•  Survatechim Utram 2

•  Devachea Utrantle Theve 3-5

  •  Bhaxonn 3

  •  Bible-antlim Motiam 4

  •  Bible Vachop 5

•  Porgottnnechea Kamant Uzar Korum-ia 6-14

  •  Ulovop Suru Korop 7

  •  Porot Bhett Korop 8

  •  Xis Korop 9

  •  Tumchea Patienni Vixim Sangop 10

  •  Bhaxonn 11

  •  Kitem Ulounche 12

  •  Poristhiti 13

  •  Video ani Prokaxonancho Uzar 14

•  Amchem Kristi Jivit 15-16

  •  Sobhecho Bible Obheas 16

•  Xevottachim Utram 17

•  Xabaski ani Sol’lo 18

•  Vell 19

•  Sorkittachi Dekhrekh Korpeachi Bhett 20

•  Sorkitt Zomat vo Odhivexon Zaunchem Suman 21

•  Ugddas Disachem Suman 22

•  Jivit ani Porgottnni Mittingecho Dekhrekh Korpi 23

•  Jivit ani Porgottni Mittingecho Chermen 24

•  Sahaiok Sol’lo Diupi 25

•  Videartheanche Bhag Anik Eka Holant Korop 26

•  Video 27

1. Hea dokumentant dilʼleo suchounneo Amchem Kristi Jivit ani Porgottnni mittingent bhag asloleank sogleank modot kortole. Jea konnak mittingent bhag asat tannim tanchea bhaga pasot toiari kortana, Amchem Kristi Jivit ani Porgottnni Mittingechea Pustikent ani hea dokumentant dilʼlea suchounnea pormonnem kam korunk zai. Soglea porgottnnarank hea mittingent videartheam pasot aslole bhag korunk urba diunchi. Her zannam jim niemit ritin mittingek ietat tankam-i he bhag korunk ieukar asa. Punn, tim Bible-achi xikounn manun ghetat ani Kristi totvam pormonnem aplem jivit jietat mhunn khatri korchi. Zori eklo porgottnnar naslolo munis porgottnnechea kamant uzar korum-ia hea mittingechea bhagant vantto gheunk umed dakhoita zalear Jivit ani Porgottnni Mittingechi dekhrekh korpean tea munxak to purto zaunk tannem kitem korunk zai tem taka sangonk zai ani magir taka to purto asa zalear kollounchem. Hem tannem tacho Bible obheas ghetolea hujir korchem (vo sotant aslolea tachea avoi-bapai hujir korchem). Bautizm gheunk naslolim porgottnnar zaunk kitem korop gorjechem asa tench taka pasun lagu zata.—od-E odh. 8 per. 8.

2. Ek minott. Dor sumanak, survatechem git ani magnnem zal’lea uprant, Jivit ani Porgott-nni Mittingecho chermen mittingent kitem xiktolim tea vixim umed vaddoitolo. Oxem kortana, to sobhek chodd faideak poddttat toslea mudʼdeancher chodd dhean ditolo.

 3. Bhaxonn: Dha minttam. Hea bhagacho vixoi ani tacher adarit don vo tin mukhel mudʼde Jivit ani Porgottnni Mittingechea Pustikent dilʼle asat. Ho bhag eka vhoddilak vo eka purto aslolea sobhechea sevokak diuncho. Bible-antlea novea pustokachem vachop suru zata tea sumanak, ek video hea bhagant dakhoitole. Ho video, tea vixoi-ak koso zuddlolo asa tem bhaxonn diupean sanglear zata. Punn, pustikent asat te mudʼde tannem uzar korop gorjechem. Tharailʼlea vella bhitor, vixoi-acher adarit aslolim chitram ani dilʼle mudʼdeancho boro uzar korcho. Tannem anikui sodh korun mudʼdo bore toren somzaunk zata.

 4. Bible-antlim Motiam: Dha minttam. Ho prosn-zobab aslolo bhag asa dekhun ho bhag kortana survatechim ani xevottachim utram sangchim nhoi. Ho bhag eka vhoddilan vo eka purto aslolea sobhechea sevokan korcho. Tea bhavan donui prosn vicharop gorjechem. Toxench, survatechea prosnant dilʼlim Bible-antlim versam vachʼchim vo na tem tannem tharaunk zata. Zobab ditoleamnim 30 second-am bhitor aplo zobab diuncho.

 5. Bible Vachop: Char minttam. Ho bhag dadlo aslolea videarthean korcho. Ho bhag kortana survatechim ani xevottachim utram sangchim nhoi. Mittingecho chermen, videarthi vachop sarkem ritin, somjikaien, sudd-suddaien ani sobhavik ritin korta kai na tacher dhean ditolo. Toxench vachop kortana favo thoim zor ghalunk, avazant, svorant ani gotint bodol korunk, ani goroz thoim thambon vachunk to taka proxikxonn ditolo. Dor sumanak, Bible vachunk aslolim versam chodd vo unnim asonk xoktat. Tor hem monant dovrun, Jivit ani Porgottnni Mittingecho dekhrekh korpi, bhavanchea tanke pormonnem tankam ho bhag nemtolo.

6. Pondra minttam. Mittingecho ho bhag sogleank porgottnne pasot bori toiari korunk ani tanchi xikoupachi ani porgottnni korchi kola vaddounk modot korta. Goroz poddlear, vhoddilank pasun videartheancho bhag mellonk xokta. Dor eka videarthean Xikovnn vo Mog Dakhoiat hea pustikent dil’lea obheas mud’deancher kam korche. He mud’de Jivit ani Porgottnni Mittingechea Pustikent tankam nemlolea bhagant mellttole. Thodde pavtti, zo bhag bhasabhas korunk vinchun kaddlolo asa to bhag eka vhoddilan vo purto aslolea eka sobhechea sevokan korcho.—Bhasabhas korcho bhag koso gheuncho hea vixim  peregraf  15 polloiat.

 7. Ulovop Suru Korop: Ho videartheancho bhag eka dadlean vo bailen korunk zata. Ho bhag ek bail korta zalear, tichea borabor eka dadleak nemcho nhoi ani toxench ho bhag ek dadlo korta zalear, tachea borabor eke bailek nemchi nhoi. Punn tim tanchi familintlim sodoxia asat zalear nemunk zata. Ho bhag boson vo ubim ravon korunk zata.—Kitem ulounche ani hea bhaga pasot poristhiti vixim chodd mahiti khatir  peregraf 12 ani  13 polloiat.

 8. Porot Bhett Korop: Ho videartheancho bhag eka dadlean vo bailen korunk zata. Ho bhag ek bail korta zalear, tichea borabor eka dadleak nemcho nhoi ani toxench ho bhag ek dadlo korta zalear, tachea borabor eke bailek nemchi nhoi. (km 5/97 p. 2) Ho bhag boson vo ubim ravon korunk zata. Ho bhag kortana videarthean porot bhett kortat tanchea lagim poilim uloil’lim toch vixoi uzar korun ulovop fuddem koxem vhorchem tem dakhounk zai.—Kitem ulounche ani hea bhaga pasot poristhiti vixim chodd mahiti khatir,  peregraf 12 ani  13 polloiat.

 9. Xis Korop: Ho videartheancho bhag eka dadlean vo bailen korunk zata. Ho bhag ek bail korta zalear, tichea borabor eka dadleak nemcho nhoi ani toxench ho bhag ek dadlo korta zalear, tachea borabor eke bailek nemchi nhoi. (km 5/97 p. 2) Ho bhag boson vo ubim ravon korunk zata. Hea bhagant Bible obheas chalu asa oxem dakhounchem. Bhag kortana survatechim ani xevottachim utram sangop gorjechim nant. Videarthi umkeach obheas mudʼdheancher kam korta zalear tannem survatechim vo xevottachim utram ulounk zatat. Ho bhag kortana nemloli sogli mahiti obheasa vellar vachunk zai oxem na, punn goroz tednam vachunk zata.

 10. Tumchea Patienni Vixim Sangop: Jednam ho bhag ek bhaxonn mhunn korcho asa tednam, ho videartheancho bhag eka dadlean korunk zai. Jednam ho bhag ek dekhavo mhunn korcho asa tednam ho videartheancho bhag eka dadlean vo bailen korunk zata. Ho bhag ek bail korta zalear, tichea borabor eka dadleak nemcho nhoi ani toxench ho bhag ek dadlo korta zalear, tachea borabor eke bailek nemchi nhoi. Punn tim tanchi familintlim sodoxia asat zalear nemunk zata. Reference-ant dil’li mahiti uzar korun videarthean vixoi-achea prosnancho zobab xanneponnan ani somzonk sompem zata toxem diunk zai. Aplo bhag kortana videarthean ho mud’do khoinchea prokaxona thaun ghetla tea vixim sangonk zai kai na tem tannem tharaunk zata.

 11. Bhaxonn: Ho videarthi bhag eka dadlean korcho ani eka bhaxonna bhaxen sobhek diuncho. Jednam bhaxonn Mog Dakhoiat pustikechea chodd mahiti A hea bhagant aslolea mud’deacher adarit asa zalear, videarthean ti versam porgottnnent koxim uzar korunk zata tem dakhounchem. Udharonnak, ek vers kednam uzar korunk zata, tea versacho orth, ani toxench eka munxa borabor tea versancher koxem bhasabhas korunk zata tem tannem somzaunchem. Jednam bhaxonn Mog Dakhoiat pustikent asolea eka odheai-achea mud’deacher asa zalear, videarthean to mud’dho porgottnnent koso lagu korunk zata tacher dhean diunche. Tannem mud’do 1-ant dil’le udharonn dakhounk zata vo odheai-ant dil’lim versam uzar korunk zata.

   12. Kitem Ulounche: Hea peregrafant ani toxench fuddlea peregrafamnim asloli mahiti “Ulovop Suru Korop” ani “Porot Bhett Korop” hea bhagak lagu zata. Sanglea xivai, videartheancho dhei asonk zai ki jea munxam lagim to uloita taka ek sadem Bible-ache sot sangop jem taka aikonk avoddttolem ani tachea kodden dusrea pavtti ulounk sondhi mellttolim. Videarthean oslo vixoi vinchun kaddunk zai zo aichea vella pormonnem sarko asa ani tumchea vattarant bore toren lagu zata. Tannem seve pasot aslolim mukhel prokaxonnam diunchi vo video dakhounche kai na tem tharaunk zata. Videartheamnim aplem bhag tonddpatt korchea bodlek ulounchi kola vaddounk proitn korchem, zoxem sobhavik ritin ulounchem ani aiknnarea thaim kallji dakhounchi.

   13. Poristhiti: Videarthean vattarant boreak poddtta tea ritin nemloli poristhiti lagu korchi. Udharonnak:

1.  (1) Ghor-ghoramnim Porgottnni: Hi poristhiti, ghor-ghoramnim kortat tea porgottnnek lagu zata. Hantunt tumi ghor-ghoramnim porgottnni kortat, fon-a udexim vo chitti udexim porgottnni kortat mhunn dakhounk zata. Toxench, ghor-ghoramnim porgottnni kortana eka munxa kodden jea vixoi-acher tumi poilim uloil’lim, toch vixoi uzar korun ulovop fuddem vhoronk zata.

2.  (2) Sondhi Melltta Tednam Porgottnni: Hea poristhitint sodanchea bhaxen uloitat tea ritin ulovop suru korun, uprant sondhi melltta toxi sakx diunk zata. Tumi tumchea kama-chea zagear, iskolant, xezaream sangata, provas kortana, vo her zageancher tumchi sodanchim kamam kortana lokam sangata Bible-antlea eka vixoi-acher uloitat mhunn dakhounk zata.

3.  (3) Jahir Zagear Porgottnni: Hea poristhitint, kartt uzar korun, dukanamnim, rosteacher vo garden-ant, gaddio park kortat toslea zageancher vo zoim lok mellttat thoinsor porgottnni kortat mhunn dakhounk zata.

 14. Video ani Prokaxonancho Uzar: Poristhiti pormonnem, eka videarthean video vo prokaxon uzar korunk tharaunk zata. Zori tor eka videartheachea bhagant video dakhouncho asa vo zori tor ek videarthi video dakhounk vinchun kaddtta zalear, tannem tea video vixim sangon to fokot dakhoil’lea bhaxen korcho ani tacher bhasabhas korche.

15. Gita uprant, fuddlea 15 minttanche, ek vo don bhag astole, je sogleank Devachem Utor tanchea jivitant lagu korunk modot kortole. Thodde pavtt ho bhag konnem korcho ti suchounni dilʼli astoli. Suchounni diunk na zalear ho bhag sobhechea vhoddilan vo purto aslolea sobhechea sevokan korunk zata. Punn, sobhecheo gorzo ho bhag fokot eka vhod-dilan korcho. Jednam ek bhag bhasabhas korunk vinchun kaddla zalear, tednam bhag kortolean ak’khea bhaga vellar dilolea prosnam bhair anikui prosn vicharunk zatat. Tannem apli survatechim utram thoddi dovorchim jea udexim taka lekhant aslole mukhel mudʼdeancher bhasabhas korunk goroz titlo vell mellttolo ani dusreank pasun bhasabhasant bhag gheunk mellttolem. Zori tor ek interview asa zalear, interview dita tannem aplem interview tachea zagear boson diunchea bodlek, zata zalear manchier ieun dilear borem zatolem.

  16. Sobhecho Bible Obheas: Tis minttam. Ho bhag eka purto aslolea vhoddilak diuncho. (Jea sobhent thoddech vhoddil asat, thoim purto aslolea sobhechea sevokak ho bhag diunk zata.) Sobhecho Bible Obheas korunk konn purte asat hem sobhechea vhoddilancho zomo tharaitat. Nemlolea bhavamnim ho bhag orth-bhorit ritin gheuncho jea udexim obheas vella bhitor sompounk proitn korcho, mhotvachea Bible versancher uzvadd ghalcho, Devachem Utor jivitant koxem lagu korunk zata tem dakhounchem. Songottnnen prosn ani zobab he bhag koxem gheunchem tea vixim je nirdexon dila te vachlolean, bhavank aplo bhag korunk boro adar zatolo. (w23.04 p. 24, boks) Tea sumanak aslolo obheas bore toren ghetlea uprant to obheas anink lamboichi goroz na. Goroz thoim, dor sumanak veg-vegllea bhavank ho bhag korunk ani tantuntlem vachop korunk nemchem. Zori tor Jivit ani Porgottnni Mittingecho chermen ho obheas unnea vella bhitor sompounk sangta zalear, ho obheas kortolean hem koxem korchem tem tharaunchem. Thoddea peregrafanchem vachop korchem vo na tem tannem tharaunk zata.

17. Tin minttam. Jivit ani Porgottnni Mittingecho chermen mittingent xiklole faideache mudʼde ugddasak haddttolo. Toxench, fuddlea sumanant kitem xiktolim tem to sangtolo. Vell asa zalear, fuddlea sumanant jea videartheank bhag asa tanchim nanvam tannem sangonk zatat. Xevottachea utram vixim songottnnen kitem bodlav sangonk na zalear, chermenan xevottachim utram sangta tednam gorjecheo kollounneo ani sobhe khatir kosli-i chitt asa zalear ti vachʼchi. Sodanchi mahiti, zoxi seva khoim astoli, hol nitoll korunk konnak nemleant, hi manchier thaun sangchi nhoi. Hi mahiti, sobhe khatir information borddacher ghalchi. Xevottachim utram sangtana tharailʼlea vella bhitor kollounni ani chitt vachunk vell pavcho na zalear, chermenan Amchem Kristi Jivit hantunt aslole bhag kortolea bhavank tanche bhag unnea vella bhitor korunk sangche. ( peregraf 16 ani  19 polloiat.) Git ani magnnem korun mitting somptoli.

18. Dor eka videartheacho bhag zal’lea uprant, Jivit ani Porgottnni Mittingechea chermenak obheas korunk sanglolea mud’deacher xabaski ani solʼlo diunk sumar ek minott melltta. Videarthi kortolea bhagachi vollokh korun ditana, chermen obheas mudʼdo sangchona. Punn videartheacho bhag somplea uprant, chermen videartheak xabaski ditolo. Uprant tannem obheas mudʼdo ghoddie kolloun, tacher videarthean koxem bore toren kam kelam vo fuddem tannem porot tacher kiteak ani koxem kam korunk zai tem to doiall utramnim sangtolo. Videartheak vo sobhent asloleank faido zaunk, tachea bhagant anik kitem borem aslem temui to sangtolo. Chermenan Mog Dakhoiat pustikentlean, Xikovnn pustikechea vo Ministry School pustokachea adaran videartheak nemlolea obheas mudʼdeacher vo dusrea mudʼdeacher, mittinge uprant vo dusrea vellar anik solʼlo diunk zata.—Jivit ani Porgottnni Mittingechea dekhrekh korpean ani sahaiok solʼlo diupean kitem korunk zai tea vixim chodd mahiti pasot,  peregraf 19,  24, ani  25 polloiat.

19. Khoinchoch bhag tharailʼlea vella poros lamb zaunk zaina. Toxench, Jivit ani Por-gottnni Mittingechea chermenan aplem ulovop korunk chodd vell gheunk zaina. Jivit ani Porgottnni Mittingechea Pustikent dor eka bhaga pasot vell dilolo asa zalear pasun to bhag sompounk dila tea vella poilim gorjechi mahiti bhasabhas korun zata zalear to bhag bexttoch vaddouncho nhoi. Mittingeche bhag kortoleamnim chodd vell ghetla zalear, tankam Jivit ani Porgottnni Mittingecho chermen vo sahaiok solʼlo diupi kuxin vhoron solʼlo ditolo. ( peregraf 24 ani  25 polloiat.) Gitam ani magnnim dhorun akʼkhi mitting 1 vor 45 minttamnim kabar zaunk zai.

20. Sorkittachi dekhrekh korpi sobhent bhett dita tednam, mittingechi kariavoll, Jivit ani Porgottnni Mittingechea Pustikent dilʼlea manddavolli pormonnem zatoli. Punn, sobhecho Bible obheas bhagachea bodlek sorkittachi dekhrekh korpi 30 minttanchem seva bhaxonn ditolo. Seva bhaxonn suru zaunchem adim, Jivit ani Porgottnni Mittingecho chermen mittingent kitem xiklim tem ugddas korun fuddlea sumanant kitem xikpachim asat tem sangtolo ani goroz teo kollounneo vachtolo. Toxench, kosli-i gorjechi chitt asa zalear to, ti vachtolo ani uprant sorkittachi dekhrekh korpi bhavak bhaxonn diunk ieukar ditolo. Seva bhaxonn zalea uprant, sorkittachi dekhrekh korpi apnnem vichun kaddlolem git gaunk ieukar ditolo. Sobhechea bhaxent videartheanche bhag anik eka holant cholta zalear, Sorkittachi dekhrekh korpi bhett dita tednam te aschena. Toxench, sobhent dusrea bhaxecho grup asa zalear tannim tanchi mitting, mukhel sobheachea mittinge vellar dovrunk zata. Punn, sorkittachi dekhrekh korpi seva bhaxonn ditana, tea grupan sobhe borabor ektthaim zaunk zata.

21. Sorkitt zomat vo odhivexon zata tea sumanak, sobhecheo mittingo zauncheo nant. Sobhechea bhav-bhoinnank tea sumanachea mittingent xikonk asa ti mahiti aplea famili borabor vo svotacho obheas kortana xikonk zai mhunn kollounchem.

22. Somiacho Ugddas Dis Sonvar vo Aitar soddun dusrea khoinchea-i disa poddtta zalear tea sumanant Jivit ani Porgottnni Mitting aschi na.

23. Sobhechea vhoddilancho zomo eka vhoddilak Jivit ani Porgottnni Mittingecho dekhrekh korpi mhunn vinchun kaddttole. To hi mitting borea manddavollin ani hanga dileat tea suchounnea pormonnem cholta mhunn khatri kortolo. Mitting bore toren zaunk, Jivit ani Porgottnni Mittingecho dekhrekh korpea modem ani sahaiok solʼlo diupea modem bore ulovop asonk zai. Jivit ani Porgottnni Mittingechi Pustika mellʼllea uprant rokddench dekhrekh korpean don mhoinea pasot videartheanche bhag korunk sobhent asloleank nemunk zai. ( peregraf 3-16 ani  24 polloiat.) Toxench tannem mittingeche urlole sogle bhag, vhoddilanchea zomean vinchun kaddlolea bhavank ani videarthi bhag kortoleank nemunk zai. Videarthi bhag korunk nemtana, tannem videartheachi pirai, onubhov, ani dil’lea vixoi-acher kitench addkholl nastana ulounk xokta tacher dhean diunk zai. Tannem hich somjikai her bhag nemtana uzar korunk zai. Dor eka videartheak tankam nemlolo bhag sumar tin sumanam adinch, Amchem Kristi Jivit Ani Porgottnni Mittingeche Bhag (S-89) form-a udexim diuncho. Jivit ani Porgottnni Mittingechi dekhrekh korpean, mittingechi manddavoll (schedule) toiar korun, tachi ek kopi, information borddacher ghatlea mhunn khatri korunk zai. Taka modot korunk anik eka vhoddilak vo eka sobhechea sevokak nemunk zata. Punn vidʼdeartheanchea bhagam bhair her bhag, fokot eka vhoddilanuch nemunk zatat.

24. Dor eka sumanak, ek vhoddil Jivit ani Porgottnni Mittingecho chermen mhunn vavurtolo. (Vhoddil unnem asat thoim, purto aslolea sobhechea sevokank chermen mhunn nemunk zata.) To survatechim ani xevottachim utram toiar kortolo ani tosoch ulounk modot bhagant aslolea video-cher bhasabhas kortolo. Dor ek bhagachea survatek, tea bhagachi ani bhag kortoleachi vollokh korun ditolo. Tea sobhent kitle vhoddil asat tea pormonnem taka her-ui bhag korche poddttole. Khas korun bhasabhas nastana fokot video dakhounche bhag taka korche poddttole. Ek bhag sompta ani dusro bhag suru zaunche modem tachem ulovop unnem asonk zai. Sobheche sogle vhoddil konn chermen zaunk purto asa tem tharaitole. Purte aslolea vhoddilank ek-ek sumanank chermen mhunn nemtole. Sobhent unne vhoddil asat zalear, Jivit ani Porgottnni Mittingechi dekhrekh kortoleak her purte aslolea vhoddilam poros chodd pavtt chermenachi zobabdari korchi poddttoli. Ek vhoddil Sobhecho Bible Obheas korunk purto asa zalear, to mittingecho chermen zaunk purto asonk zai. Punn, ugddas dovrat ki zo vhoddil chermen mhunn vavurta tannem bhag kortolea videartheak mogan xabaski ani goroz tednam, solʼlo diunk zai. Toxench, mitting vellar sompounk chermenan khatri korunk zai. ( peregraf 17 ani  19 polloiat.) Chermenak khuxi asa zalear ani manchier zago asa zalear, tachea pasot ek microphone dovrunk zata. Thoim thaun to dor ek bhag kortoleachi vollokh korun ditolo ani teach vellar bhag kortolo bhav poddium-axim ieun toiar ravtolo. Teach bhaxen, chermenak khuxi asa zalear, Bible vachop korta tednam ani Porgottnnechea Kamant Uzar Korum-ia hantunt, videartheanche bhag cholta tednam tannem manchier eka meza lagim bosonk zata. Hea ritin vell ibadd zauncho na.

25. Ghoddtta tednam, hi zobabdari oslea vhoddilak diunchi zaka bhaxonnam diuncho boro onubhov asa. Vhoddil ani sobhentle sevok, Jivit ani Porgottnni Mittingeche bhag, jahir bhaxonn, Pahrogopur Obheas, Sobhecho Bible Obheas vo tantuntlem vachop kortat tednam sahaiok solʼlo diupi, goroz asa zalear tankam solʼlo ditolo. ( peregraf 19 polloiat.) Sobhent zor zaite borem bhaxonn diupi ani bore xikoupi vhoddil asat zalear, dor vorsak veg-vegllea vhoddilak sahaiok sol’lo diupi mhunn nemchem. Vhoddilamnim vo sobhechea sevokamnim, aplo dor ek bhag kelʼlea uprant tankam sahaiok solʼlo diupean, solʼlo diunkuch zai oxem na.

26. Sobhent chodd videarthi asat zalear, thoddea videartheank aplo bhag anik eka holant korunk manddavoll korunk zata. Tea hollant ek purto vhoddil sol’lo diunk aslear borem. Goroz thoim, purto aslolea sobhechea sevokak hi zobabdari diunk zata. Hi zobabdari ekleak vo veg-vegllea bhavank diunchi hem sobhechea vhoddilanchea zomean tharaunchem.  Peregraf 18-ant sanglam toxem solʼlo diupean korchem. Devachea Utrantle Theve hantunt Bible-antlim Motiam ho bhag zalea uprant videartheank tea holant vochonk sangchem. Videartheancho nimanno bhag zalea uprant tannim porot sobhe sangata ieun mittingek boschem.

27. Hea mittingent vinchun kaddlole video dakhonk uzar kortole. He video sumanchea modlea mittinge pasot JW Library® app-ant mellttole ani veg-vegllim electronic sadhonam uzar korun download korunk zata.

© 2023 Watch Tower Bible and Tract Society of Pennsylvania

S-38-KT 11/23