Wanaa sümaa yaajachin Jesús mmapaʼa, niiʼiyatüin alin wayuu nüpüla, nayaleekajaʼa namüin na wayuu maʼletsekana jee na müliakana aaʼin (Mateo 9:36). Müsüjeseʼe naapajiraain nikii naaʼu süpüla neʼrüinjatüin kasa anasü (Mateo 20:28; Juan 15:13). Soʼu palitchon kaʼi, najaʼlajeʼereerü Jesús tü müliakalü atuma saaʼin wayuu nuluwataapa nutuma Maleiwa, naainjeerü tia süka alin waya nüpüla.

 Nikeraajeerü Jesús tü pütchi ashajünakat suluʼu tü Bibliakat:

•   «Anasü anale nakuwaʼipa nutuma na müliakana aaʼin jee na maʼletseekana otta kasalajanalee nutuma naainjala chi müliakai atuma naya» (Salmo 72:4).

 ¿Kasa waaʼinrajatka süpüla kojutuin wamüin tü naaʼinrüitpakat Jesús wapüleerua jee tü naaʼinrüinjatkat mapeena? Nüküjain Jesús namüin na nikirajüinkana suluʼu Lucas 22:19, sotuinjatüin naaʼin tü kaʼi outakalü oʼu nia. Müsüjeseʼe noutkajaain juyawai na aküjaliikana pütchi nüchiki Jehová süpüla sotuin naaʼin tü kaʼi outakalü oʼu Jesús. Wounejaain jia sünain tü Outkajawaa eere Sotuin Waaʼin Outuin Jesús aainjünüinjatka maatsoʼu 24 soʼu 2024, rimiinkoʼuluinjatü tia.

Paapaja tü Outkajawaakat eere Sotuin Waaʼin outuin Jesús