Wi, nou ka krè annan Jézi. « [I sa] chimen-an, lavérité ké lavi. Pyès moun pa pouvé alé òbò Papa-a san [li] » (Jean 14:6). Nou ka krè ki Jézi vini dipi syèl-a asou latè-a é i bay so lavi parfè kou roun sakrifis pou sové limanité-a. (Matthieu 20:28). A paské i mouri é i résisité, ki sa posib nou viv pou tout tan — sèlman si nou ka montré nou lafwa annan li (Jean 3:16). Nou ka kré ki jòdla a Jézi ki Rwa di rwayonm Bondjé ki annan syèl-a, titalò sa rwayonm-an ké mennen lapè asou tout latè-a (Révélation 11:15). Mè, Jézi di san katakata : « Papa-a pi gran pasé mo » (Jean 14:28). Atò, a pa li ki Bondjé tou pwisan-an. A pou sa ki nou pa ka adoré li.