Yálá ŋɔ Tɔɔlaa ɓaa lə ?
Ə́ wɔ kili ɓa gaa a...
-
hɛn da yii gaa nu nii hu ?
-
kɛɛnaa ta yii gaa yələkɔlɔn ɉu ?
-
yələkɔlɔn ɉu Tɔɔlaa ?
BIBLƏ KAA KƐI MA
« [Yálá] kaa pai tɔɔ ta heei yii hwa taɠa. » — Daniyɛli 2:44.
« [Yálá] aa lɔn ɉulɔnu tɛɛ ku pɔ, Tɔɔlaa kaa pai kɛi ɲəi. » — Izai 9:6, Traduction du monde nouveau.
YII YA PƐLI ɈƆLƆƁOI ɈU
-
Təlimo Tɔɔlaa yii ya pɛli ɉu mɛinɛɛ hɔlɔɓoi. — Izai 48:17, 18, TMN.
-
Yɛnɛɛ ninɛ kaa pai, kɔlɔi pono kpɔkpɔ da kwəinɛɛ di kaa pai kɛi laa. — Kulɔ ponoŋa 21:3, 4.
GWA PƐLI LAA BIBLƏ LA
Mɛni hweelɛ maa mɛni ɓa :
-
Yii Yálá ŋɔ Tɔɔlaa kaa pai gɛi, Zesu ə nɛ. Zesu ə mo ŋɔ kalan neai diɛ, ə gɛ yiliɠaa di Yálá hwɛli yii yaan Yálá ŋɔ Tɔɔlaa ə pa, ə lɛɛ Yálá liiɓa laa ə hwɛɛ lɔi mɛi (Matie 6:9, 10). Pələi Yálá kaa pai vɛli woo tii mu hon ɉii la, Zesu ə ɲɛi lɛ.
Ɓɛlowai Zesu ə kɛ la lɔi mɛi, ə pulu namənaa kɔnɔn gɛ, ə ɲɔngɛnua kɔlɔi pono, ə lɛɛ ə haaɓəlaa nwun (Matie 15:29-38 ; Záán 11:38-44). Mɛnii gaa tinaa pai gɛi Yálá ŋɔ Tɔɔlaa hu lɛɛ nwoo mu nua diɛ, yili katii ə kɛi ɲɛi lɛ. — Kulɔ ponoŋa 11:15.
-
Mɛni ɲaa nwanaɠaa kələi tɛɛ lɔi mɛi, da nɛ diɛ Yálá ŋɔ Tɔɔlaa pa hiɛli. Zesu ə wɔlɔ nɛɛ tɔwɔ ə mo yɛ ma, gɛɛ Yálá ŋɔ Tɔɔlaa ho pa a liilaa lɔi mɛi, kɔ da pulu kpea-kpea kaa pai kɛi tooi, ə lɛɛ lɔi yɛ kpɛlin yɛ pu ɉu naa taɠaa. — Matie 24:3, 7.
Gu kaa háákələi mɛniɠaa tii kaai diɛ tɛɛ. Yili ɓa, gwa pɛli laai na guɔ ma Yálá ŋɔ Tɔɔlaa kaa pai mɛniɠaa tii kəlee kpɛɛi.
Ə́ KILIŊAHIƐ GƐƐMAALƏN ŊƐI ƁA
Yɛnɛɛ kaa pai kɛi ləi Yálá ŋɔ Tɔɔlaa mu ?
Biblə kaa gɛɛmaalən ŋɛi mukulɔi SOMƏ 37:29 (TMN) da IZAI 65:21-23 (TMN).
You May Also Like
ESSENTIAL BIBLE TEACHINGS
Yálá ŋɔ Tɔɔlaa ɓaa lə ?
Ɓɛlowai Zesu ə kɛi Yálá Lawoo ɓo la, ə kɛi Yálá ŋɔ Tɔɔla maamɛni ɓo kpɔ kɛnɛ ə tɛɛ mɛni takpɛliɠaa diɛ. Kwəlan damaa yee mu nua di Yálá hwɛli, ə gɛ dɔɔlaa tii ə pa.
GBƐƐ NUA ƁAA KUƆ
Biblə kalanŋaa nwun maa lə ?
Biblə kaa kpɔnmaa tɛɛi nu miliɔn damaa pɔ, diɛ yɛnɛɛ ŋɔ kɛɛmaalən gbea-gbea mukulaɠaa kɔlɔn. Ə́ kaa bɔ ə́ kɛ a nua tii ta ?
