Antai Aika A Kakaraoa Nanon Iehova ni Boong Aikai?
A kona n noraki Ana Tia Kakoaua Iehova ni katobibia te aonnaba ao a roko man reeti ao katei aika kakaokoro nako. Tera ae karekea ikotakia aomata aika kakaokoro aikai?
Tera Nanon te Atua?
E tangiria te Atua bwa e na butanako ataakin nanona n te aonnaba. Tera nanon te Atua, ao antai ni boong aikai aika reireinia aomata taekan anne?
REIREI 1
Aekakira Aomata Aika Ana Tia Kakoaua Iehova?
Iraman Ana Tia Kakoaua Iehova aika ko kinaia? Tera ae ko ataia raoi ibukia?
REIREI 2
E Aera Ngkai Ti Aranaki Bwa Ana Tia Kakoaua Iehova?
Iangoi bukina aika tenua ngkai ti aranaki n te ara aei.
REIREI 3
E Kangaa ni Manga Kaokaki te Koaua ae n te Baibara?
Ti na kangaa ni koaua raoi bwa e a reke iroura te atatai ae eti ibukin ana reirei ni koaua te Baibara?
REIREI 4
E Aera Ngkai Ti Raira te Baibara ae Te Rairai ae te Aonnaba ae Boou?
Tera ae karika te rairai n Ana Taeka te Atua aei bwa e na rangi ni kaokoro?
REIREI 5
Tera ae Ko na Noria n Ara Bobotaki ni Kristian?
Ti bobotaki ibukin reiakinan te Baibara ao n ikaungaunga i marenara. Ko na butimwaeaki ma te akoi!
REIREI 6
Ti na Kangaa ni Kakabwaiaaki n te Iraorao ma Raora ni Kristian?
E kaungaaki te iraorao ma Kristian n Ana Taeka te Atua. Reiakina arom ni kakabwaiaaki n te aeka n iraorao aei.
REIREI 7
Tera ae Kakaraoaki n Ara Bobotaki?
Ko a tia n iangoa te bae e kakaraoaki n ara bobotaki? Akea te nanououa bwa ane e na anaaki nanom ni bonganan te reirei n te Baibara ae ko reiakinna ni bobotaki aikai.
REIREI 8
E Aera Ngkai Ti Kunnikainira Raoi Nakon Ara Bobotaki?
E kakawaki iroun te Atua kunnikaira? Reiakini booto n reirei man te Baibara aika kairi ara iango ni kaineti ma kunnikaira ao katamaroaara.
REIREI 9
Tera Arora ni Katauraoi ae Moan te Tamaroa Ibukin Ara Bobotaki?
Ti na buokaki ngkana ti a kamani katauraoi ibukin ara bobotaki, ni karekei iai kakabwaia aika bati.
REIREI 10
Tera te Taromauri n Utu?
Reiakina arom ni kona ni buokaki n te babaire aei ibukini kaanian te Atua ao kakorakoraan reitakim ma am utu.
REIREI 11
E Aera Ngkai Ti Irii Runga Aika Bubura?
Ti bobotaki ni katoa ririki ibukin tenua botaki aika okoro. Ko na kangaa ni kakabwaiaaki ni bobotaki aikai?
REIREI 12
Tera Aroni Bairean Ara Mwakuri n Uarongorongoa te Tautaeka n Uea?
Ti toua mwin ana katoto Iesu are kaotiotia ni menana i aon te aba. Baikara tabeua mai buakon aanga n uarongorongo aikai?
REIREI 13
Tera ae Nanonaki n te Bwaiania?
A kabanea 30 te aoa, 50 ke e bati riki nakon anne n te namwakaina, tabeman Ana Tia Kakoaua Iehova n te mwakuri n uarongorongo. Tera ae kaungaa nanoia?
REIREI 14
Baikara Kuura n Reirei Aika Katauraoaki Ibukia Bwaiania?
Tera te kuura ae okoro ae katauraoaki ibukia naake a kabwanina aia tai n te mwakuri n uarongorongo ibukin te Tautaeka n Uea?
REIREI 15
A na Kangaa ni Buoka te Ekaretia Taari Mwaane Ake A Aranaki Bwa Unimwaane?
Boni mwaane aika ikawai n te onimaki unimwaane ake a kairiri n te ekaretia. Tera te ibuobuoki ae a katauraoia?
REIREI 16
Tera Mwiokoaia Tabonibai n te Ekaretia?
A buoka butiraoin te ekaretia tabonibai n te ekaretia. Reiakina aron aia mwakuri ae a kakabwaiaaki iai te koraki ni kabane ake a kaei bobotaki.
REIREI 17
A Kangaa ni Buokira Mataniwi n te Aono ae Uarereke?
Tera bukini kawaran ekaretia nako irouia mataniwi n te aono? Ko na kangaa ni kakabwaiaaki ma ni mwamwanangaia?
REIREI 18
Ti na Kangaa ni Buokiia Tarira Aika Taonaki n te Rawawata?
Ngkana e riki te kabuanibwai ae karina, ti waekoa ni karaoi mwakuri n ibuobuoki ao ti kabebetei nanoia man te Baibara te koraki ake a rotaki iai. N aaro raa?
REIREI 19
Antai te Toro ae Kakaonimaki ma ni Wanawana?
E beritanna Iesu bwa e na rinea te toro ae e na katauraoi amwarake n taamnei n taia aika riai. E kangaa ni karaoaki aei?
REIREI 20
E Kangaa ni Waakina Ana Mwakuri te Rabwata n Tautaeka ni Boong Aikai?
N te moan tienture, ao e tei te kurubu ae uarereke ae kaainaki irouia unimwaane ao abotoro, bwa te rabwata n tautaeka ibukin aia ekaretia Kristian. Tera arona ni boong aikai?
REIREI 21
Tera te Betaera?
Te Betaera bon te tabo ae okoro ae iai baika karaoaki aika rangi ni kakawaki iai. Reiakina ae bati riki ibukia te koraki ake a beku iai.
REIREI 22
Tera ae Kakaraoaki n te Aobiti n Tararua?
A butimwaeaki aomata nako bwa a na neweaba n ara aobiti n tararua. Ti kaungako bwa ko na karaoa anne!
REIREI 23
A Kangaa ni Koreaki ao n Rairaki Ara Boki?
Ti karaoi booki n taetae aika raka i aon 750. Bukin tera ngkai ti kakorakoraira ni karaoa anne?
REIREI 24
E Kangaa ni Mwanenaki Ara Mwakuri ni Katobibia te Aonnaba?
E kangaa ni kaokoro ara botaki ma Aaro nako, ni mwanenakin ara mwakuri?
REIREI 25
Bukin Tera ao A Kangaa ni Kateaki Taabo n Taromauri?
Bukin tera bwa e aranaki ara tabo ni bobotaki bwa te Tabo n Taromauri? Reiakina riki ae bati bwa a kangaa ni buokaki ara ekaretia ni karaoi kateitei aika bon tau buburaia aikai.
REIREI 26
Ti na Kangaa ni Buoka Kateimatoaan Taraaraoin Ara Tabo n Taromauri?
E karaoiroaki Atuara n ara Tabo n Taromauri ae itiaki ma ni kateimatoaaki taraaraoina. Baikara babaire aika katauraoaki ibukin tararuaan ara Tabo n Taromauri n ara aono?
REIREI 27
Ti na Kangaa ni Buokaki Man te Tabo n Tangoboki n te Tabo n Taromauri?
Ko kani karaoi am kakaae bwa e aonga n rikirake iai am atatai n te Baibara? Kawara te tabo n tangoboki n te Tabo n Taromauri!
REIREI 28
Baikara Baika A Kona n Noraki n Ara Atureti ae Kakawaraki n te Internet?
Ko kona n reiakina ae bati riki ibukira ao ara koaua n ikotaki ma kaeka nakon titiraki man te Baibara.
Ko Kukurei ni Kakaraoa Nanon Iehova?
E bon tangiriko Iehova ae te Atua. Ko na kangaa ni kaota nanom ni kani kakukureia ni katoabong ni maium?
