¿Chashiche kepiain chi Maleiwakai chaa iipünaa?
Tü sümakat tü Bibliakat
Aa. Ichaa nia kepiain chaa iipünaa. Jülüjataa paaʼin tü sümakat tü Bibliakat yaʼayaa:
Anuu nünüiki chi aluwataaikai Salomón wanaa sümaa nuchuntuin maʼin nümüin Maleiwa: «Paapaja maa wanüiki chejee iipünaajee, eere kepiain pia» (1 Reyes 8:43).
Anuu nünüiki Jesús wanaa sümaa niʼiküin na nikirajüinkana sünain oʼuraajaa: «Taata Maleiwa chakai iipünaa» (Mateo 6:9).
Nüsoʼiraapa aaʼin Jesucristo ekerotushi nia «nümaʼanamüin chi Maleiwakai chaa iipünaa süpüla asouktaa waaʼu» (Hebreokana 9:24).
Sünainjee tia pütchikalüirua watüjaaitpa aaʼu kepiain Jehová chaa iipünaa jee nnojoluin kepiain nia sainküin mmaka süpüshuaʼa, maʼaka tü namakat na waneinnua.
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Süpaʼashiche mmaka süpüshuaʼa chi Maleiwakai?
¿Süküjainche tü Bibliakat eein chi Maleiwakai süpaʼa mmakat süpüshuaʼa? ¿Jamüsü süpüla pütüjaain saaʼu jalain kepiain Maleiwa otta niʼraajaka pukuwaʼipa?
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Kasa waaʼinrajatka süpüla aleewain waya nümaa Maleiwa?
Kakaliairü maʼin nachajaain sukuwaʼipa na wayuukana neʼraajüinjachin Maleiwa. Eeshii süpüla aleewain waya nümaa Maleiwa sükajee tü Bibliakat. Tü waaʼinrüinjatkat palajana süpüla aleewain waya nümaa Maleiwa shia weʼrajüinjatüin tü nünüliakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.