INDONÉSIAPE oĩ peteĩ ísla michĩva hérava Sangir. Upépe oiko mbohapy ermána ha ojapo unos kuánto áño ombaʼapo hague oñondive pe plájape. Pe íslape ojekuaa porã chupekuéra opredika ha oipytyvõ haguére la héntepe oikuaa hag̃ua Ñandejára Ñeʼẽ. ¿Péro mbaʼépepa la ombaʼapo hikuái upépe?

Primero, koʼã ermána oike pe márpe ha onohẽ upégui umi ita pohýi, oĩ ita tuicháva peteĩ pelótaicha. Upéi koʼã ermána oguapy umi sillíta de madéra ári, ha oñepyrũ ojoka martíllope umi ita opyta peve michĩve ryguasu rupiʼágui. Upéi okarga hikuái umi itaʼi váldepe, ha ogueroja hag̃ua ojupi peteĩ eskaléra ohokuévo pe lugár oikohápe. Upe rire okarga umi ita vosa guasúpe ikatu hag̃uáicha ojegueraha kamiónpe ha upéi ojepuru ojejapo hag̃ua tape.

Peteĩva umi ermána héra Huldá. Isituasión opermiti chupe ombaʼapove ko traváhope. Haʼe oipurupaite jepi pe pláta oganáva ifamília rehehápe. Péro koʼág̃a oipuruʼimíta avei ipláta ojapo hag̃ua ótra kósa. Oipota peteĩ távlet oguereko hag̃ua pe aplikasión JW Library^®. Huldá oikuaa umi vidéo ha umi mbaʼe oĩva pe aplikasiónpe oipytyvõtaha chupe predikasiónpe ha ostudia porãve hag̃ua la Biblia.

Huldá ombaʼapove 2 óra káda pyhareve un mes imédio aja ikatu hag̃uáicha oñemyenyhẽ peteĩ kamión michĩva. Amo ipahápe Huldá ohupyty la pláta oikotevẽva ojogua hag̃ua peteĩ távlet.

Huldá heʼi: “Chekaneʼõiterei ha cherete rasypa kuri ajoka haguére heta ita. Péro ensegída cheresaráima umívagui, pórke ikatúma aipuru che távlet predikasiónpe ha ajeprepara porã hag̃ua rreunionrã”. Haʼe omombeʼu avei oipuru hague itávlet pe pandémia aja oñekonekta hag̃ua predikasiónpe ha rreunionrã. Javyʼaite Huldá ohupyty haguére la oipotaite vaʼekue.