TOƁERE 9
Honno welo welo heɓorto ka ɓeynguure men ?
1. Fii honɗun dewgal no moƴƴani welo welo ɓeynguure ?
Oo Kibaaru moƴƴo ko ka Yahuwah o iwri. Himo faalaa yo fow heɓu welo welo ka ɓeynguure mun (1 Timotee 1:11). Ko kanko fuɗɗi humugol dewgal. Ko dewgal humaangal addata welo welo e nder ɓeynguure e hoolaare hakkunde gorko e debbo. Ɗoftiiɓe Allah ɓen no haani teddinde sariyaaji leydi ka ɓe woni ɗon fii humugol dewgal. — Janngee Luuka 2:1, 4, 5.
Honɗun Allah miiji fii dewgal ? Himo faalaa dewgal hakkunde gorko e debbo yo wonu haa poomaa. Yahuwah no faalaa yo laaɓal wonu hakkunde gorko e debbo (Yahuudiyankeeɓe 13:4). Himo aɲi ko gorko e debbo seedata (Malakii 2:16, TMN). Kono sariya Allah on fii seedigal, ko si gorko on maa debbo on waɗii jina, ɓe waaway seedude. — Janngee Matta 19:3-6, 9.
2. Honno gorko e debbo jogondirta ?
Ko Allah tagunoo gorko e debbo, o holluno ko ɓe haani waɗude (Fuɗɗooɗe nden 2:18). Jooma ɓeynguure no haani ɲamminde, holtina e janna ɓeynguure makko laawol Allah ngol. Himo haani yiɗugol ɓeyngu makko moƴƴa. Gorko e debbo no haani yiɗindirde e mo kala teddina ɗimmo mun. Ɓe accindirana hakkee, ɓayri alaa mo faljataa. Ko ɗun addata welo welo e nder ɓeynguure. — Janngee Efeesi 4:31, 32 ; 5:33 ; 1 Petruusu 3:7.
3. Hiɗon haani seedude ɓayri on nantondirtaa ?
Si tawi on alaa nantondirde, mo kala no haani jogoraade ɗimmo mun hoore giggol fii no fottiron (1 Korenti 13:4, 5). Daaluyee Allah on no holli hinaa seedugol woni feere moƴƴingol hakkunde gorko e ɓeyngu mun. — Janngee 1 Korenti 7:10-13.
4. Fayɓe, honɗun Allah faalanaa on ?
Yahuwah no faalaa yo on welto. Ko sabu ɗun o jonniri on waaju ko nafata on ka fewndaare mon. Himo faalaa yo on heɓu faamu mawɓe mon ɓen (Koloosi 3:20). Yahuwah no faalaa kadi, si hiɗon waɗude goɗɗun fii makko hara ko e hoore weltaare mon. — Janngee Waajotooɗo on 11:9—12:1, TMN ; Matta 19:13-15 ; 21:15, 16.
5. Mawɓe, honno ɓiɓɓe mon ɓen heɓirta weltaare ?
Hiɗon haani gollude fii no ɓe heɓira ko ɓe ɲaama, ko ɓe watto e ka ɓe hoɗa (1 Timotee 5:8). Hiɗon haani kadi jannude ɓe fii Allah, fii no ɓe heɓira weltaare (Efeesi 6:4). Wano yiɗirɗon Allah non, ko non paykoy mon koy kadi yiɗirta mo. Si hiɗon jokki sariyaaji Allah ɗin fii jannugol paykoy mon koy, ɓe wonay ɗoftiiɓe Allah. — Janngee Yaɲɲannde sariyaaji ɗin 6:4, TMN ; 2 Timotee 3:15.
Nafay ɓiɓɓe mon ɓen si on wallitike ɓe. Kono hiɗon haani okkude ɓe needi. Ko ɗun danndoyta ɓe, walloya ɓe, ɓe heɓa moƴƴere e weltaare (Tindi 22:15, TMN). Kono needi ndin wonaa yo sattu kadi haa tampina ɓe. — Janngee Koloosi 3:21.
Seedeeɓe Yahuwah ɓen no sennditude defte buy ko wallata jooma ɓeynguure e fayɓe. Ɗen defte no holli sariyaaji Allah ɗin. — Janngee Zabuura 19:7, 11, TMN.
No gasa on yiɗay kadi
ƁEYNGUURE MON NDEN WAAWAY HEƁUDE WELTAARE
Hooloree Allah fii heɓugol weltaare ka dewgal mon
Huutorgol lanndaale ɗiɗi wallay on ka dewgal mon.
ƁEYNGUURE MON NDEN WAAWAY HEƁUDE WELTAARE
Jittugol satteendi
No gerdirton non no senndindiri hakkunde dewgal kelɗungal e wondungal e weltaare e dewgal jaasungal e yoomungal.
