E aki koreaki te Baibara irouia kaain te aono n Eurobe. Mwaane ni kabane ake e kabonganaia te Atua bwa a na korea te Baibara boni kaain te aono n Atia. E aki kamoamoaaki n te Baibara te reeti teuana bwa e rietata riki nakon are teuana. Ni koauana, e taekinaki iai ae kangai: “E bon aki inanonano te Atua, ma a butimwaeaki irouna aomata nako aika maakua ma ni kakaraoa ae raoiroi, mai buakoia natannaomata nako.”—Mwakuri 10:34, 35.