Kimoun ki ka vréman dominé monn-an ?
Ès ou ka pansé, a...
-
Bondjé ?
-
roun imen ?
-
rounòt moun ?
SA LABIB-A KA DI
« Tout monn-an anba pouvwar méchan-an » (1 Jean 5:19).
« Pitit Bondjé-a vini [...] pou détrwi travay Djab-a » (1 Jean 3:8, Traduction du monde nouveau).
SANS SA POUVÉ GEN POU OU
Roun èsplikasyon lojik di problèm monn-an (Révélation 12:12),
Roun rézon di krè ki nou monn ké chanjé pou vin miyò (1 Jean 2:17).
ÈS NOU VRÉMAN POUVÉ KRÈ SA LABIB-A KA DI ?
Wi, pou omwens trwa rézon :
-
Dominasyon Satan kondané. Jéova détèrminé fini ké dominasyon Satan anlè limanité-a. I ka promèt di « krazé [...] Djab-a » é di réparé tout déga Satan provoké (Hébreux 2:14).
-
Bondjé chwazi Jézi Kris pou dirijé monn-an. Jézi sa opozé di chèf kriyèl ké égoyis ki ka dominé monn-an jòdla. Bondjé ka promèt ki lò i ké rwa, Jézi « ké gen pityé pou sa-la ki piti ké sa-la ki maléré [...]. I ké fè yé soti annan malò é pyès moun pa ké fè yé méchansté ankò » (Psaume 72:13, 14).
-
Bondjé pa pouvé manti. Labib-a ka déklaré klèrman : « Bondjé pa pouvé manti » (Hébreux 6:18, Traduction du monde nouveau). Lò Jéova promèt roun bagaj, a konsidiré i té ja fèt (Isaïe 55:10, 11). Asiré pa pétèt, « yé ké jité chèf monn-an dèrò » ! (Jean 12:31).
RÉFLÉCHI ASOU SA
Kouman monn-an ké fika lò so chèf ké éliminé ?
Labib-a ka réponn sa késyon-an an PSAUME 37:10, 11 é an RÉVÉLATION 21:3, 4.
Gadé osi...
ANSÈYMAN ASOU LABIB-A KI ENPÒRTAN
Poukisa Bondjé ka pèrmèt soufrans-ya ?
Répons Labib-a asou sa késyon-an ka bay nou tchò kontan é ka ankourajé nou.
KIMOUN NOU SA ?
Poukisa étidyé Labib-a ?
Labib-a ka bay milyon moun annan monn-an répons anlè gran késyon lavi-a. Ès ou té ké lé sa roun annan yé ?
KIMOUN NOU SA ?
Doumandé pou roun Témwen Jéova vini wè ou
Kozé asou Labib-a ouben anprann plis bagaj asou Témwen Jéova-ya.
