Pe Kuérpo Governánte ningo peteĩ grúpo oĩháme unos kuánto kristiáno oguerekómava heta experiénsia. Haʼekuéra omoakã pe traváho ojapóva umi testígo de Jehová oparupiete ko múndope. Pe Kuérpo Governánte ojapo koʼã mokõi mbaʼe:

•   Oñenkarga ojeprepara hag̃ua umi informasión osẽtava umi rrevísta ha livrokuérape, ha avei umi mbaʼe oñeanalisátava umi rreunión ha eskuéla ojapóvape umi testígo de Jehová (Lucas 12:42).

•   Oorganisa pe predikasión ha ohecha mbaʼe mbaʼépepa ojepuru hína umi donasión ojejapóva.

 Pe Kuérpo Governánte osegi pe ehémplo ohejáva “umi apóstol ha ansianokuéra” oĩ vaʼekue yma Jerusalénpe oñepyrũrõ guare pe kongregasión kristiána. Haʼekuéra oñembyatými vaʼekue odesidi hag̃ua umi mbaʼe iñimportantevéva oafektátava umi kongregasiónpe (Hechos 15:2). ¿Ikatúpa jaʼe upéicharõ umi oĩva pe Kuérpo Governántepe omandaha umi testígo de Jehováre? Nahániri, haʼekuéra orrekonose Jesús haʼeha hína pe omoakãva pe kongregasión, ha odesidi mboyve oimeraẽ mbaʼe ohecha raẽ mbaʼépa heʼi la Biblia (1 Corintios 11:3; Efesios 5:23).

 Umi oĩva pe Kuérpo Governántepe haʼe hína Kenneth Cook, Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane ha Jeffrey Winder. Haʼekuéra ombaʼapo pe séde sentrálpe, opytáva Wárwickpe (Nueva York).

 Pe Kuérpo Governánte oreko seis grúpo térã komite, ha káda uno ombaʼapo peteĩ térã hetave komitépe.

•   Komite de Koordinadóres: Omoakã umi departaménto legál, oipytyvõ avei oiko jave sarambi ha ojepersegi jave umi testígo de Jehovápe térã oiko jave álgo oafektátava chupekuéra.

•   Komite de Personál: Oñenkarga umi ombaʼapóvare Betélpe.

•   Komite de Puvlikasión: Oñenkarga oñeimprimi ha ojeguerahauka hag̃ua puvlikasión opárupi. Omoakã umi traváho ojejapóva oñemopuʼã hag̃ua umi lugár ojejapohápe rreunión, ofisína de traduksión ha sukursál.

•   Komite de Servísio: Omoakã opa mbaʼe ojejapóva ojepredika hag̃ua “umi notísia porã oñeʼẽva Ñandejára Rréinore” (Mateo 24:14).

•   Komite de Enseñánsa: Oñenkarga ojeprepara hag̃ua umi informasión oñeanalisátava rreunionhápe ha umi ojegravátava vidéope térã oñehendu hag̃uánte. Avei oprepara umi mbaʼe ojestudiátava umi eskuéla ojapóvape testígo de Jehová.

•   Komite de Rredaksión: Oñenkarga ojeprepara hag̃ua umi informasión osẽtava umi puvlikasión oñeimprimívape térã pe páhina de Internétpe. Omoakã avei umi ombaʼapóvape traduksiónpe.

 Káda semána pe Kuérpo Governánte oñerreuni avei ohecha hag̃ua umi mbaʼe oñekotevẽva pe organisasiónpe. Koʼã rreuniónpe haʼekuéra oanalisa mbaʼéichapa la Biblia oipytyvõ chupekuéra odesidi porã hag̃ua ha oheja pe espíritu sánto ogia chupekuéra. Oñehaʼãmbaite hikuái oñemoĩ peteĩ ñeʼẽme (Hechos 15:25).

 Oĩ unos kuánto kristiáno oipytyvõva umi komite del Kuérpo Governántepe. Haʼekuéra ningo oreko experiénsia, ikatupyry ha okumpli porã hembiapo pe komite oñeasignahápe, upévare ikatu ojejerovia hesekuéra (1 Corintios 4:2). Káda semána pe komite oñerreuni jave haʼekuéra oĩ avei upépe. Ndodesidíriramo jepe mbaʼeve, omeʼẽ suherénsia ha oheka informasión pe téma ojetratátavare upe rreuniónpe. Haʼekuéra oipytyvõ avei ojejapo hag̃ua umi mbaʼe odesidi vaʼekue pe komite ha ohecha mbaʼéichapa oho hese umíva. Pe Kuérpo Governánte ikatu avei ojerure chupekuéra ovisita hag̃ua umi Testígo oĩvape ko múndo tuichakuére, térã opartisipa hag̃ua umi rreunión iñimportántevape ojapóva umi testígo de Jehová, por ehémplo, pe rreunión anuál ha graduasión de Eskuéla de Galaádpe.