Mika 5:1-15
5 “Ko a korokoreiko ngkai i bon iroumNgkoe ae te nati te aine ae buakanaki.
Ti a otabwaniniaki ni kaitaraaki.+
Ao a karetabaa ana tia moti Iteraera n te kai.+
2 Ao ngkoe ae Betereem Eberata,+Ae te kabanea n uarereke i buakoia nga ma nga* i Iuta.
E na otinako mairoum te aomata ae e na riki bwa te tia tautaeka ibukiu i Iteraera,+Ae e a kaman riki man taai ake rimoa, ao mani boong ake ngkoangkoa.
3 Mangaia ae e na kaaki taekaia te AtuaNi karokoa te tai are e bung iai neiere e na bung.
Ao nikiraia tarin te tia tautaeka a na bane n oki nakoia tibun Iteraera.
4 E na teirake ao e na kawakintiibu ni korakoran Iehova,+Ni kakannaton aran Iehova ae Atuana.
Ao a na maeka ma te mweraoi,+Bwa e na rokoroko kakannatona i tabon nako aonnaba.+
5 Ao e na uota te raoi.+
Ngkana e ninia abara te I-Aturia ao n toutoui ara taua aika nonoaki,+Ao ti na kateirakeia taani kawakintiibu aika itiman n ekianako, eng, tooka* aika waniman mai buakoia aomata.
6 A na boni katuuaaea te aba ae Aturia n te kabaang,*+Ao aban Nimrota+ ni mataroana nako.
Ao e na kamaiuira mairoun te I-Aturia,+Ngkana e ninia abara ao n toutoua ara aono.
7 A na mena nikiraia tibun Iakoba i buakoia botannaomata aika bati,
N aron te aoi mairoun Iehova,Ao n aroni bwakan te karau i aon aroka,Aika aki kabotoi aia kantaninga i aon te aomata,Ke n tataningaiia natiia aomata.
8 A na mena nikiraia tibun Iakoba i buakoia natannaomata,I buakoia botannaomata aika bati,N aron te raian ae mena i buakoia manin te buakonikai,N aron te raian ae ataei i buakoia nanai n tiibu,Ae mwananga n rawerawe ao n raeraebiti,Ao akea ae e na kamaiuia.
9 E na karietataaki baim i aoia taani kakaaitarako,Ao a na bane ni kamaunaaki aiam.”
10 E kangai ana taeka Iehova, “N te bong anneAo N na katiai aroia am aoti ao ni kamaunai am kaa ni buaka.
11 N na kamaunai kaawa ake i abam,Ao ni kabwakai ni kabane am tabo aika nonoaki.
12 N na karokoa n tokina am mwakuri n tabunea ae te kakaraoi,Ao akea temanna ae tatabunea ae e na tiku iroum.+
13 N na kamaunai mairoum am bouannanti aika kaaraki ma am boua,Ao ane ko nang aki manga bobaraaki nakon ana mwakuri baim.+
14 N na taeki ni koutii am kai aika tabu*+ mairoum,Ao ni kamaunai am kaawa.
15 N na karekei kaia natannaomata aika aki ongeaba,N te un ao n te marakinnano.”
Taiani Kabwarabwara Mai Nano
^ Ke, “taian utu.”
^ Ke, “taani kairiri.”
^ Ebera, “kawakina te aba ae Aturia n te kabaang bwa kaanga te tiibu.”
^ Nora Nanon Taeka.