reta “añetete vae” (Eclesiastés 12:10). Imiari mbaembae añete oasa vae jare kia reta añete oiko vae re (pemongeta Lucas 1:3; 3:1, 2). Biblia omombeu yave mbae oasa vae, omoësaka kavi mbae pa oasa, kia pa oyapo, kërai yave pa oasa jare kia pe pa oasa.
2. ¿Maera pa yarovia Biblia jei vae yepe tëi arakaete ma oyekuatía?
Arakae güive ma Biblia omoësaka kavi mbaembae kia reta ndeiño oikuaa vae. Omoësaka kërai oï yande ɨvɨ jare imiari ciencia re. Jókuae ara reta kia reta ambueye omopiensa kuae regua, estudio añave rupi oechauka Biblia jei vae añetete ko. Opaete Tumpa Iñee “añetete vae katuai ko, (...) jare opambae ko” (Salmo 119:160).
3. ¿Maera pa yarovia katu Biblia pe oyekuatía oï vae oasata kuri vae re?
Biblia güɨnoi profecía reta a omoërakua “mbaembae oasata vae” (Isaías 46:10). Omombeu mbaembae jeta tiempo ndei oasa mbove vae jare omombeu kërai kia reta oiko añave. Kuae yemboe pe yayemboeta amogüe profecía reta Biblia pe oï vae jare yaechata mbaetɨ etei oyavɨ.
YAIKUAA KATU VAERÄ
Añave yayemboeta científico reta oyemboe yave ɨvɨ re oikuaa añete ko Biblia pe oyekuatía oï vae jare yayemboeta vi amogüe profecía reta re.
4. Biblia jei vae oyovake ciencia jei vae ndive
Arakae yave kia reta güɨrovia ɨvɨ oyeko mbae re. Pemae VIDEO re.
3.500 año oasa ma Biblia pe oyekuatía oï vae. Pemongeta Job 26:7 jare peyemongeta jese:
-
¿Maera pa yandembopɨakañɨ Biblia pe oyekuatía oï vae ɨvɨ oï “ipombaea re”?
Arakaete Biblia jei ma kërai okɨ yave, ɨ jakuvo güi ojo ye amapɨtu re. Jare jökorai ojo okɨ yé ɨvɨ re, ërei kia reta 200 año ramo oikuaa. Pemongeta Job 36:27, 28 jare peyemongeta jese:
-
¿Kërai pa ndembopɨakañɨ Biblia jei vae ɨ regua?
-
Remongeta yave kuae texto, ¿má rerovia pa Biblia jei vae re?
5. Biblia omombeu ndei mbae oasa mbove
Pemongeta Isaías 44:27–45:2, pemae VIDEO re jare peyemongeta jese:
-
¿Mbae pa omombeu Biblia Babilonia regua 200 año ndei oasa mbove?
Añave yaikuaa año 539 a.C. b metei mburuvicha Ciro jee vae jare isundaro reta oporepeña Babilonia re, oyoo reta ɨvɨ ombopia vaerä ɨ̈aka tɨpa vaerä jare öke reta oipea oeya reta, jökorai yavaimbae oike reta opïro vaerä. Añave 2.500 año oasa ma jókuae jare Babilonia jendagüeño opɨta. Emae añave Biblia omombeu vae.
Pemongeta Isaías 13:19, 20 jare peyemongeta jese:
-
¿Kërai pa oyembocumple kuae profecía?
Babilonia jendagüe Irak pe
6. Biblia omombeu mbae añave rupi oasa oï vae
Biblia pe jei yaiko ma ara iyapɨ reta pe (2 Timoteo 3:1). Emae Biblia omombeu añave rupi oasata vae.
Pemongeta Mateo 24:6, 7 jare peyemongeta jese:
-
¿Mbae pa omombeu Biblia oasata ara iyapɨ reta pe?
Pemongeta 2 Timoteo 3:1-5, jare peyemongeta jese:
-
¿Mbae pa omombeu Biblia kia reta jeko re ara iyapɨ pe?
-
Oyemongeta rami Biblia pe, ¿mbae nunga teko reta pa nde reecha añave?
AMOGÜE RETA JEI VAE: “Biblia oyepoepɨ”.
-
Añave yayemboe vae güi, ¿mbae nunga pruebas ndemborɨ rerovia katu vaerä Biblia re?
YAYEMBOE MA VAE
Biblia omboe vae ɨvɨ re, iprofecía reta jare oasa vae arakae yave oechauka añetete ko yandepuere yarovia jese.
Emoësaka
-
¿Añetete pa oasa Biblia omombeu vae?
-
Científico reta oikuaa vae ɨvɨ re, ¿oyovake ra Biblia ndive?
-
¿Omombeu pa Biblia oasata kuri vae? ¿Maera pa reyemongeta jökorai?
EEKA KUAE
Desde el punto de vista científico, ¿es exacta la Biblia?
“¿Concuerda la Biblia con lo que ha descubierto la ciencia?” (Artículo de jw.org)
¿Qué demuestra que estamos en “los últimos días”?
“Seis profecías bíblicas en pleno cumplimiento” (La Atalaya, 1 de mayo de 2011)
Descubra cómo se cumplieron las profecías bíblicas sobre el Imperio griego.
Vea cómo las profecías bíblicas hicieron que un hombre cambiara su opinión sobre la Biblia.
