Mbaʼe rehepa oñeñeʼẽ umi lívro de la Bíbliape
Koʼã vidéo mbykymi nepytyvõta reikuaa hag̃ua heta mbaʼe iñimportánteva umi lívro de la Bíbliagui. Eipuru koʼã vidéo eaprovecha porãve hag̃ua umi mbaʼe reaprendéva releévo ha restudiávo la Biblia.
Mbaʼe rehepa oñeñeʼẽ la Bíbliape
Ehecha mbaʼéichapa káda lívro oĩva la Bíbliape oñeʼẽ peteĩ téma prinsipál rehe: Ñandejára Rréino rupive Jesús omopotĩta Jehová réra porãite.
Mbaʼe rehepa oñeñeʼẽ Génesispe
Génesispe jatopa mbaʼéichapa oñepyrũ vaʼekue oexisti yvyporakuéra, ha avei mbaʼéichapa oñepyrũ vaʼekue pe sufrimiénto ha ñemano.
Mbaʼe rehepa oñeñeʼẽ Éxodope
Ñandejára olivera umi israelítape Egíptogui ha ojapo chuguikuéra peteĩ tetã oservíva chupe.
Mbaʼe rehepa oñeñeʼẽ Levíticope
Ehecha mbaʼéichapa Levítico omombeʼu Ñandejára ipotĩha ha mbaʼérepa iñimportánte ñande avei ñanepotĩ.
Mbaʼe rehepa oñeñeʼẽ Númerospe
Ehecha mbaʼérepa tekotevẽ ñaneñeʼẽrendu Jehovápe ha jarrespeta umi onombrávape ñandegia hag̃ua.
Mbaʼe rehepa oñeñeʼẽ Deuteronómiope
Ehecha mbaʼéichapa Jehová léi ohechauka ohayhuha ipuévlope.
Mbaʼe rehepa oñeñeʼẽ Josuépe
Ehecha mbaʼéichapa Israel ojagarra ohóvo umi yvy Ñandejára omeʼẽva chupekuéra.
Mbaʼe rehepa oñeñeʼẽ Juécespe
Ko lívro omombeʼu mbaʼéichapa Jehová onombra unos kuánto hués ipyʼaguasu ha ojerovia mbaretévape osalva hag̃ua ipuévlope, upévare ko lívrope oñembohéra Jueces.
Mbaʼe rehepa oñeñeʼẽ Rútpe
Lívro de Rútpe oñemombeʼu mbaʼéichapa peteĩ kuña imitã reheve opyta vaʼekue viúda ha ojesakrifika isuégra rehehápe. Omombeʼu avei mbaʼéichapa Jehová ovendesi mokõivévape.
Mbaʼe rehepa oñeñeʼẽ 1 Samuélpe
Israélpe oñepyrũ ogoverna umi rréi ha ndaiporivéi umi hués.
Mbaʼe rehepa oñeñeʼẽ 2 Samuélpe
David iñumílde ha ojerovia mbarete vaʼekue, upévare ojehayhu vaʼekue chupe ha la Bíbliape oñeñeʼẽ heta vése hese.
Mbaʼe rehepa oñeñeʼẽ 1 Réyespe
Ehechamína mbaʼéichapa Israel oiko porã ha ovyʼa vaʼekue rréi Salomón poguýpe, péro mbaʼéichapa upéi osufri ojedividi rire pe rréino de Israel ha Judá.
Mbaʼe rehepa oñeñeʼẽ 2 Réyespe
Ehecha mbaʼéichapa oho vaieterei Israélpe omboyke rupi Jehovápe, ha mbaʼéichapa haʼe ovendesi umi mbovymi oadorávape chupe ipyʼaite guive.
Mbaʼe rehepa oñeñeʼẽ 1 Crónicaspe
Ehechamína umi mbaʼe ohasáva rréi David oñepyrũ guive ogoverna Israel, omano peve.
Mbaʼe rehepa oñeñeʼẽ 2 Crónicaspe
Ehechamína mbaʼéichapa umi rréi de Judá istória ohechauka siémpre iporãveha ñandefiél Ñandejárape.
Mbaʼe rehepa oñeñeʼẽ Ésdraspe
Jehová okumpli ipromésa oguenohẽvo ipuévlope Babilonia poguýgui ha oipytyvõ chupekuéra oadora jey hag̃ua chupe Jerusalénpe.
Mbaʼe rehepa oñeñeʼẽ Nehemíaspe
Pe lívro de Nehemías oĩva la Bíbliape ñanepytyvõ enterovépe ñamombaʼeguasu hag̃ua Jehovápe haʼe oipotaháicha.
Mbaʼe rehepa oñeñeʼẽ Estérpe
Pe istória oñemombeʼúva lívro de Estérpe katuete nepytyvõta rejeroviave hag̃ua Jehováre, ha rehecháta avei mbaʼéichapa haʼe ikatu osalva ipuévlope oimehaichagua situasióngui.
Mbaʼe rehepa oñeñeʼẽ Jóbpe
Umi oservíva guive Jehovápe ohasáta heta mbaʼe ijetuʼúva, péro iñeʼẽrendúramo Jehovápe Job ojapo haguéicha, ohechaukáta Jehová añoite orekoha derécho ogoverna hag̃ua.
Mbaʼe rehepa oñeñeʼẽ Sálmospe
Umi sálmo ohechauka Jehová añoite orekoha derécho ogovernávo, oipytyvõ ha omombareteha umi ohayhúvape chupe ha igoviérno ojapotaha ko yvýgui peteĩ paraíso.
Mbaʼe rehepa oñeñeʼẽ Provérbiospe
Lívro de Provérbiospe oĩ hetaiterei konsého ikatúva nepytyvõ opa mbaʼépe. Oĩ umi konsého nepytyvõtava rejapóta jave negósio ha umi nepytyvõtava nde rogapýpe.
Mbaʼe rehepa oñeñeʼẽ Eclesiastéspe
Rréi Salomón omombeʼu mbaʼépa hína umi mbaʼe añetehápe ñanepytyvõva javyʼa hag̃ua ha mbaʼépa ndajajapói vaʼerã ani hag̃ua japyta vai Ñandejárandi.
Mbaʼe rehepa oñeñeʼẽ El Cantar de los Cantárespe
Pe sulamita ningo ohayhueterei vaʼekue inóviope, la Biblia heʼi voi upe mborayhu haʼeteha peteĩ tata oúva Jehovágui. ¿Mbaʼépa heʼise upéva?
Mbaʼe rehepa oñeñeʼẽ Isaíaspe
Lívro de Isaías ohechauka ñandéve umi profesía Jehová ohaikáva katuete oñekumpliha ha upéva ñanepytyvõ jajeroviave hag̃ua ipromesakuérare.
Mbaʼe rehepa oñeñeʼẽ Jeremíaspe
Jeremías osegi vaʼekue iñasignasiónpe ohasáramo jepe heta mbaʼe ijetuʼúva. Ejepyʼamongetamína mbaʼéichapa iñehémplo ikatu nepytyvõ.
Mbaʼe rehepa oñeñeʼẽ Lamentaciónespe
Lamentaciones oskrivi vaʼekue Jeremías. Upépe omombeʼu ombyasyetereiha ohechávo Jerusalén oñehundiha, péro haʼe oikuaa Jehová operdonaha umi oñarrepentívape.
Mbaʼe rehepa oñeñeʼẽ Ezequiélpe
Ijetuʼúramo jepe umi mbaʼe Ñandejára ojeruréva Ezequiélpe, haʼe siémpre iñeʼẽrendu ha pyʼaguasúpe okumpli umíva. Péicha oheja ñandéve peteĩ ehémplo iporãva.
Mbaʼe rehepa oñeñeʼẽ Daniélpe
Daniel ha iñamigokuéra ohechauka ifielha Jehovápe ijetuʼúramo jepe hendivekuéra. Iñehemplokuéra ha avei umi profesía oñekumplíva ideprovécho ñandéve koʼág̃a.
Mbaʼe rehepa oñeñeʼẽ Oséaspe
Umi profesía Oseas heʼi vaʼekue ñanepytyvõ jahechakuaa hag̃ua mbaʼéichapa Jehová oiporiahuvereko umi oñarrepentívape ha jaikuaa hag̃ua mbaʼéichapa haʼe oipota ojeadora chupe.
Mbaʼe rehepa oñeñeʼẽ Joélpe
Joel oprofetisa vaʼekue Jehová ára guasúre ha omombeʼu mbaʼépa jajapo vaʼerã jasovrevivi hag̃ua upe díape. Iprofesía iñimportanteterei ñane tiémpope g̃uarã.
Mbaʼe rehepa oñeñeʼẽ Amóspe
Jehová ojevale ko kuimbaʼe iñumíldevare ojapo hag̃ua peteĩ tembiapo iñimportantetereíva. ¿Mbaʼépa ñande ikatu ñaaprende Amós ehémplogui?
Mbaʼe rehepa oñeñeʼẽ Abdíaspe
Lívro de Abdías haʼe pe mbykyvéva umi Escrituras Hebreas apytépe, omeʼẽ ñandéve esperánsa ha opromete Jehová ñanegovernataha.
Mbaʼe rehepa oñeñeʼẽ Jonáspe
Ko proféta oasepta ojekorrehírõ guare chupe, okumpli iñasignasión ha ohechauka ñandéve mbaʼéichapa Jehová ifiél, ohayhu ha oiporiahuvereko la héntepe. Umi mbaʼe ohasáva ikatu opoko ñane korasõre.
Mbaʼe rehepa oñeñeʼẽ Miquéaspe
Ko profesía omombarete ñande jerovia, jaikuaágui umi mbaʼe Jehová ojeruréva ñandéve ndaijetuʼuiha ñakumpli hag̃ua ha ñanevenefisiataha katuete.
Mbaʼe rehepa oñeñeʼẽ Nahúmpe
Nahúm profesía rupive jaikuaa Jehová siémpre okumpliha oprometéva, ha okonsolaha umi oñehaʼãvape oiko pyʼaguapýpe ha ohupyty pe salvasión Irréino poguýpe.
Mbaʼe rehepa oñeñeʼẽ Habacúcpe
Ikatu jajerovia Jehová oikuaa porãha mbaʼéichapa ha arakaʼetépa osalváta ipuévlope.
Mbaʼe rehepa oñeñeʼẽ Sofoníaspe
¿Mbaʼe repa ndovaléi ñapensa Jehová ára guasu nog̃uahẽmoʼãiha?
Mbaʼe rehepa oñeñeʼẽ Agéope
Ageo oprofetisa vaʼekue ohechauka iñimportantetereiha ñamotenonde Ñandejára servísio ñamotenonde rangue ñandévente ñandegustáva.
Mbaʼe rehepa oñeñeʼẽ Zacaríaspe
Ñandejára omombarete vaʼekue isiervokuéra yma guarépe heta visión ha profesía rupive. Ha umíva oasegura ñandéve koʼag̃aite peve Jehová ñandeproteheha.
Mbaʼe rehepa oñeñeʼẽ Malaquíaspe
Ko lívro ohechauka Ñandejára nokambiaiha, ha oiporiahuvereko ha ohayhuha entérope. Ikatu avei ñaaprende chugui heta mbaʼe ideprovechoitereíva ñane tiémpope.
Mbaʼe rehepa oñeñeʼẽ Matéope
Eaprende heta mbaʼe pe lívro de Matéogui, haʼéva pe primero umi Evanhéliogui.
Mbaʼe rehepa oñeñeʼẽ Márcospe
Lívro de Marcos omombeʼu umi mbaʼe Jesús ojapo vaʼekue ha ohechaukáva ñandéve mbaʼépa ojapóta ogoverna vove ko yvy ape ári.
Mbaʼe rehepa oñeñeʼẽ Lúcaspe
¿Mbaʼe informasiónpa Lucas añoite ohai vaʼekue pe evanhéliope?
Mbaʼe rehepa oñeñeʼẽ Juánpe
Lívro de Juan ohechauka Jesús ohayhuetereiha la héntepe, iñumildeha ha avei haʼeha pe Mesías ogovernátava Ñandejára Rréinope.
Mbaʼe rehepa oñeñeʼẽ Héchospe
Umi kristiáno yma guare omboʼe umi hénte opa tetãyguápe oiko hag̃ua chuguikuéra Jesús disípulo. Lívro de Hechos ikatu nepytyvõ nekyreʼỹve hag̃ua repredikávo.
Mbaʼe rehepa oñeñeʼẽ Románospe
Ko kárta ojeskrivíva espíritu sánto rupive omombeʼu Jehovápe g̃uarã enterove peteĩchapanteha ha iñimportanteha jajerovia Jesucrístore.
Mbaʼe rehepa oñeñeʼẽ 1 Coríntiospe
Umi konsého oĩva 1 Coríntiospe ñanepytyvõ ñaneunído, japorohayhu, ñanderekopotĩ, ha jajerovia hag̃ua pe rresurreksiónre.
Mbaʼe rehepa oñeñeʼẽ 2 Coríntiospe
Jehová haʼe hína “Ñandejára omeʼẽva opaichagua konsuélo”. Haʼe omombarete ha oipytyvõ isiervokuérape.
Mbaʼe rehepa oñeñeʼẽ Gálataspe
Koʼag̃aite peve ideprovécho ko kárta oskrivi vaʼekue apóstol Pablo. Ko kárta ikatu oipytyvõ kristianokuérape osegi hag̃ua ifiél.
Mbaʼe rehepa oñeñeʼẽ Efésiospe
Efesios ningo haʼe peteĩ kárta Ñandejára oskrivika vaʼekue, ohechauka porãva mbaʼépa ipropósito: Haʼe omoĩ jeýta pyʼaguapy ha unida Jesucristo rupive.
Mbaʼe rehepa oñeñeʼẽ Filipénsespe
Ñande ñaaguantáramo jahasa jave umi pruéva, ikatúta ñamokyreʼỹ umi ótrope osegi hag̃ua ipyʼaguasu.
Mbaʼe rehepa oñeñeʼẽ Colosénsespe
Jehová ñandeguerohorýta ñamoĩramo en práktika umi mbaʼe ñaaprendéva, ñañoperdonáramo ñande pyʼaite guive ha ñarrekonoséramo pe autorida orekóva Jesucristo.
Mbaʼe rehepa oñeñeʼẽ 1 Tesalonicénsespe
Tekotevẽ jajekuida umi mbaʼe ikatúvagui omokangy ñande jerovia, jajasegura “siértopa hína entéro mbaʼe”, ñañemboʼe meme ha ñañomokyreʼỹ.
Mbaʼe rehepa oñeñeʼẽ 2 Tesalonicénsespe
Pablo ohechauka porã ijapuha umi heʼíva Jehová ára oumaha, ha omokyreʼỹ kristianokuérape osegi hag̃ua ojerovia mbarete.
Mbaʼe rehepa oñeñeʼẽ 1 Timotéope
Primera a Timotéope Pablo oñeʼẽ umi prosedimiénto ojesegi vaʼerãre kongregasiónpe, ha tekotevẽha ermanokuéra oñeñangareko umi enseñánsa japu ha platarayhúgui.
Mbaʼe rehepa oñeñeʼẽ 2 Timotéope
Pablo omokyreʼỹ Timotéope ojapo porã hag̃ua hembiapo Jehová servísiope.
Mbaʼe rehepa oñeñeʼẽ Títope
Ko kártape Pablo oñeʼẽ umi provléma oĩvare Crétape umi kongregasiónpe ha omombeʼu umi rrekisíto okumpli vaʼerã umi ansiáno.
Mbaʼe rehepa oñeñeʼẽ Filemónpe
Ko kárta ningo mbyky péro iñimportanteterei pórke ohechauka ñandéve mbaʼéichapa ikatu ñaneumílde, ñandepyʼaporã ha ñaporoperdonakuaa.
Mbaʼe rehepa oñeñeʼẽ Hebréospe
Pe adorasión ojapóva kristianokuéra tuichave mbaʼe pe témplo ha umi animál ojesakrifikávagui.
Mbaʼe rehepa oñeñeʼẽ Santiágope
Santiago oipuru vaʼekue umi ehémplo omboʼe hag̃ua kristianokuérape heta mbaʼe iñimportánteva.
Mbaʼe rehepa oñeñeʼẽ 1 Pédrope
Primera kárta de Pedro ñanemokyreʼỹ ani hag̃ua ñañentrega ha ñamoĩ hag̃ua Jehová pópe umi mbaʼe ñandepyʼapýva.
Mbaʼe rehepa oñeñeʼẽ 2 Pédrope
Segunda kárta de Pedro ñanemokyreʼỹ jasegi hag̃ua ñandefiél ñahaʼarõ aja oĩ pe yvága ha yvy pyahu.
Mbaʼe rehepa oñeñeʼẽ 1 Juánpe
Ko kárta rupive Juan ñandeavisa oĩtaha oñemoĩva Crístore, avei ohechauka ñandéve japorohayhu vaʼerãha ha mbaʼépa ñamboyke vaʼerã.
Mbaʼe rehepa oñeñeʼẽ 2 Juánpe
Segunda kárta de Juan ñanemokyreʼỹ jaiko hag̃ua Ñandejára oipotaháicha ha jajekuida hag̃ua umi oporombotavysévagui.
Mbaʼe rehepa oñeñeʼẽ 3 Juánpe
Ko tercera kártape Juan ohechauka porã iñimportanteha jajorresivi porã.
Mbaʼe rehepa oñeñeʼẽ Júdaspe
Judas omombeʼu mbaʼépa ojapo umi kuimbaʼe ombyaiséva pe kongregasión.
Mbaʼe rehepa oñeñeʼẽ Apocalípsispe
Umi visión oĩva lívro de Apocalípsispe, ohechauka Ñandejára Rréino rupive oñekumplipaiteha Ñandejára volunta yvyporakuéra ha ko yvýpe g̃uarã.