Wanaa sümaa yaajachin Jesús mmapaʼa, niiʼiyatüin alin maʼin wayuu nüpüla müsüjeseʼe naapajiraain nikii naaʼu (Mateo 20:28; Juan 15:13). Soʼu palitchon kaʼi, najaʼlajeʼereerü Jesús tü atkawaakat sainküin tü mmakat nuluwataapa nutuma Maleiwa, naainjeerü tia süka alin nüpüla na wayuukana (Salmo 46:9).

 Anuu ashajünüin suluʼu tü Bibliakat tü naainjainjatkat Jesús:

•   «Nükaalinjeechi chi wayuu müliashi achuntakai kaalinwaa, chi wayuu mojukai aaʼin jee chi nnojoikai jaralin akaalinjain. Amülialaajeerü naaʼin naalin chi maʼletsekai jee naalin chi mojushikai, nükaalinjeena naya. Nükaalinjeena naya suulia müliain naya atumawaa jee noulia na mojulaashiikana» (Salmo 72:12-14).

 ¿Kasa waaʼinrajatka süpüla kojutuin wamüin tü naaʼinrüitpakat Jesús wapüleerua jee tü naaʼinrüinjatkat mapeena? Nüküjain Jesús namüin na nikirajüinkana suluʼu Lucas 22:19 sotuinjatüin naaʼin tü kaʼi outakalü oʼu nia. Müsüjeseʼe noutkajaain juyawai na aküjaliikana pütchi nüchiki Jehová süpüla sotuin naaʼin tü kaʼi outakalü oʼu Jesús. Wounejaain jia sünain tü Outkajawaa eere Sotuin Waaʼin Outuin Jesús aainjünüinjatka maatsoʼu 24 soʼu 2024, rimiinkoʼuluinjatü tia.

Paapaja tü Outkajawaakat eere Sotuin Waaʼin outuin Jesús