ZAGRUT RAVAT! Ank 1 2022 | Dukh-trasan Bhorlolea Sonvsaran—Amchi Rakhonn Koxi Korchi?
Aiz sonvsarachi poristhiti bigddot voita, veg-veglle kodden buddtti ani bhuimkampam sarkim odruxttam zait asat. Zaite koddem munxank lagon sonkoxtt ani tras ietat. Hea soglea karonnank lagon zaitea lokancher porinnam poddtta. Tor, tumi ani tumcho kuttumb hea dukh-trasancho koso fuddo korunk xoktat tem zannam zaiat.
Dukh-trasan Bhorlolea Sonvsarant—Amchi Rakhonn Koxi Korchi?
Tras ietat tednam tumchi ani tumchea familichi rakhonn korunk goroz tim panvlam gheiat.
1 | Tumchea Bholaikechi Kallji Gheiat
Jitle bore toren tumi tumchea bholaikechi kallji ghetolim, title bore toren tumi trasancho fuddo korunk pavtolim.
2 | Poixe Chintun Uzar Korat
Tumi chintun poixe khorch kelear trasanchea vellar unnea poixeamnim pasun tumi tumcho khorch bhagounk pavtolim.
3 | Tumchem Natem Samballat
Tumchea kazari sangatea borabor natem ghott dovrunk, ixttagot samballunk, ani bhurgeank somzon gheun tankam modot korunk khoinche solʼle tumkam boreak poddttole tem zannam zaiat.
4 | Bhorvonso Soddun Dium Nakat
Jivitant ietat tea trasancho fuddo korunk Bible amkam modot korta ani fuddara pasot ek boro bhorvonso dita.
Zagrut Ravat! Hea Masikent
Tumi ani tumchi famil, fuddarak ieuncheo asat tea kotthin poristhitincho fuddo koso korunk xoktat tem zannam zaunk lekh vachat.