1. Tọ bèèlaà Partizansk ea di Primorye é beè gé kọ́ ba bèèla bel kilma ló bel ea beè bã ló Vígà Irina Buglak. Neǹ kpóò log ea gé lóe bel lóá gáà kọ íb kpọ̀té e bà é née

2. August 6, 2021

   Ba beè kpáá òòmà bel Irina kilma tọ bèèlaà Partizansk kọbé bà bééláẹ bel ló

3. November 30, 2020

   Tṍó e bà náa mon tọ́ọ̀ kà nú e bàé élá boo beemáe bel ló, ba beè gbóó òòma kẽè a bel kilma ló neǹ kpóò log ea gé lóe bel lóá

4. January 31, 2020

   Ba beè sọ̀ẹ bá kọ àé láá aa tọ dọ ke dẹ̀i tṍó ea ni tú 107 dee tõoma tọ

5. October 16, 2019

   Tṍó e Irina ni tú 179 dee tõoma kpọ́gọ́lọ́ e bà ólò sẹlẹ gbò e bel di ló lọ̀l, ba beè gbóó sọ̀ẹ bá vaá tenma log kọ á gá aa tọ dọ ke dẹ̀i

6. April 20, 2019

   Boo taà tóm bòm dee, gbò bé e bà dṹùnà FSB beè làb tọọ̀ Irina. Kpóó ea gé bẹl beè gbàẹ bel kọọ̀ à noo vaá sẹlẹ tọ Bàrì. Ba beè gbóó túe kilma kiẽ́e e bà ólò sẹlẹ gbò e bel di ló, vaá ba beè dàlà dee ló tṍó e bà gáẹ̀ beè sọ̀ẹ bá taà tóm

7. April 19, 2019

   Aatáà neǹ bé e bà dṹùnà FSB beè làb beè Vígà Nelly Tarasyuk ea ni dú 80 gbáá. Irina nè a nvín pábia ea kọlà Natalya beè dũunà gã́bug vígà pábia e ba beè di beá. Tṍó e bà géè làb beá, kpá ló Nelly beè zọ̀ naaní e bà túé kilma tọọ̀ biè. Ba beè sii nagbò vígà pábia e bà sígáá vaá bĩiná va bel zivè deè bílá deeá. Ba beè gbóó tú Irina gbẹẹ́ tọọ̀ kpọ́gọ́lọ́

È banì kọọ̀ Jìhóvà á kilsĩ́ gè siè kpóó ló Irina nè dénè pá bẹẹ vígà págbálà nè pábia e bà di Russia naaní e bàé kilsĩ́ gè ié ĩ̀ìmà nè ẹ́ẹ́ nyíé.​—⁠Kọ́lọsì 1:⁠11.