Ore testígo de Jehová ningo romombeʼuseterei voi umi héntepe umi mbaʼe oĩva la Bíbliape, ha oiméramo peteĩ persóna heʼi oréve nointeresaiha chupe, ore lomímonte roñehaʼã ropredika chupe. ¿Mbaʼérepa? Pórke rohayhueterei Ñandejárape ha ore rapichakuérape (Mateo 22:37-39). Rohayhu rupi Ñandejárape, rokumpli pe mandáto heʼíva tekotevẽha ropredika umi héntepe hekoitépe (Hechos 10:42; 1 Juan 5:3). Upévare, ojapo haguéicha umi proféta yma guare, ore rosegi rogueraha umi héntepe pe mensáhe oĩva la Bíbliape (Jeremías 25:4). Primerorã peteĩ persóna ikatu hína nohenduséi pe mensáhe rogueraháva, péro rohayhu rupi ore rapichakuérape, rosegi romombeʼu chupekuéra pe notísia porã oñeʼẽva Ñandejára Rréinore, pórke upéva ikatu hína osalva chupekuéra (Mateo 24:14).

 Avei rosegi rog̃uahẽ hogapekuéra koʼã mbaʼére:

•   Ikatu peteĩ hogayguápe ointeresa pe mensáhe.

•   Ikatu ova raʼe pe ogajára ha ótroma la oikóva upépe.

•   Okambia pe ogajára opensa lája. Umi mbaʼe oikóva ko múndope térã umi situasión ijetuʼúva ohasáva upe persóna, ikatu oipytyvõ hína chupe ohechakuaa hag̃ua “oikotevẽha Ñandejárare”, ha péicha oñeinteresa la Biblia heʼívare (Mateo 5:3). Umi oñemoĩ mbaretevéva jepe ikatu ou okambia opensa lája, oiko haguéicha apóstol Páblore (1 Timoteo 1:13).

 Upéicharamo jepe, ore ndoroovligái avavépe orerendu hag̃ua (1 Pedro 3:15). Ore ropensa káda uno odesidi vaʼerãha mbaʼe rrelihiónpepa ohose (Deuteronomio 30:19, 20).