E ataaki naba te Baibara bwa te Koroboki ae Tabu, ao a bati taeka i nanona aika kaota te wanawana. Ma nora te bwai ae taekinaki bon i nanon te Baibara: “E kairaki korean te Koroboki ae Tabu ni kabane iroun te Atua.” (2 Timoteo 3:16) A bati bwaai ni kakoaua aika kaotia bwa e koaua te taeka anne. Iangoi aika tabeua aikai:

•   Akea ae e eti ana kabuakaka ibukin etin te Baibara ngkana e taekin taai ake rimoa.

•   Boni mwaane aika bwabwaina te koaua taani korea te Baibara. Aroia ni kaotiota te koaua e a noraki iai bwa e boni koaua aia koroboki.

•   Tii teuana te boto n iango n te Baibara: katabuan riain te Atua n tautaeka i aoia aomata ao kakororaoan ana kantaninga rinanon ana Tautaeka n Uea i karawa.

•   E ngae ngke e koreaki nga ma nga te ririki n nako, ma e bon eti kanoana ma te rabakau n aonnaba ae a kakoauaaki n taai ake rimoa.

•   E oti ni baika riki rimoa bwa a boni koaua taetae ni burabeti ke baike a a kaman taekinaki n te Baibara, ao a boni koro bukia.