Upéicharõ jepe heta oĩ opensáva ijetuʼuetereiha jahupyty hag̃ua upeichagua futúro ohechakuaágui ñane situasión ikatuha okambia peteĩ tesapirĩme. Pe COVID-19 káusare ningo okambiaite ñane situasión, heta hénte oiko asy, isogue, ha hetaiterei oĩ omanóva. Upévare heta oĩ opensáva péichante osegírõ ñane situasión ndaikatumoʼãiha jaasegura ñande futúro.

Heta hénte oikuaaseterei mbaʼépa oikóta chugui amo gotyove, upévare oheka tarovaite la rrespuésta oimehápe rei. Por ehémplo heta oĩ opensáva ifutúro odependeha idestíno térã isuértere, ótro katu opensa ke amáske ijestúdio yvate ha ipláta heta orekotaha la orekoséva, ha oĩ avei opensáva oipytyvõramo hapichápe oaseguramaha ifutúro.

¿Péro añetehápepa koʼã mbaʼe la ñaikotevẽva jaasegura hag̃ua ñande futúro ha javyʼa hag̃ua? Jaikuaa hag̃ua upéva ñañeporandumi koʼã mbaʼe:

• ¿Mbaʼe rehepa odepende ñande futúro?

• ¿Ikatúpa pe pláta ha umi estúdio yvate oasegura ñande futúro?

• ¿Jaasegurápa ñande futúro ñanevuénonteramo?

• ¿Mbaʼépa ñanepytyvõta jaasegura hag̃ua ñande futúro?

Ko rrevístape retopáta la rrespuésta.