Rusia
¡Nnojo weimmolojooin aaʼin!
Soʼu tü outkajawaa aainjünawaikat juyawai eejatka soʼu tü juyakat 2019, chi wawalakai Mark Sanderson, Laülaashi Jülüjakai Aaʼin na Aküjaliikana pütchi, nüküjain wanee pütchi kanüliakat «¿Eesüche wanee kasa weimmolojooinjatka eema?». Sünain tia pütchikat niiʼiyatüin videokot tüü, süchikimaajatü tü namakat waneinnua wawalayuu apüleeruakana aaʼin chayaa Rusia.
Asakinnüshi chi wawalakai Dimitri Mijáilov
Püreesashi chi wawalakai Dimitri Mijáilov maayoʼu 29 soʼu juyakat 2018. Kojuya kashi nia püreesain. Nüküjeerü sünain videokot tüü, nüchecherüin naaʼin süka nükaalinjain nia Jeʼwaa jee müsia tü nuʼwayuusekat otta nüküjeerü jimatüin naaʼin jee talatüin naaʼin sutuma nüküjain pütchi nüchiki Jeʼwaa namüin na waneinnua.
Asouktajana nachikuaʼa na aküjüliikana pütchi nüchiki Jeʼwaa chaa Taganrog: ¿joujaleerü suuʼulaanaka suulia apüleeruaanüin naaʼin?
Eeshii 16 aküjülii pütchi püreeseekana atumaa saaʼujee nanoula, pünaja tü alatakat namüin naya anoujashiikana.